ഈ പൃഥിരാജ് ചിത്രങ്ങൾ പുറത്തിറങ്ങിയിരുന്നെങ്കിൽ; നടന്റെ ഉപേക്ഷിക്കപ്പെട്ട സിനിമകൾ

എന്ന് നിന്റെ മൊയ്തീന്റെ ‌സംവിധായകൻ ആർഎസ് വിമൽ ഒരുക്കാനിരുന്ന സിനിമയായിരുന്ന കർണൻ. ഈ ചിത്രത്തിന്റെ മോഷൻ പോസ്റ്റർ വരെ പുറത്തിറങ്ങിയിരുന്നു. എന്നാൽ പിന്നീട് പൃഥിരാജും ആർഎസ് വിമലും അഭിപ്രായ വ്യത്യാസങ്ങൾ മൂലം ചിത്രം ഉപേക്ഷിച്ചെന്ന പേരിൽ റിപ്പോർട്ടുകൾ വന്നു. ഇക്കാര്യത്തിൽ സ്ഥിരീകരണമില്ല. അതേസമയം പിന്നീട് ആർഎസ് വിമൽ മഹാവീർ കർണ എന്ന പേരിൽ ചിത്രം വിക്രമിനെ നായകനാക്കി ചെയ്യാനും തീരുമാനിച്ചു. എന്നാൽ പിന്നീട് ഈ സിനിമ നടന്നില്ല.

ഹരിഹരൻ പൃഥിയെ നായകനാക്കി ചെയ്യാനിരുന്ന സിനിമ ആയിരുന്നു സ്യമന്തകം. ശ്രീകൃഷ്ണന്റെ റോളിൽ ആണ് പൃഥിരാജ് ഈ സിനിമയിൽ അഭിനയിക്കാനിരുന്നത്. ​ഗോ​കുലം ​ഗോപാലനായിരുന്നു ചിത്രം നിർമ്മിക്കാനിരുന്ന ബ്രഹ്മാണ്ഡ സിനിമയായിരുന്നു ഇത്.  എആർ റഹ്മാന്റെ സം​ഗീതം, സൗണ്ട് ഡിസൈനറായി റസൂൽ പൂക്കൂട്ടി എന്നിവരെ ആയിരുന്നു ഉദ്ദേശിച്ചത്.  എന്നാൽ പിന്നീട് ഈ സിനിമയെക്കുറിച്ച് വിവരങ്ങളൊന്നും പുറത്തു വന്നില്ല. 

പൃഥിരാജ്-ഷാജി കൈലാസ് കൂട്ടുകെട്ടിൽ 2009 ൽ ഒരുങ്ങാനിരുന്ന സിനിമ ആയിരുന്നു രഘുപതി രാഘവ രാജറാം. ചിത്രത്തിൽ മൂന്ന് വേഷങ്ങളിലാണ് പൃഥിരാജ് എത്താനിരുന്നത്. രഘുപതി എന്ന സെെക്യാട്രിസ്റ്റ്, രാഘവൻ എന്ന പൊലീസ് ഓഫീസർ, രാജാറാം എന്ന ഡോൺ ആയുമാണ് പൃഥിരാജ് അഭിനയിക്കാനിരുന്നത്. പത്തു ദിവസത്തോളം മാത്രമേ ഈ സിനിമയുടെ ചിത്രീകരണം നടന്നുള്ളൂ. പിന്നീട് ഈ ചിത്രം ഉപേക്ഷിച്ചു. 

2009 ൽ മോഹൻലാൽ പൃഥിരാജ് എന്നിവരെ നായകരാക്കി ലാൽ ജോസ് സംവിധാനം ചെയ്യാനിരുന്ന സിനിമ ആയിരുന്നു കസിൻസ്. കസിൻസ് ആയാണ് ഈ സിനിമയിൽ മോഹൻലാലും പൃഥിരാജും അഭിനയിക്കാനിരുന്നത്. വളരെക്കാലം ഈ സിനിമ വാർത്തകളിൽ നിറഞ്ഞു നിന്നിരുന്നു. പിന്നീട് പത്ത് വർഷത്തിന് ശേഷമാണ് മോഹൻലാലും പൃഥിരാജും ലൂസിഫർ എന്ന സിനിമയിലൂടെ ഒരുമിച്ചത്. അതും പൃഥിയുടെ സംവിധാനത്തിൽ