മലയാള സിനിമയിലെ നടന്മാരായ അച്ഛനും മകനും ആരെല്ലാമെന്ന് നോക്കാം

മലയാള സിനിമയിലും ഇത്തരത്തിൽ കാണാൻ സാധിക്കും. അച്ഛനും മകനും നടന്മാരായുള്ള കാഴ്ച ഇവിടെ അനവധിയാണ്. അഭിനയിക്കാൻ അറിയാത്ത നടന്മാരെ നിലനിർത്താത്ത മലയാള സിനിമയിൽ അച്ഛൻ സൂപ്പർ സ്റ്റാർ ആണെന്നത് മക്കൾക്ക് ഒരു തരത്തിലും ഗുണം ചെയ്തിട്ടില്ല. മോളിവുഡിലെ നടന്മാർ ആയ അച്ഛൻ-മകൻ താരങ്ങളെ പരിചയപ്പെടാം.

മലയാളത്തിന്റെ മെഗാസ്റ്റാർ മമ്മൂട്ടിയും മകൻ ദുൽഖറും ഇന്ന് ഇന്ത്യൻ സിനിമയിലെ ഏറ്റവും മൂല്യമുള്ള താരങ്ങളാണ്. മമ്മൂട്ടിയുടെ ചുമലിലൂടെ സിനിമയിലേക്ക് വന്ന ദുൽഖർ ഇന്ന് സൗത്തിലും ബോളിവുഡിലും തിരക്കുള്ള പാൻ ഇന്ത്യൻ നടൻ ആണ്. തിരക്കുള്ള ഈ അച്ഛനും മകനും പക്ഷെ സിനിമയിൽ ഇതുവരെ ഒന്നിച്ച് അഭിനയിച്ചിട്ടില്ല. 

നടന വിസ്മയം മോഹൻലാലിൻറെ മകനാണ് പ്രണവ് മോഹൻലാൽ. അച്ഛനോളം എത്തിലെങ്കിലും മലയാളത്തിൽ മികച്ച ഫാൻബേസ് ഉള്ള താരമാണ് പ്രണവ്. ഓൺ സ്‌ക്രീനിൽ ഒരുമിച്ച് അഭിനയിച്ചിട്ടുണ്ട് താരങ്ങൾ.

ആക്ഷൻ കിങ് സുരേഷ് ഗോപിയുടെ മകനാണ് ഗോകുൽ സുരേഷ്. ഇതിനോടകം അനവധി ഹിറ്റ് സിനിമകളിൽ ഗോകുൽ അഭിനയിച്ചെങ്കിലും അച്ഛനെ പോലെ ആക്ഷൻ പരിവേഷം താരം തിരഞ്ഞെടുക്കാറില്ല. രണ്ടുപേരും ഒരുമിച്ച് അഭിനയിച്ച പാപ്പൻ തിയേറ്ററിൽ വലിയ ഹിറ്റായിരുന്നു.

മലയാളത്തിന്റെ ജനപ്രിയ നടൻ ജയറാമിന്റെ മകനാണ് കാളിദാസ് ജയറാം. അച്ഛനും മകനും ഒരുമിച്ചു അഭിനയിക്കുന്നത് കാളിദാസിന് ആറ് വയസ്സ് ഉള്ളപ്പോളാണ്. അച്ഛനെക്കാളും മികച്ച മിമിക്രി കലാകാരൻ ആയിരുന്നിട്ടും മലയാളത്തിൽ തിളങ്ങാൻ കാളിദാസിന് കഴിഞ്ഞിട്ടില്ല. പക്ഷെ തമിഴിൽ മികച്ച സിനിമകൾ ഇതിനോടകം താരം ചെയ്തു കഴിഞ്ഞു.

മലയാളത്തിലെ ആൾ ടൈം നടൻ ആണ് സുകുമാരൻ. മികച്ച അനവധി കഥാപാത്രങ്ങൾ ചെയ്ത അദ്ദേഹത്തിന്റെ കഴിവ് ലഭിച്ച രണ്ടു മക്കളും ഇന്ന് മലയാള സിനിമയുടെ മുഖ്യ ഭാഗങ്ങളാണ്. നടൻ എന്ന നിലയിൽ ഇന്ദ്രജിത്ത് സുകുമാരൻ മലയാളത്തിലും തമിഴിലും തിളങ്ങി നിൽക്കുകയാണ്. പാൻ ഇന്ത്യൻ ലെവലിൽ നിൽക്കുന്ന നടനാണ് പ്രിത്വിരാജ്. അതോടൊപ്പം മലയാളത്തിലെ മികച്ച സംവിധായകനും നിർമാതാവും ആണ് ഇദ്ദേഹം.

മലയാളത്തിലെ മികച്ച നടനും തിരക്കഥാകൃത്തുമാണ് ശ്രീനിവാസൻ. അദേഹത്തിന്റെ രണ്ടു മക്കളും സിനിമയിലാണ്. നടൻ എന്ന രീതിയിൽ ധ്യാനും വിനീതും തിളങ്ങി നിൽക്കുകയാണ്. വിനീത് ശ്രീനിവാസൻ മലയാളത്തിലെ സൂപ്പർ ഗായകനാണ്.

മലയാളത്തിലെ മികച്ച നടൻ തിലകന്റെ മക്കളാണ് ഷമ്മി തിലകനും ഷോബി തിലകനും. രണ്ടുപേരും അഭിനയത്തിൽ സജീവമാണെങ്കിലും നടൻ എന്ന നിലയിൽ ഷമ്മി മുന്നിട്ട് നിൽക്കുമ്പോൾ ഷോബി ഇന്ന് ഇന്ത്യയിലെ മികച്ച ഡബ്ബിങ് ആർടിസ്റ്റ് ആണ്.

സ്റ്റേജ് ഷോകളിലൂടെ വന്ന് മലയാള സിനിമയിൽ തന്റെതായ സ്ഥാനം നേടിയ നടനാണ് അഭി. കോമഡിയുടെ വ്യത്യസ്ത ഭാവങ്ങൾ മലയാളികൾക്ക് നൽകിയ നടന്റെ മകനാണ് ഷെയിൻ നിഗം. മകഴിവുള്ള മലയാളത്തിലെ വളർന്നു വരുന്ന നാടാണ് ഷെയിൻ.