സൂപ്പർ ഗാനങ്ങൾ, പക്ഷേ സിനിമയിൽ ഇല്ല... മലയാളത്തിലും തമിഴിലും സിനിമയിൽ നിന്നും ഒഴിവാക്കിയ ഗാനങ്ങൾ നോക്കാം

മലയാള സിനിമയെ എടുത്തു നോക്കിയാൽ കാലങ്ങളായി അനവധി ഹിറ്റ് ഗാനങ്ങൾ പിറന്ന ഇൻഡസ്ട്റി ആണിത്. മലയാളം കഴിഞ്ഞാൽ അത്രത്തോളം തന്ന കേരളീയർ കേൾക്കുന്ന ഗാനങ്ങളാണ് തമിഴ് സിനിമ ഗാനങ്ങൾ. സിനിമയുടെ കഥാസന്ദർഭങ്ങൾക്ക് അനുസരിച്ചുള്ള ഗാനങ്ങൾ ഉണ്ടാക്കുകയും എന്നാൽ അവയിൽ പലതും സിനിമ പുറത്തു വരുമ്പോൾ സിനിമയിൽ ഇല്ലാതിരിക്കുകയും ചെയ്യുന്നത് സാധാരണയാണ്. അത്തരത്തിൽ മലയാള-തമിഴ് സിനിമകളിലെ ചില ഗാനങ്ങൾ നോക്കാം

ജോണിആന്റണി സംവിധാനം ചെയ്ത സിനിമയാണ് കൊച്ചിരാജാവ്. ദിലീപ് നായകനായ സിനിമയുടെ സംഗീതം ചെയ്തിരിക്കുന്നത് വിദ്യാസാഗർ ആയിരുന്നു.  ചിത്രത്തിലെ മികച്ച ഗാനങ്ങളിൽ ഒന്നായിരുന്നു സുജാത മോഹൻ പാടിയ വിരൽ തോട്ടു വിളിച്ചാൽ എന്നു തുടങ്ങുന്ന ഗാനം. പക്ഷെ ഗാനം സിനിമയിൽ ഇല്ലായിരുന്നു.

എ ആർ മുരുഗദാസ്-വിജയ് കൂട്ടുകെട്ടിൽ വന്ന സിനിമയായിരുന്നു തുപ്പാക്കി. ഇൻസ്ട്രി ഹിറ്റായിരുന്ന സിനിമയിലെ ഗാനങ്ങൾ എല്ലാം മികച്ചതായിരുന്നു. ഹാരിസ് ജയരാജ് മ്യൂസിക് ചെയ്ത തുപ്പാക്കിയിലെ ഒരു ഗാനം സിനിമ പുറത്തു വന്നപ്പോൾ ഉണ്ടായിരുന്നില്ല. ഇന്ന് യൂട്യൂബിൽ ഹിറ്റാണ് ആ ഗാനം.

മോഹൻലാൽ-ജോഷി കൂട്ടുകെട്ടിൽ വന്ന ഹിറ്റായിരുന്നു നരൻ. മുള്ളൻകൊല്ലി വേലായുധൻ എന്ന കഥാപാത്രമായി ലാലേട്ടൻ തിളങ്ങിയ സിനിമയിലെ ഗാനങ്ങൾ എല്ലാം വളരെ മികച്ചതായിരുന്നു. 2005ൽ പുറത്തുവന്നു സിനിമയിലെ തുമ്പി കിന്നാരം എന്ന ഗാനം സിനിമയിൽ ഉണ്ടായിരുന്നില്ല. ചിത്രത്തിൽ ഗാനത്തിന്റെ ചെറിയ ഒരു ഭാഗം മാത്രമാണ് ഉണ്ടായിരുന്നത്.

2016ൽ പുറത്തിറങ്ങിയ സിനിമായിരുന്നു 24. സൂര്യ നായകനായ ചിത്രം ടൈം ട്രാവൽ ആയിരുന്നു സംസാരിച്ച വിഷയം. എആർ റഹ്മാൻ മ്യൂസിക് ചെയ്ത ചിത്രത്തിലെ ഗാനങ്ങൾ റിലീസിന് മുന്നേ ഹിറ്റായിരുന്നു. ചിത്രത്തിലെ മികച്ച ഗാനങ്ങളിൽ ഒന്നായ പുന്നഗയെ എന്ന ഗാനം പക്ഷെ സിനിമയിൽ ഉണ്ടായിരുന്നില്ല.

ചോട്ടാ മുംബൈ... മോഹൻലാൽ എന്ന നടന്റെ തകർപ്പൻ പ്രകടനം കൊണ്ട് കേരളത്തിൽ ഹിറ്റായ സിനിമയായിരുന്നു ഇത്. അൻവർ റഷീദ് സംവിധാനം ചെയ്ത സിനിമയുടെ മ്യൂസിക് ചെയ്തിരിക്കുന്നത് രാഹുൽ രാജ് ആയിരുന്നു. പൂനിലാ മഴ നനയും എന്ന മനോഹര ഗാനം സിനിമയിൽ ഇല്ലായിരുന്നു.

അനിരുധ് മ്യൂസിക് ചെയ്ത കത്തി വിജയ്-എആർ മുരുഗദാസ് കൂട്ടുകെട്ടിൽ വന്ന സിനിമയാണ്. ചിത്രത്തിലെ ഗാനങ്ങൾ എല്ലാം അനിരുധ് ഹിറ്റാക്കിയിരുന്നു. പക്ഷെ സിനിമയിൽ ഒരു ഗാനം കാണാൻ സാധിച്ചിരുന്നില്ല. ഷങ്കർ മഹാദേവൻ ആലപിച്ച 'പാലം' ആയിരുന്നു ആ സോങ്.

പ്രിയദർശൻ-മോഹൻലാൽ കൂട്ടുകെട്ടിൽ വന്ന സിനിമയായിരുന്നു അറബീം ഒട്ടകോം മാധവൻനായരും. കോമഡി സിനിമയുടെ സംഗീതം ചെയ്തിരിക്കുന്നത് എംജി ശ്രീകുമാർ ആയിരുന്നു. ചിത്രം ഫ്ലോപ്പ് ആയിരുന്നെങ്കിലും ഗാനങ്ങൾ മികച്ചതായിരുന്നു. സിനിമയിൽ മധു ബാലകൃഷ്ണൻ ആലപിച്ച ഗോപപാലനിഷ്ടം എന്ന ഗാനം സിനിമയിൽ ഇല്ലായിരുന്നു.

വെങ്കട്ട് പ്രഭു സൂര്യയെ നായകനാക്കി അണിയിച്ചൊരുക്കിയ സിനിമയായിരുന്നു മാസ്സ്. യുവൻ ശങ്കർരാജ സംഗീതം കൊടുത്ത ചിത്രത്തിലെ ഗാനങ്ങൾ മികച്ചതായിരുന്നു. ചിത്രത്തിലെ സെമ്മ മാസ്സ് എന്ന ഗാനം സിനിമയുടെ റിലേസിന് മുന്നേ ഹിറ്റായിരുന്നു. പക്ഷെ ഗാനം സിനിമയിൽ ഉണ്ടായിരുന്നില്ല.