'ഇർഫാൻ ഖാന്റെ പേരിൽ കുടുംബം ചാരിറ്റിക്ക് നൽകിയത് 600 കോടി'; മരണശേഷം സ്വത്തുക്കൾ ദാനം ചെയ്ത താരങ്ങൾ!

ബി​ഗ് ബോസ് ഹിന്ദി വിജയിയായി ശ്രദ്ധ നേടിയ പ്രതിഭ സിദ്ധാർഥ് ശുക്ലയും അടുത്തിടെ അന്തരിച്ചിരുന്നു. 2021 സെപ്റ്റംബർ 2ന് ഹൃദയാഘാതത്തെ തുടർന്നാണ് സിദ്ധാർഥ് ശുക്ല അന്തരിച്ചത്. അദ്ദേഹത്തിന്റെ മരണശേഷം അദ്ദേഹത്തിന്റെ സ്വത്തുക്കൾ ഒരു ചാരിറ്റിക്ക് ദാനം ചെയ്യുമെന്ന് അദ്ദേഹത്തിന്റെ വിൽപ്പത്രത്തിൽ നേരത്തെ എഴുതി വെച്ചിരുന്നതായാണ് റിപ്പോർട്ട്. നടന്റെ ആസ്തി 50 കോടിയാണ്.

പവിത്ര റിഷ്ത എന്ന സീരിയലിലൂടെയാണ് സുശാന്ത് സിങ് രാജ്പുത് ടെലിവിഷൻ രംഗത്ത് തന്റെ കരിയർ ആരംഭിച്ചത്. പിന്നീട് ബോളിവുഡിലേക്ക് ചേക്കേറി. ചുരുക്കം ചില സിനിമകൾ കൊണ്ട് തന്നെ എല്ലാവരുടെയും ഹൃദയത്തിൽ സുശാന്ത് ഒരു പ്രത്യേക ഇടം നേടിയിരുന്നു. എന്നിരുന്നാലും 2020ൽ അദ്ദേഹത്തിന് സംഭവിച്ച ആകസ്മിക മരണം എല്ലാവരേയും ഞെട്ടിച്ചു. അദ്ദേഹത്തിന്റെ ദുരൂഹ മരണത്തിന് ശേഷം സുശാന്തിന്റെ കുടുംബം അദ്ദേഹത്തിന്റെ സ്വത്ത് ഒരു ചാരിറ്റിക്ക് സംഭാവന ചെയ്തു. പട്‌നയിലെ അദ്ദേഹത്തിന്റെ വീട് ഒരു സ്മാരകമാക്കി മാറ്റാനും തീരുമാനിച്ചു. അവിടെ അദ്ദേഹത്തിന്റെ പുസ്തകങ്ങളും ബയോസ്‌കോപ്പുകളും മറ്റ് വസ്തുക്കളും പ്രദർശിപ്പിക്കാനുമാണ് അദ്ദേഹത്തിന്റെ ബന്ധുക്കൾ തീരുമാനിച്ചത്.