ക്യാമറയ്ക്ക് മുന്നിൽ നിന്ന് പിന്നിലേക്ക്; സംവിധായകരായി മാറിയ നായികമാർ

രേവതി: മലയാളത്തിന് ഏറെ പ്രിയങ്കരിയായ നടി രേവതി അഞ്ച് സിനിമകളാണ് സംവിധാനം ചെയ്തിട്ടുള്ളത്. അതിൽ രണ്ടെണ്ണം കേരള കഫേ, മുംബൈ കട്ടിങ് എന്നീ ആന്തോളജികൾക്ക് വേണ്ടി ആയിരുന്നു. ദേശീയ അവാർഡ് നേടിയ മിത്തർ, മൈ ഫ്രണ്ട് ആണ് ആദ്യ ചിത്രം. പിന്നീട് ഫിർ മിലെങ്കെ എന്നി ചിത്രവും ചെയ്തു. കജോൾ നായികയാവുന്ന സലാം വെങ്കിയാണ് ഏറ്റവും പുതിയ ചിത്രം. ചിത്രം റിലീസിന് ഒരുങ്ങുകയാണ്.

ഹേമ മാലിനി: ബോളിവുഡിലെ സൂപ്പർ നായികമാരിൽ ഒരാളായ ഹേമ മാലിനി രണ്ടു ചിത്രങ്ങൾ സംവിധാനം ചെയ്തിട്ടുണ്ട്. ദിൽ ആഷ്‌ന ഹേയ്, മോഹിനി, ടെൽ മി ഓ ഹുദ എന്നിങ്ങനെ മൂന്ന് ചിത്രങ്ങളാണ് താരം സംവിധാനം ചെയ്തിട്ടുള്ളത്.

നന്ദിത ദാസ്: മലയാളം ഉൾപ്പെടെ 40 ൽ അധികം ചിത്രങ്ങളിൽ അഭിനയിച്ചിട്ടുള്ള നടി നന്ദിതാ ദാസ് അഞ്ച് ചിത്രങ്ങൾ സംവിധാനം ചെയ്തിട്ടുണ്ട്. 

കങ്കണ റണാവത്ത്: ബോളിവുഡിലെ വിവാദനായികയായി അറിയപ്പെടുന്ന നടിയാണ് കങ്കണ. അടുത്തിടെ സംവിധായികയായും താരം പേരെടുത്തിരുന്നു. മണികർണിക ദി ക്വീൻ ഓഫ് ജാൻസി എന്ന ചിത്രമാണ് താരം സംവിധാനം ചെയ്തത്. എമർജൻസി എന്ന പുതിയ ചിത്രം അണിയറയിൽ ഒരുങ്ങുകയാണ്.