ഇന്നും ഹൃദയത്തിൽ!, മലയാള സിനിമയിലെ എക്കാലത്തെയും ജനപ്രിയ ജോഡികൾ

മിക്ക സിനിമകളിലും ഒരു നായകനും നായികയും ഉണ്ടാകും. എന്നാൽ പരസ്പരമുള്ള കെമിസ്ട്രി കൊണ്ട് അവരിൽ ചിലർ മാത്രമാണ് പ്രേക്ഷകരുടെ ഇഷ്ടജോഡികളായി മാറുക. അങ്ങനെ പ്രേക്ഷകരുടെ ഇഷ്ടം നേടിയെടുത്ത മലയാളത്തിലെ എക്കാലത്തെയും ജനപ്രിയ ജോഡികളെയാണ് പരിചയപ്പെടുത്തുന്നത്. 

പ്രേം നസീർ - ഷീല: മലയാള സിനിമയുടെ ചരിത്രത്തിലെ എക്കാലത്തെയും മികച്ച ജോഡികളാണ് പ്രേം നസീറും ഷീലയും 130 ലധികം ചിത്രങ്ങളിലാണ് ഇരുവരും ഒന്നിച്ച് അഭിനയിച്ചത്. ഏറ്റവും കൂടുതൽ സിനിമകളിൽ നായകനും നായികയും ആയതിന്റെ റെക്കോർഡും ഈ താരങ്ങൾക്കാണ്.

മധു - ശ്രീവിദ്യ: മലയാള സിനിമയിലെ മറ്റൊരു ഐക്കണിക് ജോഡിയാണ് മധുവും ശ്രീവിദ്യയും. അറുപതോളം സിനിമകളിൽ ഇരുവരും ഒരുമിച്ച് അഭിനയിച്ചിട്ടുണ്ട്. സിനിമയിലെ തന്റെ ഏറ്റവും അടുത്ത സുഹൃത്താണ് മധുവെന്ന് നടി പലപ്പോഴും പറഞ്ഞിട്ടുണ്ട്.

മോഹൻലാൽ - ശോഭന: മികച്ച ഓൺ സ്ക്രീൻ കെമിസ്ട്രി കാഴ്ചവെച്ചിട്ടുള്ള താരങ്ങളാണ് മോഹൻലാലും ശോഭനയും. തേന്മാവിൻ കൊമ്പത്തും നാടോടിക്കാറ്റും തുടങ്ങി നിരവധി ഹിറ്റുകൾ ഈ കോംബോ മലയാളത്തിന് സമ്മാനിച്ചിട്ടുണ്ട്.

ജയറാം - ഉർവ്വശി: മലയാള സിനിമയിൽ വലിയ ആരാധക വൃന്ദമുള്ള ജോഡികളാണ് ജയറാമും ഉർവശിയും. നിരവധി സിനിമകളിൽ ആണ് ഇവർ ഒരുമിച്ചെത്തിയത്. പ്രേക്ഷകർക്ക്  സ്‌ക്രീനിൽ ചിരി വിരുന്ന് ഒരുക്കിയിട്ടുള്ള ജോഡികളിൽ ഒന്നാണ് ഇത്.

കുഞ്ചാക്കോ ബോബൻ - ശാലിനി: 90 കളുടെ അവസാനത്തിൽ മലയാള സിനിമയിൽ ഏറ്റവും കൂടുതൽ ആരാധകരെ സ്വന്തമാക്കിയ ഓൺസ്‌ക്രീൻ ജോഡികളായിരുന്നു ഇവർ. ഇവരുടെ ഓൺ സ്ക്രീൻ പ്രകടനം കണ്ട് ജീവിതത്തിലും ഇവർ ഒന്നാകണം എന്ന് ആഗ്രഹിച്ച നിരവധി ആരാധകരുണ്ട്.