അറിയാമോ? ഈ ബോളിവുഡ് താരങ്ങള്‍ തുടങ്ങിയത് തെന്നിന്ത്യന്‍ സിനിമകളിലൂടെ

ഇന്ന് ഇന്ത്യന്‍ സിനിമയിലെ നമ്പര്‍ വണ്‍ നായികയാണ് ദീപിക. പലര്‍ക്കും അറിയാത്ത കാര്യമാണ് ദീപികയുടെ അരങ്ങേറ്റം കന്നഡയിലൂടെയായിരുന്നുവെന്നത്. ഐശ്വര്യയായിരുന്നു ആദ്യ സിനിമ.

സൂപ്പര്‍ നായിക ഐശ്വര്യ റായിയുടെ അരങ്ങേറ്റം മണിരത്‌നം സിനിമ ഇരുവറിലൂടെയായിരുന്നു. മോഹന്‍ലാലിന്റെ നായികയായിട്ടായിരുന്നു തുടക്കം. പിന്നാലെ ഓര്‍ പ്യാര്‍ ഹോ ഗയയിലൂടെ ബോളിവുഡിലെത്തി.

ഇന്ന് ബോളിവുഡിലെ മിന്നും താരമാണ് താപ്‌സി പന്നു. നെപ്പോ കിഡുകള്‍ക്കിടയില്‍ സ്വന്തം ഇടം നേടിയ ഔട്ട് സൈഡര്‍. ഹിന്ദിയിലെത്തും മുമ്പ് നിരവധി തെന്നിന്ത്യന്‍ സിനിമകളില്‍ അഭിനയിച്ചിരുന്നു താപ്‌സി. 

ബോളിവുഡിലെ യുവനടിമാരില്‍ മുന്‍നിരയിലാണ് കൃതി സനോണിന്റെ സ്ഥാനം. തെലുങ്ക് ചിത്രത്തിലൂടെയായിരുന്നു കൃതി അരങ്ങേറുന്നത്. പിന്നീടാണ് ബോൡവുഡിലെത്തുന്നത് സ്വന്തമായൊരു ഇടം നേടിയെടുക്കുന്നതും.

തെന്നിന്ത്യന്‍ സിനിമയില്‍ സ്വന്തമായൊരു ഇടം നേടിയെടുത്ത താരമാണ് കാജല്‍ അഗര്‍വാള്‍. പിന്നീട് സ്‌പെഷ്യല്‍ 26 ലൂടെയാണ് കാജല്‍ ഹിന്ദിയിലെത്തുന്നത്.

ബോളിവുഡിന്റെ ഒ.ജി ഡീവയാണ് രേഖ. ജമിനി ഗണേശന്റെ മകള്‍ കൂടിയായ രേഖയുടെ ആദ്യ ചിത്രം തമിഴിലായിരുന്നു. പിന്നീട് സാവന്‍ ഭദോനിലൂടെ ബോളിവുഡിലെത്തുകയായിരുന്നു. 

ഇന്ത്യന്‍ സിനിമയിലെ ആദ്യത്തെ സൂപ്പര്‍ നായികയാണ് ശ്രീദേവി. മലയാളത്തിലടക്കം ഹിറ്റുകള്‍ സമ്മാനിച്ച താരമാണ് ശ്രീദേവി. തെന്നിന്ത്യന്‍ സിനിമകളില്‍ ബാലതാരമായിട്ടായിരുന്നു ശ്രീദേവിയുടെ തുടക്കം.

ബോളിവുഡിന്റെ ഡ്രീം ഗേള്‍ ഹേമ മാലിനിയും തുടങ്ങിയത് തെന്നിന്ത്യന്‍ സിനിമയിലൂടെയായിരുന്നു. തെലുങ്ക് സിനിമയായ പാണ്ഡവ വനനാശം ആയിരുന്നു ആദ്യ സിനിമ.