സിനിമ പഠിപ്പിച്ച പാഠം! സിനിമകളിലൂടെ മലയാളിയ്ക്ക് ലഭിച്ച അറിവുകള്‍

ബാങ്ക് ഓഫ് കൊച്ചി, ബാങ്ക് ഓഫ് കൊച്ചിയലല്ല അങ്ങ് ജപ്പാനിലാണെന്ന് മലയാളി അറിയുന്നത് വണ്‍മാന്‍ ഷോയിലൂടെയായിരുന്നു. അന്ന് ആദ്യം ചിരിച്ച മലയാളി പിന്നെ ചമ്മി.

സ്പിരിറ്റ് ഐസ് ആകാന്‍ മൈനസ് 112 ഡിഗ്രിയെങ്കിലും തണുപ്പ് വേണം. ഈ വിവരം പങ്കുവച്ച സിനിമയാണ് റണ്‍വെ.

ഓജോ ബോര്‍ഡിനെക്കുറിച്ച് മലയാളികള്‍ അടുത്ത് അറിയുന്നത് അപരിചിതര്‍ എന്ന സിനിമയിലൂടെയായിരിക്കും. തൊണ്ണൂറുകളുടെ വസന്തം ആയ മലയാളികള്‍ക്കിടയില്‍ ഓജോ ബോര്‍ഡ് ട്രെന്റായിരുന്നു ഒരിടയ്ക്ക്.

അമിക്യസ്‌ക്യൂരിയെക്കുറിച്ച് സാധാരണ മലയാളി അറിയുന്നത് ഇവിടം സ്വര്‍ഗമാണ് എന്ന സിനിമയിലൂടെയാണ്. ചിത്രത്തില്‍ ശ്രീനിവാസന്‍ ആണ് അമിക്യസ്‌ക്യൂരിയായി എത്തുന്നത്.

വണ്‍ മാന്‍ ഷോയിലൂടെയാണ് കുത്തബ് മിനാറിനേക്കാള്‍ ഉയരം താജ്മഹലിനാണെന്ന് അറിയുന്നത്. സിനിമയിലെ കഥാപാത്രങ്ങളെ പോലെ തന്നെ പ്രേക്ഷകര്‍ക്കും ഇത് സര്‍പ്രൈസായിരുന്നു.

മദ്യം വില്‍ക്കുന്ന കുപ്പി പ്ലാസ്റ്റിക് ആകുന്നത് 1978 മുതലാണെന്ന് മലയാളിയെ പഠിപ്പിച്ചത് ഇടുക്കി ഗോള്‍ഡായിരുന്നു. ചിത്രത്തില്‍ കഥാപാത്രം ചമ്മിയപ്പോള്‍ മലയാളിക്ക് ഒരു പുതിയ അറിവും ലഭിച്ചു.