സിനിമാക്കഥയെ വെല്ലുന്ന ജീവിതം; സിനിമയായ യഥാര്‍ത്ഥ കുറ്റകൃത്യങ്ങള്‍

മലയാളത്തിലെ ക്ലാസിക്കുകളിലൊന്നാണ് ഒരു സിബിഐ ഡയറിക്കുറിപ്പ്. കുപ്രസിദ്ധമായ പൊളക്കുളം കേസിനെ ആസ്പദമാക്കിയാണ് ഈ ചിത്രം ഒരുക്കിയത്. 

സുകുമാരക്കുറിപ്പിന്റെ ജീവിതം പലവട്ടം സിനിമയായിട്ടുണ്ട്. അതില്‍ ഏറ്റവും പുതിയതാണ് കുറുപ്പ്. ദുല്‍ഖര്‍ സല്‍മാന്‍ ആയിരുന്നു നായകന്‍. ചാക്കോയായി എത്തിയത് ടൊവിനോ തോമസ് ആയിരുന്നു.

മമ്മൂട്ടി മൂന്ന് വേഷങ്ങളിലെത്തിയ ചിത്രമാണ് പാലേരി മാണിക്യം ഒരു പാതിരാ കൊലപാതകത്തിന്റെ കഥ. രഞ്ജിത്തായിരുന്നു സംവിധാനം. 

സുരേഷ് ഗോപി നായകനായ ഹിറ്റ് ചിത്രമാണ് ക്രൈം ഫയല്‍. രാജ്യന്തര ശ്രദ്ധ നേടിയ സിസ്റ്റര്‍ അഭയ കൊലക്കേസില്‍ നിന്നും പ്രചോദനം ഉള്‍ക്കൊണ്ടാണ് ഈ സിനിമയൊരുക്കിയത്.

കുപ്രസിദ്ധമായ ആലുവ കൂട്ടക്കൊല കേസിനെ ആസ്പദമാക്കിയൊരുക്കിയ സിനിമയാണ് രാക്ഷസ രാജാവ്. മമ്മൂട്ടിയായിരുന്നു നായകന്‍.

മധുപാല്‍ ഒരുക്കിയ സിനിമയാണ് ഒരു കുപ്രസിദ്ധ പയ്യന്‍. യഥാര്‍ത്ഥ സംഭവത്തെ ആസ്പദമാക്കിയൊരുക്കിയ സിനിമയിലെ നായകന്‍ ടൊവിനോ തോമസ് ആയിരുന്നു. 

മോഹന്‍ലാല്‍, രവികുമാര്‍, രവീന്ദ്രന്‍ തുടങ്ങിയവര്‍ പ്രധാന വേഷത്തിലെത്തിയ ചിത്രമാണ് മദ്രാസിലെ മോന്‍. 1980ലെ കരിക്കന്‍വില്ല മര്‍ഡര്‍ കേസിനെ ആസ്പദമാക്കിയാണ് ഈ സിനിമയൊരുക്കിയത്.