Don't Miss!
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മാസ്റ്റേഴ്സ്: പൃഥ്വിയും ശശികുമാറും ഒന്നിയ്ക്കുന്നു
പൃഥ്വിരാജ് നായകനാവുന്ന ചിത്രം ക്രിസ്മസ് റിലീസാണ് പ്ലാന് ചെയ്തിരിയ്ക്കുന്നത്. കലാലയത്തിലെ അടുത്ത ചങ്ങാതിമാര് ശ്രീരാമകൃഷ്ണനും മിലന് പോളിയും ജീവിതത്തെ കുറിച്ച് വ്യക്തമായ കാഴ്ചപ്പാടുള്ള ഇവര് സമൂഹത്തിന്റെ പ്രശ്നങ്ങളിലും പ്രതിബദ്ധതയോടെ ഇടപെടുന്നവരാണ്.
കലാലയജീവിതത്തിന് ശേഷം ശ്രീരാമകൃഷ്ണന് എസ്പിയും മിലന് പോളി പത്രപ്രവര്ത്തകനുമായപ്പോഴും സൗഹൃദത്തിന് കോട്ടം തട്ടിയില്ലെന്ന് മാത്രമല്ല കൂടുതല് ഊര്ജ്ജ്വസ്വലതയോടെ പരസ്പരം സഹകരിച്ച് ഇവര് സാമൂഹിക പ്രശ്നങ്ങളില് ഇടപെടുന്നു. ഔദ്യോഗിക സാദ്ധ്യതകള് ഉപയോഗിച്ചുകൊണ്ട് അവര് പരസ്പരം സഹായിച്ചു.
പലപ്പോഴും ഇതിന്റെ തിക്തഫലങ്ങള് മിലന് പോളിയെ വേട്ടയാടി. ഒരുപാട് ശത്രുക്കളെ സൃഷ്ടിച്ച അയാളെ എപ്പോഴും സഹായിക്കാന് ശ്രീരാമകൃഷ്ണന് എത്തുന്നു എന്നതാണ് ആശ്വാസം. എന്നാല് ഒരിക്കല്
നഗരത്തില് നടന്ന ആ സംഭവം ഇരുവരേയും ഗുരുതരമായ പ്രതിസന്ധിയിലാക്കി. സംഭവത്തെകുറിച്ചുള്ള അന്വേഷണത്തിന്റെ ഭാഗമായ് ഇവരുടെ യാത്ര കൂടുതല് പ്രശ്നത്തിന് കാരണമാവുകയും ചെയ്യുന്നു. ഇതോടെ സംഘര്ഷഭരിതമായ മൂഹൂര്ത്തങ്ങളിലേക്ക് മാസ്റേഴ്സ് വളരുന്നു.
സിന്സിയര് സിനിമയുടെ ബാനറില് ശരത്ചന്ദ്രനാണ് ചിത്രം നിര്മ്മിക്കുന്നത്. പ്രധാന കഥാപാത്രങ്ങളായ ശ്രീരാമകൃഷ്ണനെ പൃഥ്വിരാജും മിലന് പോളിയെ ശശികുമാറും അവതരിപ്പിക്കുന്നു.
സ്മാര്ട്ടായ എഞ്ചിനിയറിംഗ് വിദ്യാര്ത്ഥിയായ് വേഷമിടുന്നത് പിയയാണ്. ഡാന്സര് അഷ്ലി ജോസ് എന്ന കഥാപാത്രത്തിലൂടെ അനന്യയും പ്രധാന വേഷത്തിലെത്തുന്നു. കഥ,തിരക്കഥ,സംഭാഷണം, ഒരുക്കിയത്. നവാഗതനായ ജിനു എബ്രഹാമാണ്. ബിജുമേനോന്, സലീംകുമാര്, മണിക്കുട്ടന്,സിദ്ദിക്, ജഗതിശ്രീകുമാര്, ഷമ്മിതിലകന്, അനില് മുരളി, വിജയരാഘവന്, സാദിഖ്, ഖുശ്ബു, രമ്യനമ്പീശന് സുകുമാരി, കുളപ്പുള്ളി ലീല, തുടങ്ങിയവര് മറ്റ് പ്രധാന വേഷങ്ങളില് അഭിനയിക്കുന്നു. ബത്തേരി, മുണ്ടക്കയം തൊടുപുഴ ഭാഗങ്ങളിലാണ് മാസ്റ്റേഴ്സിന്റെ പ്രധാന ലൊക്കേഷനുകള്.