ജൂണിൽ ജിയോ ഹോട്ട്സ്റ്റാറിൽ സ്ട്രീം ചെയ്യാൻ പോകുന്ന ഹിറ്റ് സിനിമകളും സീരിസുകളും!

സിനിമാ പ്രേമികൾക്കായി ജിയോ ഹോട്ട്സ്റ്റാറിൽ ജൂണിൽ സിനിമകളുടേയും സീരിസുകളുടേയും പെരുമഴ. വ്യത്യസ്തങ്ങളായ കഥാപശ്ചാത്തലങ്ങളും വൈവിധ്യമാർന്ന അനുഭവവും സമ്മാനിക്കുന്നതാണ് ഓരോന്നും.കോമഡി, ത്രില്ലർ വിഭാ​ഗങ്ങളിൽ അടക്കം ഈ മാസം റിലീസുണ്ട്. എല്ലാ പ്രേക്ഷകരുടെയും അഭിരുചിക്കൊത്താണ് റിലീസുകൾ. മികച്ച പ്രാദേശിക കണ്ടന്റുകൾ ഒരൊറ്റ പ്ലാറ്റ്‌ഫോമിൽ ലഭിക്കുന്നു എന്നതാണ് ജിയോ ​ഹോട്ട്സ്റ്റാറിന്റെ മറ്റൊരു പ്രത്യേകത.

ദൃഢം - ജൂൺ 12, 2026
മലയാളം ക്രൈം ത്രില്ലറായ ദൃഢം ത്രില്ലടിപ്പിക്കുന്ന അനുഭവത്തിലേക്ക് നയിക്കുന്നതാണ്. ഷെയ്ൻ നിഗം നായകനാകുന്ന ചിത്രത്തിൽ ദിനേഷ് പ്രഭാകർ, കൃഷ്ണ പ്രഭ, മാത്യു വർഗീസ്, സാനിയ ഫാത്തിമ എന്നിവരും പ്രധാന വേഷങ്ങളിൽ എത്തുന്നു. സങ്കീർണമായ കുറ്റകൃത്യങ്ങളുടെയും ദുരൂഹതകളുടെയും വലയത്തിൽ അകപ്പെടുന്ന ഒരു യുവ പൊലീസ് ഉദ്യോഗസ്ഥന്റെ കഥയാണ് ചിത്രം പറയുന്നത്. സസ്പെൻസും അപ്രതീക്ഷിത വഴിത്തിരിവുകളും ശക്തമായ കഥാപാത്രങ്ങളുമായി ദൃഢം ജൂൺ 12 മുതൽ ജിയോ ഹോട്ട്സ്റ്റാറിൽ സ്ട്രീമിംഗ് ആരംഭിക്കും.

കെണത്തെ കാണോം - ജൂൺ 15, 2026
തമിഴ് കോമഡി-ഡ്രാമയായ കെണത്തെ കാണോം ഗ്രാമീണ ഹാസ്യവും സാമൂഹിക പ്രസക്തിയുള്ള വിഷയവും സമന്വയിപ്പിക്കുന്ന ചിത്രമാണ്. യോഗി ബാബു നായകനാകുന്ന ചിത്രത്തിൽ ലവ്‌ലിൻ ചന്ദ്രശേഖർ, റെയ്‌ച്ചൽ റബേക്ക, ജോർജ് മറിയൻ എന്നിവരും അഭിനയിക്കുന്നു. വരൾച്ച രൂക്ഷമായ ഒരു ഗ്രാമത്തിലെ ജനങ്ങൾ വെള്ളത്തിനായുള്ള തിരച്ചിലിനിടെ അപ്രതീക്ഷിതവും ചിന്തിപ്പിക്കുന്നതുമായ കണ്ടെത്തലുകളിലേക്ക് എത്തുന്നതാണ് കഥയുടെ പ്രമേയം. ആക്ഷേപഹാസ്യവും വികാരനിർഭരമായ മുഹൂർത്തങ്ങളും യാഥാർഥ്യബോധമുള്ള അവതരണവുമൊക്കെയായി കെണത്തെ കാണോം ജൂൺ 15 മുതൽ ജിയോ ഹോട്ട്സ്റ്റാറിൽ എത്തും.

സേവ് ദ ടൈഗേഴ്സ് സീസൺ 3 - ജൂൺ 19, 2026
തെലുങ്ക് കോമഡി-ഡ്രാമ വെബ് സീരീസായ സേവ് ദ ടൈഗേഴ്സ് മൂന്നാം സീസണുമായി വീണ്ടും എത്തുന്നു. വിവാഹിതരായ മൂന്ന് സുഹൃത്തുക്കളുടെ ജീവിതത്തിലുണ്ടാകുന്ന രസകരവും സങ്കീർണവുമായ സംഭവവികാസങ്ങളാണ് സീരിസിന്റെ ആധാരം. പ്രിയദർശി പുലികൊണ്ട, അഭിനവ് ഗോമതം, കൃഷ്ണ ചൈതന്യ എന്നിവർ പ്രധാന കഥാപാത്രങ്ങളാകുമ്പോൾ ജോർദാർ സുജാത, പാവനി ഗംഗിരെഡ്ഡി, ദേവിയാനി ശർമ്മ എന്നിവരും പ്രധാന വേഷങ്ങളിലെത്തുന്നു. പുതിയ സീസണിൽ വെണ്ണല കിഷോറും ശ്രദ്ധേയ കഥാപാത്രത്തെ അവതരിപ്പിക്കുന്നു. ഹാസ്യവും വൈകാരികമായ സീനുകളും ഒത്തുചേരുന്ന ഈ സീരീസ് ജൂൺ 19 മുതൽ ജിയോ ഹോട്ട്സ്റ്റാറിൽ സ്ട്രീമിംഗ് ആരംഭിക്കും.

തുക്രാ കെ മേരാ പ്യാർ സീസൺ 2 - ജൂൺ 19, 2026
ഹിന്ദി റൊമാന്റിക് ഡ്രാമയായ തുക്രാ കെ മേരാ പ്യാർ രണ്ടാം സീസണിൽ കൂടുതൽ തീവ്രവും ഇരുണ്ടതുമായ കഥാപശ്ചാത്തലത്തോടെയാണ് എത്തുന്നത്. സഞ്ചിത ബാഷുവും ധവൽ താക്കൂറും പ്രധാന കഥാപാത്രങ്ങളാകുമ്പോൾ അനിരുദ്ധ് ദവേ, പാലക് ജെയിൻ, പുനീത് സിംഗ് എന്നിവരും പ്രധാന വേഷങ്ങളിൽ അഭിനയിക്കുന്നു. പ്രണയം, വഞ്ചന, പ്രതികാരം എന്നിവയെ ചുറ്റിപ്പറ്റി സഞ്ചരിക്കുന്ന കഥയിൽ ഒരു കാലത്ത് പ്രണയത്തിലായിരുന്ന രണ്ട് പേരുടെ ബന്ധം പോരാട്ടത്തിലേക്ക് വഴിമാറുന്നതാണ് പ്രമേയം. വികാരനിർഭരമായ മുഹൂർത്തങ്ങളും നാടകീയതയും ചേർന്ന ഈ സീസൺ ജൂൺ 19 മുതൽ ജിയോ ഹോട്ട്സ്റ്റാറിൽ പ്രദർശനം ആരംഭിക്കും.

ലിംഗം - ജൂൺ 26, 2026
തമിഴ് ക്രൈം ത്രില്ലർ വെബ് സീരീസായ ലിംഗം ആക്ഷനും ഇമോഷൻസും നിറഞ്ഞ തീവ്രമായ കഥയാണ് അവതരിപ്പിക്കുന്നത്. കതിര്‍ നായകനാകുന്ന സീരിസിൽ ദിവ്യ ഭാരതി, പൂർണിമ രവി, സത്യ, ബോസ് വെങ്കട്ട് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
തെറ്റായ കുറ്റാരോപണത്തിന് ഇരയാകുന്നതോടെ ജീവിതം അപ്രതീക്ഷിതമായി മാറിപ്പോകുന്ന ഒരു യുവ കബഡി താരത്തിന്റെ യാത്രയാണ് സീരിസിന്റെ കേന്ദ്രവിഷയം. സസ്പെൻസ്, യാഥാർഥ്യബോധമുള്ള അവതരണം, ശക്തമായ പ്രകടനങ്ങൾ എന്നിവയുമായി ലിംഗം ജൂൺ 26 മുതൽ ജിയോ ഹോട്ട്സ്റ്റാറിൽ സ്ട്രീമിംഗ് ആരംഭിക്കും.

ക്രൈം ത്രില്ലറുകളും കുടുംബഹാസ്യവും പ്രണയനാടകങ്ങളും ഉൾപ്പെടെ വൈവിധ്യമാർന്ന ഉള്ളടക്കങ്ങളുമായി ജിയോ ഹോട്ട്സ്റ്റാറിന്റെ ജൂൺ റിലീസുകൾ ദക്ഷിണേന്ത്യൻ പ്രേക്ഷകർക്ക് സമ്പൂർണ വിനോദ വിരുന്ന് ഒരുക്കുമെന്ന് ഉറപ്പാണ്.