Don't Miss!
- News പിണറായിയോളം തലപ്പൊക്കമുള്ള സിപിഎം നേതാവിനെ ബിജെപിയിലെത്തിക്കാന് ദല്ലാള് ശ്രമിച്ചു: ശോഭ സുരേന്ദ്രന്
- Automobiles റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- Lifestyle സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Technology വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
വിനീതിന് തെറ്റിയില്ല; മലര്വാടി സൂപ്പര്
വമ്പന് താരനിരയില്ലാതെ പരിചയസമ്പത്തിന്റെ പിന്ബലമില്ലാതെ എത്തിയ ചിത്രം പ്രേക്ഷകരെ നിരാശപ്പെടുത്തുന്നില്ല, അതേസമയം തന്നെ പുതിയൊരു സാധ്യത യുവത്വത്തിന് മുന്നില് ഈ ചിത്രം തുറന്നിടുകയും ചെയ്യുന്നുണ്ട്.
റിലീസ് ചെയ്ത കേന്ദ്രങ്ങളില് നിന്നെല്ലാം ചിത്രത്തെക്കുറിച്ച് നല്ല റിപ്പോര്ട്ടുകളാണ് വരുന്നത്. പ്രേക്ഷകരെ ഓരോ നിമിഷവും ചിരിപ്പിക്കുകയും ത്രില്ലടിപ്പിക്കുകയും ചെയ്യുന്ന രീതിയിലാണ് ഈ സിനിമ ഒരുക്കിയിട്ടുള്ളത്.
അഞ്ച് സുഹൃത്തുക്കളുടെ കഥയാണ് ഈ സിനിമ. ഇത്രയും മികച്ച രീതിയില് തുടങ്ങുകയും ഇന്റര്വെല് വരെ പ്രേക്ഷകരെ ആകാംഷയില് നിര്ത്താന് കഴിയുകയും ചെയ്യുന്ന രു സിനിമ അടുത്തകാലത്ത് വന്നിട്ടില്ലെന്ന് പറഞ്ഞാല് അത് തെറ്റാവില്ല.
രണ്ടാം പകുതിയില് ചില പാകപ്പിഴകള് വന്നിട്ടുണ്ടെങ്കിലും പ്രേക്ഷകരെ കഥയ്ക്കൊപ്പം സഞ്ചരിപ്പിക്കാന് വിനീതിലെ സിനിമാറ്റോഗ്രാഫര്ക്ക് കഴിയുന്നുണ്ട്. രണ്ടാം പകുതിയിലെ ചില വികാരനിര്ഭര രംഗങ്ങള് കണ്ണുനനയിക്കാന് പാകത്തില് ഉള്ക്കൊണ്ടുകൊണ്ട് താരങ്ങള് ചെയ്യുകയും ചെയ്തിട്ടുണ്ട്.
സ്ഥിരം പ്രണയ സങ്കല്പ്പത്തില് നിന്നുമാറി പുതുമയുള്ള പ്രണയവും യുവാക്കളുടെ സാഹസികതയുമൊക്കെ രസിപ്പിക്കുന്നതാണ്. കൗമാരം പിന്നിട്ട് യൗവ്വനത്തിലേക്ക് കടക്കുന്ന ചെറുപ്പത്തിന്റെ വികാരവിചാരങ്ങളാണ് മലര്വാടി ആര്ട്ട്സ് ക്ലബ്ബ് പുതിയ രീതിയില് അവതരിപ്പിക്കുന്നത്.
മനിശ്ശേരി ഗ്രാമം. അവിടുത്തെ അഭ്യസ്തവിദ്യരായ ചെറുപ്പക്കാര്. അവരില് പലരും പലജോലികളും ചെയ്യുന്നവരാണ്. പകലന്തിയോളം പണിയെടുക്കുന്ന ഈ ചെറുപ്പക്കാര് വൈകുന്നേരം അവരുടെ ക്ലബ്ബായ മലര്വാടിയില് ഒത്തുചേരും.
പിന്നീട് പാട്ടും കവിതയും ഡാന്സും ചര്ച്ചയുമായി സജീവമാണ് ക്ലബ്ബ്. അവരുടെ സ്വപ്നങ്ങളും പ്രതീക്ഷകളുമെല്ലാം അവിടെ ജീവന് വെക്കുന്നു കലാപ്രവര്ത്തനത്തിനൊപ്പം ജീവിതത്തിന് പുതിയ ദിശാബോധം തേടുന്നവരാണ് അവര്.
ചിത്രത്തില് സലിം കുമാറിന്റെ പ്രകടനം അടിവരയിട്ടു പറയേണ്ടതുണ്ട്. നെടുമുടിവേണു, ജഗതി, സുരാജ് വെഞ്ഞാറമ്മൂട് എന്നിവരും തങ്ങളുടെ ഭാഗങ്ങള് തീര്ത്തും ഭംഗിയാക്കിയിരിക്കുന്നു. ഗസ്റ്റ് റോളിലെത്തുന്ന ശ്രീനിവാസനും നിരാശപ്പെടുത്തുന്നില്ല.
ഇവരേക്കാളൊക്കെ എടുത്തുപറയേണ്ടത് ചിത്രത്തിലെ പുതുമുഖ സംഘത്തെയാണ്. സീനിയര് താരങ്ങള്ക്കൊപ്പം ഇവര് മത്സരിച്ചഭിനയിക്കുന്നുണ്ട്.
ചിത്രത്തിലെ ചിലഭാഗങ്ങളിലെ സംഭാഷണങ്ങളില് പടരുന്ന കൃത്രിമച്ചുവ ഇടയ്ക്കിടെ അലോസരമുണ്ടാക്കുന്നുണ്ട്. ചില ഭാഗങ്ങളില് വലിഞ്ഞുനീളുന്നുവെന്ന തോന്നലുണ്ടെങ്കിലും മേക്കിങിന്റെ സൗന്ദര്യത്തിന് ഒരു പരിധിവരെ ഇതിനെ മറികടക്കാന് കഴിയുന്നു.
പൊതുവേ യുവതയ്ക്ക്് പ്രാധാന്യം നല്കുന്ന ചിത്രങ്ങളില് കുറേനാളത്തേയ്ക്കെങ്കിലും മനസ്സില് തങ്ങിനില്ക്കുന്ന പാട്ടുകള് പിറക്കാറുണ്ട്. എന്നാല് മലര്വാടിയില് ഇത്തരത്തിലൊരു ഗാനം പോലുമില്ലെന്നത് നിരാശപ്പെടുത്തുന്നു. അതേസമയം ചിത്രത്തിന്റെ പശ്ചാത്തല സംഗീതത്തെ പ്രശംസിക്കാതെ വയ്യതാനും.
എന്തായാലും മലര്വാടി ഒരു വന് വിജയമാകുമെന്ന സൂചനയാണ് ആദ്യ ദിനത്തിലെ പ്രകടനം നല്കുന്നത്.
നല്ല ചിത്രങ്ങള് ഒരുക്കുന്നത് കുറഞ്ഞ ബഡ്ജറ്റിലാണെങ്കില് പ്രേക്ഷകര്ക്കിടയില് എത്തിക്കാമെന്ന സന്ദേശം നല്കുന്നതില് വിനീതിന്റെ ശ്രമം വിജയിച്ചിട്ടുണ്ട്.
സൂപ്പര് താരങ്ങളില് നിന്നുമാറിയാലും സിനിമയ്ക്ക് സ്വ്ത്വമുണ്ടെന്ന തിരിച്ചറിവുണ്ടാക്കാനും പുതുമകളുമായെത്തിയ മലര്വാടിയ്ക്കു സാധിയ്ക്കുന്നുണ്ട്. എന്തൊക്കെ പോരായ്മകളുണ്ടെങ്കിലും നല്ല കഥപറച്ചില് ശൈലിയും നല്ല ട്രീറ്റമെന്റുമായിരിക്കും മലര്വാടിയെ ഇഷ്ടമുള്ള ചിത്രങ്ങളുടെ പട്ടികയില് ഉള്പ്പെടുത്താന് പ്രേക്ഷകരെ പ്രേരിപ്പിക്കുക.
-
ദാരിദ്ര്യം മാറ്റാന് ടൂത്ത് പേസ്റ്റ് കവര് വരെ സൂക്ഷിച്ച് വെച്ച് വിറ്റു; ഇന്ന് രാജ്യത്തെ സമ്പന്നയായ നടി
-
എനിക്ക് ആരുടേയും പിച്ച വേണ്ട! മലയാളി മാധ്യമപ്രവര്ത്തകനെ മര്യാദ പഠിപ്പിച്ച വിദ്യ ബാലന്
-
'നെഗറ്റീവ് വരേണ്ട എപ്പിസോഡിൽ ജിന്റോ മറുപടികൾ കൊണ്ട് കയ്യടി വാങ്ങി, മണ്ടൻ ടാഗ് അടിപൊളിയായി ഉപയോഗിക്കുന്നു'