നയന്‍താരയും വിഘ്‌നേഷും വിവാഹം തീരുമാനിച്ചു? വലിയ കാര്യങ്ങളെക്കുറിച്ച് സംവിധായകന്‍! പോസ്റ്റ് വൈറല്‍!

സോഷ്യല്‍ മീഡിയയില്‍ സജീവമായ വിഘ്‌നേഷ് ശിവന്‍ പങ്കുവെക്കുന്ന പോസ്റ്റുകളെല്ലാം ക്ഷണനേരം കൊണ്ടാണ് തരംഗമായി മാറാറുള്ളത്. സിനിമാവിശേഷങ്ങളെക്കുറിച്ച് മാത്രമല്ല വ്യക്തി ജീവിതത്തിലെ കാര്യങ്ങളെക്കുറിച്ചുമൊക്കെ വാചാലനായി അദ്ദേഹം എത്താറുണ്ട്. അദ്ദേഹം പങ്കുവെച്ച പുതിയ പോസ്റ്റ് കണ്ടതോടെയാണ് ഇവരുടെ വിവാഹത്തെക്കുറിച്ചുള്ള ചര്‍ച്ചകള്‍ വീണ്ടും സജീവമായത്. ഇക്കാര്യത്തെക്കുറിച്ചാണോ സംവിധായകന്‍ സൂചിപ്പിച്ചതെന്നാണ് ആരാധകരുടെ ചോദ്യം.

വലിയ കാര്യങ്ങള്‍ക്കായി താന്‍ ചെന്നൈയിലേക്ക് പോവുകയാണെന്ന് വ്യക്തമാക്കി എത്തിയിരിക്കുകയാണ് വിഘ്‌നേഷ് ശിവന്‍. ഫ്‌ളൈറ്റ് യാത്രയ്ക്കിടയിലെ ചിത്രവും സംവിധായകന്‍ പങ്കുവെച്ചിരുന്നു. ഇന്‍സ്റ്റഗ്രാം പോസ്റ്റ് തരംഗമായി മാറിയതിന് പിന്നാലെയായാണ് അതിന് പിന്നിലെ കാര്യങ്ങളെക്കുറിച്ചുള്ള ചര്‍ച്ച തുടങ്ങിയത്. അടുത്ത താരവിവാഹത്തിനുള്ള വേദിയാണോ ഒരുങ്ങുന്നതെന്ന ചോദ്യത്തിലായിരുന്നു ആരാധകര്‍. ഇതിനിടയില്‍ നയന്‍സ് എവിടെ എന്ന ചോദ്യങ്ങളും ഉയര്‍ന്നുവന്നിട്ടുണ്ട്.

സിനിമയ്ക്കായി ഒരുമിച്ച് പ്രവര്‍ത്തിച്ചതിന് പിന്നാലെയായാണ് തങ്ങള്‍ പ്രണയത്തിലായതെന്ന് വിഘ്‌നേഷ് ശിവന്‍ വ്യക്തമാക്കിയിരുന്നു. തുടക്കത്തില്‍ വളരെയധികം ബഹുമാനത്തോടെയും ഭയത്തോടെയുമായിരുന്നു താന്‍ നയന്‍സിനെ സമീപിച്ചതെന്ന് അദ്ദേഹം പറഞ്ഞിരുന്നു. അടുത്ത സുഹൃത്തുക്കളായി മാറിയതിന് പിന്നാലെയായാണ് ഇരുവരും പ്രണയത്തിലായത്. കരിയറില്‍ മാത്രമല്ല ജീവിതത്തിലും ബ്രേക്കായി മാറുകയായിരുന്നു ആ സിനിമ.

അടുത്തിടെയായിരുന്നു നാനും റൗഡി താന്‍ എന്ന സിനിമയുടെ നാലാം വാര്‍ഷികം ആഘോഷിച്ചത്. ഈ സിനിമയുടെ ലൊക്കേഷനില്‍ പൂവിട്ട പ്രണയമാണ് ഇരുവരും ഇന്നും നിലനിര്‍ത്തുന്നത്.. നിന്നെ കണ്ടുമുട്ടിയതിന് ശേഷമുള്ള ജീവിതം മധുരനിമിഷങ്ങളുടേതായിരുന്നു. ഈ സിനിമ ചെയ്യാമെന്ന് സമ്മതിച്ച ആ നിമിഷമാണ് നല്ല ഒരു ജീവിതത്തിനുള്ള അവസരം നല്‍കിയത്. അകത്തും പുറത്തും എന്നും നന്മയോടെ കഴിയാന്‍ നിനക്ക് കഴിയട്ടെയെന്നുമായിരുന്നു വിഘ്‌നേഷിന്റെ പോസ്റ്റ്.