സിനിമയിൽ മാത്രമല്ല എല്ലായിടത്തുമുണ്ട്!! ചൂഷണത്തെ കുറിച്ച് അർജുന്റെ വെളിപ്പെടുത്തൽ, എന്റെ മകളും...

ഭാഷ്യാഭേദമന്യേ നടിമാർ രംഗത്ത്

കാസ്റ്റിങ് കൗച്ചിനെ കുറിച്ചും അതു പോലെ സിനിമ മേഖലയിൽ സ്ത്രീകൾ നേരിടുന്ന പ്രശ്നങ്ങളെ കുറിച്ചും ഭാഷാഭേദമന്യേ നടിമാർ രംഗത്തെത്തിയിരുന്നു. മീടു ക്യാ‌‌‌പെയ്നുകൾ മുതൽ കാസ്റ്റിങ്ങ് കൗച്ചിനെതിരെയുള്ള ഒറ്റയാൾ പോരാട്ടം വരെ നാം കണ്ടിരുന്നു. ഹോളിവുഡിൽ തുടങ്ങി മോളിവുഡിൽ വരെ കാസ്റ്റിങ് കൗച്ചിനെ കുറിച്ചുള്ള ഞെട്ടിപ്പിക്കുന്ന കഥകളാണ് നടിമാർ വെളിപ്പെടുത്തിയത്.

ശ്രീ റെഡ്ഡി

ടോളിവുഡിലേയും കോളിവുഡിലേയും കസ്റ്റിങ്ങ് കൗച്ചിനെ കുറിച്ചുള്ള ഞെട്ടിപ്പിക്കുന്ന വെളിപ്പെടുത്തലുമായി ആദ്യം രംഗത്തെത്തിയത് തെലുങ്ക് താരം ശ്രീ റെഡ്ഡിയായിരുന്നു. ഇതിനെതിരെ വസ്ത്രം ഉരിഞ്ഞ് വരെ നടി പ്രതിഷേധം അറിയിച്ചിരുന്നു. ഇത് സിനിമ ലോകത്ത് തന്നെ വൻ വിവാദം സൃഷ്ടിച്ചിരുന്നു. തമിഴ്, തെലുങ്ക് സിനിമകളിലെ താരങ്ങളെ കുറിച്ചുള്ള ഞെട്ടിപ്പിക്കുന്ന വെളിപ്പെടുത്തലാണ് ശ്രീ നടത്തിയത്.

എല്ലായിടത്തുമുണ്ട്

സിനിമ മേഖലയിൽ മാത്രമല്ല എല്ലാ മേഖലയിലും ചൂഷണങ്ങൾ നടക്കുന്നുണ്ട്. സിനിമയിൽ മാത്രമല്ല എല്ലാ മേഖലയിലും നല്ലതും ചീത്തയുമായ ഒരുപാട് കാര്യങ്ങളുണ്ട്. അതു പോലെ നല്ലതും ചീത്തയും തിരഞ്ഞെടുക്കാൻ നമ്മൾ എല്ലാവർക്കും അവസരം ലഭിക്കുന്നുണ്ടെന്നും താരം പറഞ്ഞു. അത് സിനിമയിൽ മാത്രമല്ല എല്ലാ മേഖലയിലും അതിനുള്ള സ്വാതന്ത്ര്യമുണ്ടെന്നും അദ്ദേഹം കൂട്ടിച്ചേർത്തു

എന്റെ മകളും സിനിമയിൽ

അർജുന്റെ മകൾ ഐശ്വര്യ സിനിമയിൽ സജീവമായി കൊണ്ടിരിക്കുകയാണ്. ഈ അവസരത്തിലാണ് താരത്തിന്റെ തുറന്ന് പറച്ചിൽ എന്നത് ശ്രദ്ധേയമാണ്. എന്റെ മകളും സിനിമയിൽ അഭിനയിക്കുന്നുണ്ട്. ഞാൻ ഭയപ്പെട്ടാൽ മറ്റുള്ളവർ എങ്ങനെ തന്റെ മക്കളെ സിനിമയിലേയ്ക്ക് അയക്കും.കഴിഞ്ഞ 38 വര്‍ഷമായി ഈ മേഖലയിൽ ജോലി ചെയ്യുകയാണ് തനിയ്ക്ക് ഇവിടെ ഭയമില്ലെന്നും അർജുൻ പറഞ്ഞു.