For Quick Alerts
ALLOW NOTIFICATIONS  
For Daily Alerts

തിയേറ്ററില്‍ സിനിമ, യൂടൂബില്‍ കൊകോ പ്രമോ സോംഗ്; എങ്ങും നയന്‍താര തരംഗം മാത്രം!

|

വേലൈക്കാരന്‍ എന്ന ചിത്രത്തിന് ശേഷം നയന്‍താര നായികയായി എത്തിയ തമിഴ് ചിത്രം കൊലമാവ് കോകില മികച്ച പ്രേക്ഷകാഭിപ്രായം നേടി പ്രദര്‍ശനം തുടരുകയാണ്. ബോക്‌സ് ഓഫീസിലും തരംഗമായി മാറുകയാണ് ചിത്രം. തിയറ്ററില്‍ തരംഗമായി മാറുന്ന ചിത്രത്തിന്റെ പ്രമോ സോംഗായ ഗണ്‍-ഇന്‍-കാതല്‍ യൂടൂബില്‍ തരംഗമായി മാറിയിരിക്കുകയാണ്. ചിത്രത്തിന് സംഗീതമൊരുക്കിയ അനിരുദ്ധ് ചിട്ടപ്പെടുത്തിയ പ്രമോ സോംഗ്് ചിത്രത്തിന്റെ റിലീസിന് പിന്നാലെ ശനിയാഴ്ചയാണ് യൂടൂബില്‍ റിലീസ് ചെയ്തത്.

വിശാല്‍ ആരാധകര്‍ക്ക് ആടിത്തിമിര്‍ക്കാന്‍ ശണ്ടക്കോഴിയിലെ ആദ്യ ഗാനമെത്തി!

രണ്ട് ദിവസം പിന്നിടുമ്പോള്‍ നാല്‍പ്പത് ലക്ഷത്തിലധികം ആളുകളാണ് പ്രമോ സോംഗ് കണ്ടത്. സംഗീത സംവിധായകന്‍ അനിരുദ്ധും നയന്‍താരയും പ്രത്യക്ഷപ്പെടുന്ന പ്രമോ സോംഗ് സംവിധാനം ചെയ്തിരിക്കുന്നത് വിഘ്‌നേശ് ശിവനാണ്. വിഘ്‌നേശ് ശിവന്‍ വരികളെഴുതിയ ഗാനം ആലപിച്ചിരിക്കുന്നത് വിജയ് യേശുദാസും അര്‍ജുന്‍രാജ കാമരാജും ചേര്‍ന്നാണ്. രവിവര്‍മ്മനാണ് ദൃശ്യങ്ങള്‍ ക്യാമറയില്‍ പകര്‍ത്തിയിരിക്കുന്നത്.

nayanthara

നയന്‍താര, വിജയ് സേതുപതി എന്നിവരെ കേന്ദ്രകഥാപാത്രങ്ങളാക്കി നാനും റൗഡി താന്‍ എന്ന ചിത്രം സംവിധാനം ചെയ്തത് വിഘ്‌നേശ് ശിവനായിരുന്നു. മൂന്ന് വര്‍ഷത്തിന് ശേഷമാണ് നയന്‍താരയും വിഘ്‌നേശ് ശിവനും ഒന്നിക്കുന്നത്. ഇരുവരും പ്രണയത്തിലാണെന്ന ഗോസിപ്പുകള്‍ നിലനില്‍ക്കുന്നതിനിടെയാണ് ഇരുവരും ഒന്നിച്ച പ്രമോ സോംഗ് തരംഗമായി മാറുന്നതും.

കോലം വരയ്ക്കുന്ന കോകില എന്ന ഒരു സാധാരണ പെണ്‍കുട്ടിയായാണ് നയന്‍താര ചിത്രത്തില്‍ വേഷമിടുന്നത്. ഒരു കള്ളക്കടത്ത് മോതിരം കോകിലയുടെ കൈയില്‍ കിട്ടുന്നതും തുടര്‍ന്നുണ്ടാകുന്ന പ്രശ്‌നങ്ങളും അതിനെ കോകില ബുദ്ധിപരമായി അതിജീവിക്കുന്നതുമാണ് ചിത്രത്തിന്റെ പ്രമേയം. ലൈക്ക പ്രൊഡക്ഷന്‍സ് നിര്‍മിക്കുന്ന ചിത്രം സംവിധാനം ചെയ്തിരിക്കുന്നത് നെല്‍സണ്‍ ദിലിപ്കുമാറാണ്. ഹാസ്യതാരം യോഗി ബാബുവാണ് ചിത്രത്തിലെ മറ്റൊരു താരം. സ്റ്റാര്‍ വിജയ് ചാനലിലെ ക്രിയേറ്റീവ് ഡയറക്ടറായിരുന്ന നെല്‍സണ്‍ ദിലിപ്കുമാറിന്റെ പ്രഥമ സംവിധാന സംരംഭമാണ് കൊലമാവ് കോകില.

English summary
Kolamavu Kokila promo song Gun-in-Kadhal become viral on youtube
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more