പ്രേതത്തിന്റെ തടങ്കലില്‍ നിന്ന് മാളവികയ്ക്ക് തത്ക്കാലം ആശ്വാസം!!

തമിഴില്‍ മാളവിക

നന്ദിനിയില്‍ പ്രേതമായി അഭിനയിക്കുന്ന മാളവിക തന്റെ ആദ്യ തമിഴ് ചിത്രത്തിന്റെ തിരക്കിലാണിപ്പോള്‍. അഴക് മുഖന്‍ എന്ന തമിഴ് ചിത്രത്തിന്റെ ഷൂട്ടിങ് ഇതിനോടകം ആരംഭിച്ചുകഴിഞ്ഞു.

ചിത്രത്തിന് പിന്നില്‍

കരു പഴനിയപ്പന്‍, കണ്ണന്‍ എന്നിവരുടെ സഹസംവിധായകനായി പ്രവൃത്തിച്ച അഴകന്‍ സെല്‍വന്റെ ആദ്യ സ്വതന്ത്ര ചിത്രമാണ് അഴക് മകന്‍. അര്‍ജ്ജുന്‍ ഉദയ് ആണ് ചിത്രത്തിലെ നായകന്‍.

അഴക് മകന്‍

തമിഴ്‌നാട്ടിലെ ഒരു ഉള്‍നാടന്‍ ഗ്രാമത്തിലെ കഥയാണ് ചിത്രം പറയുന്നത്. വ്യത്യസ്ത ചുറ്റുപാടുകളില്‍ നിന്ന് വരുന്ന നാല് സുഹൃത്തുക്കളെ കുറിച്ചാണ് സിനിമ പറയുന്നത്. കഥയിലെ നായകന് പ്രത്യേകിച്ച് ലക്ഷ്യമൊന്നുമില്ല. ഒരു പെണ്ണിനെ കണ്ട് ഇഷ്ടമാവുന്നതോടെ ഉണ്ടാവുന്ന സംഭവ വികാസങ്ങളാണ് പിന്നെ സിനിമയില്‍.

മാളവികയുടെ വേഷം

ഒരു നാടന്‍ തമിഴ് പെണ്‍കൊടിയായിട്ടാണ് മാളവിക വെയില്‍ ചിത്രത്തിലെത്തുന്നത്. മാളവികയ്ക്ക് തന്റെ കഴിവ് പുറത്തെടുക്കാനുള്ള അവസരം ചിത്രത്തില്‍ ലഭിയ്ക്കും എന്ന് സംവിധായകന്‍ പറയുന്നു. ജെയിംസ് വസന്തനാണ് ചിത്രത്തിന് വേണ്ടി സംഗീതമൊരുക്കുന്നത്.