ഇഷ്ട നടന്‍ ആരാണ് എന്ന ചോദ്യത്തിന് നയന്‍താര ധൈര്യത്തോടെ ഉത്തരം പറഞ്ഞു, ആരാണത്?

മികച്ച നടി

അറം എന്ന സിനിമയിലെ അഭിനയത്തിന് മികച്ചനടിയായി നയന്‍താര തെരഞ്ഞെടുക്കപ്പെട്ടിരുന്നു. മക്കള്‍ സെല്‍വന്‍ വിജയ് സേതുപതിയാണ് നടിയ്ക്ക് അവാര്‍ഡ് നല്‍കിയത്.

ഇഷ്ടനടന്‍ ആര്

അവാര്‍ഡ് വാങ്ങിയശേഷം ഇഷ്ടനടന്‍ ആരെന്ന ചോദ്യത്തിന് തല അജിത്തെന്ന് നയന്‍താര മറുപടി നല്‍കുകയായിരുന്നു. വന്‍ കരഘോഷത്തോടെയാണ് നയന്‍താരയുടെ മറുപടിയെ കാണികള്‍ വരവേറ്റത്.

വിജയ് യെ കുറിച്ച്

അതേസമയം മെര്‍സലിലെ അഭിനയത്തിന് മികച്ച നടനുള്ള പുരസ്‌കാരം ഏറ്റുവാങ്ങാന്‍ ദളപതി വിജയും സന്നിഹിതനായിരുന്നു. വിജയ് യുടെ സാമിപ്യത്തിലാണ് നയന്‍ ഇഷ്ടനടനാരാണ് എന്ന ചോദ്യത്തിന് അജിത്തിന്റെ പേര് പറഞ്ഞത്

വിജയ് യെ കുറിച്ച്

വിജയെക്കുറിച്ചുള്ള ചോദ്യത്തിന് അദ്ദേഹത്തെപ്പോലെ നിശബ്ദനായ ഒരു വ്യക്തിയെ താനിതുവരെ കണ്ടിട്ടില്ലെന്നായിരുന്നു നയന്‍താരയുടെ മറുപടി. അതിനെയും ആരാധകര്‍ കരഘോഷത്തോടെ വരവേറ്റു

അജിത്തിനൊപ്പം

താരതമ്യേനെ അജിത്തിനൊപ്പമാണ് നയന്‍ ഏറ്റവുമധികം ചിത്രങ്ങളില്‍ അഭിനയിച്ചത്. ബില്ല, ഏകന്‍, ആരംഭം തുടങ്ങിയ ചിത്രങ്ങളില്‍ ഇരുവരും ഒരുമിച്ച് അഭിനയിച്ചിട്ടുണ്ട്.

വിജയ്‌ക്കൊപ്പം

വില്ല് ഒരേ ഒരു ചിത്രത്തില്‍ മാത്രമേ നയന്‍താരയും വിജയ് യും താരജോഡികളായി എത്തിയിട്ടുള്ളൂ. ശിവകാസി എന്ന വിജയ് ചിത്രത്തില്‍ അതിഥി താരമായും നയന്‍താര അഭിനയിച്ചിരുന്നു.

വെട്ടിലായ തൃഷ

നേരത്തെ ഇതുപോലൊരു സന്ദര്‍ഭത്തില്‍ ഇഷ്ട നടന്‍ ആരാണെന്ന ചോദ്യത്തിന് അജിത്തിന്റെ പേര് പറഞ്ഞ തൃഷയെ ആരാധകര്‍ സോഷ്യല്‍ മീഡിയയില്‍ ആക്രമിച്ചിരുന്നു. ഒടുവില്‍ നടിയ്ക്ക് വിശദീകതരണവുമായി രംഗത്ത് വരേണ്ടി വന്നു.