സൂപ്പര്‍ സ്റ്റാറാകാന്‍ വില്ലന്‍ ആകണമോ? വില്ലനാകാനാനുള്ള നിവിന്‍ പോളിയുടെ ആഗ്രഹത്തിന് പിന്നില്‍?

വില്ലനോ നായകനോ?

റിച്ചി വെള്ളിയാഴ്ച തിയറ്ററില്‍ എത്തുന്നതിന് മുന്നോടിയായി ചിത്രത്തിന്റെ പ്രചാരണ തിരക്കുകളിലാണ് നിവിനിപ്പോള്‍. റിച്ചിയിലെ കഥാപാത്രം വില്ലനാണോ നായകനാണോ എന്ന് തനിക്ക് ഇതുവരെ മനസിലായിട്ടില്ലെന്ന് നിവിന്‍ പോളി പറയുന്നു.

അവസരം വന്നിരുന്നു

റിച്ചിക്ക് മുമ്പ് തന്നെ തമിഴില്‍ നിന്നും നിവിന്‍ പോളിയെ തേടി അവസരം വന്നിരുന്നു. അത് ഒരു നെഗറ്റീവ് കഥാപാത്രമായിരുന്നു. എന്നാല്‍ ഡേറ്റ് ക്ലാഷ് കാരണം തനിക്ക് ആ ചിത്രത്തില്‍ അഭിനയിക്കാന്‍ സാധിച്ചില്ലെന്ന് നിവിന്‍ പറഞ്ഞു.

ആദ്യ വില്ലന്‍ വേഷം

നിവിന്‍ ആദ്യമായി വില്ലനാകുന്നത് മലയാള ചിത്രത്തിലാണ്. ആഷിഖ് അബു സംവിധാനം ചെയ്ത ഡാ തടിയാ എന്ന ചിത്രത്തിലായിരുന്നു അത്. എന്നാല്‍ പിന്നീട് വില്ലന്‍ വേഷങ്ങളില്‍ നിവിനെ കണ്ടില്ല. ഒന്നോ രണ്ടോ ചിത്രങ്ങളില്‍ പോലും ഇമേജ് ഭയന്ന് അഭിനയിക്കാന്‍ മടിക്കുന്ന താരങ്ങളുള്ളപ്പോഴാണ് വില്ലനാകാന്‍ നിവിന്‍ താല്പര്യം പ്രകടിപ്പിക്കുന്നത്.

വില്ലന്മാര്‍ സൂപ്പര്‍ താരങ്ങളായി

ആദ്യ കാലങ്ങളില്‍ വില്ലന്മാരായി വെള്ളിത്തിരയില്‍ എത്തി പിന്നീട് സൂപ്പര്‍ സ്റ്റാറുകളായി മാറിയ താരങ്ങളുണ്ട്. മോഹന്‍ലാലും രജനികാന്തും ഈ ഗണത്തില്‍ ഉള്‍പ്പെടുന്നവരാണ്. ഇത് നിവിനും പ്രചോദനമായിരിക്കാം.

ജൂനിയര്‍ മോഹന്‍ലാല്‍

പ്രേമം എന്ന സിനിമ പുറത്തിറങ്ങിയതിന് ശേഷം ജൂനിയര്‍ മോഹന്‍ലാല്‍ എന്നൊരു വിശേഷണം നിവിന്‍ പോളിക്ക് ലഭിച്ചിട്ടുണ്ട്. മോഹന്‍ലാലിന്റെ മാനറിസങ്ങള്‍ എവിടെയോ എപ്പോഴോ നിവിനിലും കാണാന്‍ സാധിച്ചതാണ് ഇങ്ങെയൊരു വിളിപ്പേരിന് പിന്നില്‍.