മേക്കപ്പ് കൂടി എന്ന് പറഞ്ഞ് ഫാസില്‍ ഖുശ്ബുവിനെ ചീത്ത പറഞ്ഞു, ശോക ഭാവം കറക്ടായി വന്നു!!

ആദ്യ ചിത്രം

ഖുശ്ബു ആദ്യമായി നായികകായി അഭിനയിക്കുന്ന ചിത്രമായിരുന്നു വര്‍ഷം പതിനാറ്. അന്നത്തെ റൊമാന്റിക് ഹീറോ കാര്‍ത്തിക് നായകനായെത്തി.

ശോകം വരുന്നില്ല

സംവിധായകന്‍ ഫാസില്‍ തന്റെ ചിത്രത്തിലെ അഭിനേതാക്കള്‍ക്കെല്ലാം, ഓരോ രംഗവും അഭിനയിച്ച് കാണിച്ച് കൊടുക്കാറുണ്ട്. എന്നാല്‍, ഫാസില്‍ എത്ര ശ്രമിച്ചിട്ടും ഖുശ്ബുവില്‍ നിന്നും കഥാപാത്രം ആവശ്യപ്പെടുന്ന ശോകഭാവം വന്നുകിട്ടുന്നില്ല.

ഒരു തന്ത്രം

സഹികെട്ട, ഫാസില്‍ അവസാനം ഇതിനായി ഒരു തന്ത്രം കണ്ടെത്തി. ഖുശ്ബുവിനോട് നല്ല രീതിയില്‍ മേക്കപ്പ് ചെയ്തു വരാന്‍ പറഞ്ഞു. ഖുശ്ബു മേക്കപ്പ് ചെയ്യാന്‍ പോയ അവസരത്തില്‍ ക്യാമറാമാന്‍ ആനന്ദകുട്ടനോട് പറഞ്ഞു ''ഖുശ്ബു വരുമ്പോള്‍ ക്യാമറ ഓണ്‍ ചെയ്തു റെഡിയായികൊള്ളുക' എന്ന്

ശോകം വന്നു

നല്ലപോലെ മേക്കപ്പ് ചെയ്തു ഖുശ്ബു വന്നതും , ''ഇത് പോലെയാണോ മേക്കപ്പ് ചെയ്യുക എന്ന് വളരെ ദേഷ്യത്തിലും ഉച്ചത്തിലുമായി ഫാസില്‍ ചോദിച്ചു. ഇത് കേട്ടതും, ഖുശ്ബുവിന്റെ മുഖം വാടി... സങ്കടം വന്നു ... ശോകമൂകമായി മാറി. ക്യാമറാമാന്‍ ആനന്ദകുട്ടന്‍ വളരെ മനോഹരമായി അത് പകര്‍ത്തുകയും ചെയ്തു.

പറഞ്ഞത്

ഷൂട്ടിംഗ് കഴിഞ്ഞുപോവുന്ന ദിവസമായിരുന്നു ഫാസില്‍ ഈ കാര്യം ഖുശ്ബുവിനോട് പറഞ്ഞത്.