For Quick Alerts
    ALLOW NOTIFICATIONS  
    For Daily Alerts

    വിജയുടെ മാസ്റ്റര്‍ ആമസോണ്‍ പ്രൈമിലേക്ക്‌, ജനുവരി 29ന് റിലീസ്

    |

    ദളപതി വിജയുടെ മാസ്റ്റര്‍ തിയ്യേറ്ററുകളില്‍ നിന്നും വലിയ വിജയമാണ് നേടിയത്. പൊങ്കലിന് റിലീസ് ചെയ്ത ചിത്രം ഇരുനൂറ് കോടിയിലധികം കളക്ഷനാണ് ബോക്‌സോഫീസില്‍ നിന്നും നേടിയത്. മാനഗരം, കൈദി തുടങ്ങിയ സിനിമകള്‍ക്ക് ശേഷം ലോകേഷ് കനകരാജ് സംവിധാനം ചെയ്ത ചിത്രമാണ് മാസ്റ്റര്‍. വിജയ്‌ക്കൊപ്പം മക്കള്‍ സെല്‍വന്‍ വിജയ് സേതുപതിയും മാസ്റ്ററില്‍ മികച്ച പ്രകടനമാണ് കാഴ്ചവെച്ചത്. തമിഴ്‌നാട്ടിലെ പോലെ കേരളത്തിലെ തിയ്യേറ്ററുകളിലും വിജയ് ചിത്രത്തിന് വലിയ വരവേല്‍പ്പ് ലഭിച്ചു.

    master

    അര്‍ജുന്‍ ദാസ്, മാളവിക മോഹനന്‍, ശാന്തനു, ഗൗരി കിഷന്‍ തുടങ്ങിയവരാണ് ചിത്രത്തില്‍ മറ്റ് പ്രധാന വേഷങ്ങളില്‍ അഭിനയിച്ചത്. അതേസമയം തിയ്യേറ്റര്‍ റിലീസിന് പിന്നാലെ മാസ്റ്റര്‍ ഒടിടിയിലും എത്തുകയാണ്. ജനുവരി 29ന് ആമസോണ്‍ പ്രൈം വഴിയാണ് മാസ്റ്റര്‍ റിലീസ് ചെയ്യുന്നത്. തിയ്യേറ്റര്‍ റിലീസിന് പിന്നാലെ സിനിമ ആമസോണിലെത്തുമെന്ന് അണിയറ പ്രവര്‍ത്തകര്‍ നേരത്തെ തന്നെ അറിയിച്ചിരുന്നു. മാസ്റ്ററിന്റെ സ്ട്രീമിങ്ങ് അവകാശം നേരത്തെ ആമസോണ്‍ സ്വന്തമാക്കിയിരുന്നു. കഴിഞ്ഞ വര്‍ഷം എപ്രിലില്‍ തിയ്യേറ്ററുകളില്‍ എത്തേണ്ട ചിത്രമായിരുന്നു മാസ്റ്റര്‍.

    എന്നാല്‍ കോവിഡ് വ്യാപനം കാരണം റിലീസ് നീണ്ടുപോയി. അതേസമയം മാസ്റ്ററിന്റെ വലിയ വിജയം ഇന്‍ഡസ്ട്രികള്‍ക്കൊല്ലം പുത്തനുണര്‍വ്വാണ് നല്‍കിയത്. ഒടിടി റിലീസ് പ്രഖ്യാപിച്ച ചില ചിത്രങ്ങള്‍ തിയ്യേറ്ററുകളിലായിരിക്കും ആദ്യം റിലീസ് ചെയ്യുകയെന്ന് അറിയിച്ചിരുന്നു. തമിഴ് സിനിമകളാണ് ഇത്തരത്തില്‍ മാസ്റ്ററിന്‌റെ വിജയത്തിന് പിന്നാലെ റിലീസ് തീരുമാനം മാറ്റിയത്.

    മാസ്റ്ററില്‍ ജെഡി എന്ന കോളേജ് അധ്യാപകന്‌റെ റോളിലാണ് വിജയ് എത്തുന്നത്. വിജയ് ചിത്രത്തില്‍ നിന്നും ആരാധകര്‍ പ്രതീക്ഷിച്ച എല്ലാ ഘടകങ്ങളും സിനിമയിലുണ്ടായിരുന്നു. ദളപതിയുടെയും മക്കള്‍ സെല്‍വന്റെയും പ്രകടനം തന്നെയാണ് ചിത്രത്തില്‍ ശ്രദ്ധേയമായത്. രണ്ട് പേരും മല്‍സരിച്ചുളള അഭിനയ പ്രകടനമാണ് മാസ്റ്ററില്‍ കാഴ്ചവെച്ചത്. ഒപ്പം അനിരുദ്ധ് രവിചന്ദര്‍ ഒരുക്കിയ പാട്ടുകളും വിജയ് ചിത്രത്തിന്റെതായി തരംഗമായി മാറി.

    Master crosses 100-crore mark worldwide in 3 days | FilmiBeat Malayalam

    ഗ്ലാമറസായി തമിഴ് താരം, നടി ശരണ്യയുടെ ലേറ്റസ്റ്റ് ചിത്രങ്ങള്‍ കാണാം

    English summary
    thalapathy vijay's master movie ott release through amazon prime on january 29
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X