Click it and Unblock the Notifications
Don't Miss!
-
മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം -
യുഎഇയും ഖത്തറും തുര്ക്കിയുടെ കൂടെ; ഇറാഖില് നിന്ന് പുതിയ പാത, ഇന്ത്യന് മോഹങ്ങള്ക്ക് തിരിച്ചടി -
ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
കേരളത്തിലും വിക്രം വേദ കിതയ്ക്കുന്നില്ല!!! രണ്ടാഴ്ച കൊണ്ട് കേരളത്തില്‍ നിന്ന് നേടിയത്!!!
നടി ആക്രമിക്കപ്പെട്ടതും തുടര്‍ന്നുണ്ടായ ദിലീപിന്റെ അറസ്റ്റും വിവാദങ്ങളും സിനിമയെ മൊത്തത്തില്‍ ബാധിച്ചു എന്ന അഭിപ്രായങ്ങള്‍ക്കിടയിലും നല്ല സിനിമകള്‍ കാണാന്‍ കേരളത്തിലെ തിയറ്ററുകളിലേക്ക് ആളെത്തുന്നുണ്ട്. മലയാള ചിത്രങ്ങള്‍ മാത്രമല്ല മികച്ച അഭിപ്രായം നേടുന്ന അന്യഭാഷ ചിത്രങ്ങളും കേരള ബോക്‌സ് ഓഫീസില്‍ വെന്നിക്കൊടി പാറിച്ചിരുന്ന ഒരു കാലമുണ്ടായിരുന്നു. അത് വീണ്ടും ആവര്‍ത്തിക്കുകയാണിപ്പോള്‍.
ആഗോള ബോക്‌സ് ഓഫീസില്‍ മികച്ച പ്രകടനം തുടരുന്ന വിക്രം വേദയാണ് കേരള ബോക്‌സ് ഓഫീസിലും മികച്ച പ്രകടനം കാഴ്ചവച്ചിരിക്കുന്നത്. പ്രേക്ഷക നിരൂപക പ്രശംസ നേടിയ ചിത്രം രണ്ടാഴ്ച പിന്നിട്ടിട്ടും നിറഞ്ഞ സദസില്‍ പ്രദര്‍ശനം തുടരുകയാണ്.
ആദ്യവാര കളക്ഷന്‍
കേരളത്തില്‍ മികച്ച ആരാധക പിന്തുണയുള്ള വിജയ് സേതുപതി. മലയാളികള്‍ നെഞ്ചേറ്റിയ മാധവനും വിജയ് സേതുപതിയും ഒന്നിച്ച ചിത്രത്തെ പ്രേക്ഷകര്‍ ഏറ്റെടുക്കുകയായിരുന്നു. ആദ്യവാരം 3.18 കോടി രൂപയാണ് ചിത്രം നേടിയത്.
രണ്ടാം വാര കളക്ഷന്‍
കേരളത്തിലെ തമിഴിലെ മുന്‍നിര താരങ്ങളുടെ ചിത്രങ്ങള്‍ക്ക് ലഭിക്കുന്ന സ്വീകരണമാണ് ഈ വിജയ് സേതുപതി മാധവന്‍ ചിത്രത്തിന് ലഭിക്കുന്നത്. തിയറ്ററിലെത്തി രണ്ടാഴ്ച പിന്നിടുമ്പോള്‍ 5.72 കോടിയാണ് ചിത്രം കളക്ട് ചെയ്തിരിക്കുന്നത്.
പ്രദര്‍ശനം തുടര്‍ന്നാല്‍
റിലീസ് ചെയ്ത പ്രധാന കേന്ദ്രങ്ങളിലെല്ലാം വിക്രം വേദ നിറഞ്ഞ സദസില്‍ പ്രദര്‍ശനം തുടരുകയാണ്. ചിത്രം നിലവിലുള്ള സ്ഥിതി തുടര്‍ന്നാല്‍ കേരളത്തില്‍ നിന്നും 10 കോടി രൂപയോളം കളക്ഷന്‍ നേടുമെന്നാണ് പ്രതീക്ഷിക്കുന്നത്.
പുഷ്‌കര്‍ ഗായത്രി
പുഷ്‌കര്‍, ഗായത്രി എന്നീ സംവിധായക ദമ്പതികളുടെ മൂന്നാമത്തെ സംവിധാന സംരംഭമാണ് വിക്രം വേദ. ഏഴ് വര്‍ഷത്തെ ഇടവേളയ്ക്ക് ശേഷമാണ് ഇരുവരും വിക്രം വേദയുമായി എത്തുന്നത്. അവരുടെ മുന്‍കാല ചിത്രങ്ങളില്‍ നിന്നും വ്യത്യസ്തമായ പ്രമേയവും അവതരണവുമായിരുന്നു ഈ ചിത്രത്തിന്.
യുഎസ് ബോക്‌സ് ഓഫീസിലും
യുഎസില്‍ വിക്രം വേദ തരംഗമായി മാറുകയാണ്. ആദ്യ ആഴ്ച തന്നെ രണ്ട് കോടിക്ക് മുകളില്‍ കളക്ഷനുണ്ടാക്കിയ ചിത്രം യുഎസ് ബോക്‌സ് ഓഫീസില്‍ ഏറ്റവും അധികം കളക്ഷന്‍ നേടുന്ന ചിത്രങ്ങളുടെ പട്ടികയില്‍ ഇടം നേടുകയും ചെയ്തു.
