നോമിനേറ്റ് ചെയ്തിട്ട് കാര്യമില്ല ; ധന്യക്ക് ഒടുവിൽ റോബിന്റെ പവർ മനസിലായെന്ന് ആരാധകർ

ടോപ്പ് ഫൈവിൽ എത്താൻ സാധ്യതയുള്ള രണ്ട് മത്സരാർത്ഥികൾ കളിയിൽ നിന്നും പുറത്തായതോടെ പുറത്ത് ഗെയിം എങ്ങനെയാണ് പ്രേക്ഷകർ വിലയിരുത്തുന്നത് എന്നതിന് ഒരു രൂപവും കിട്ടാതെ വിഷമിക്കുകയാണ് മത്സരാർത്ഥികൾ.

ബിഗ് ബോസ് വീട്ടിൽ ആർക്കാണ് ഏറ്റവും കൂടുതൽ പ്രേക്ഷക പിന്തുണ ഉള്ളതെന്നും ആർക്കാണ് പിന്തുണ ഒട്ടും ഇല്ലാത്തതെന്നും മത്സരാർത്ഥികൾക്ക് ഊഹിക്കാൻ പോലും കഴിയാത്ത അവസ്ഥ.

Also read: റോബിൻ വിഷയത്തിൽ തെറ്റിയത് ബിഗ് ബോസിന്‌

ഈ അവസരത്തിലാണ് ഈ ആഴ്ചത്തെ നോമിനേഷൻ പ്രക്രിയ നടന്നത്. വളരെ വ്യത്യസ്തമായ രീതിയിലാണ് ഇത്തവണത്തേയും നോമിനേഷൻ പ്രക്രിയ നടന്നത്.

മൂന്ന് പേർ വീതമുള്ള ​ഗ്രൂപ്പുകളായി തിരിഞ്ഞായിരുന്നു നോമിനേഷൻ നടന്നത്. ഒരോ ​ഗ്രൂപ്പിലേയും മൂന്ന് പേർ ചേർന്ന് പരസ്പരം ചർച്ച ചെയ്ത് ഒരാളെ തീരുമാനിക്കണം.

നോമിനേഷൻ പ്രക്രിയ അവസാനിച്ചപ്പോൾ സുചിത്ര, അഖിൽ, വിനയ്, സൂരജ് എന്നിവരാണ് നോമിനേഷൻ പട്ടികയിൽ എത്തിയിരിക്കുന്നത്.

നോമിനേഷൻ പ്രക്രിയക്കായി പേര് നിർദേശിക്കുന്ന അവസരത്തിൽ നടന്ന ചർച്ചകൾ ഇപ്പോൾ പ്രേക്ഷക ശ്രദ്ധ നേടുകയാണ്. ധന്യയും റോബിനും വിനയ് മാധവും ആണ് നോമിനേഷനായി പോയത്.

ചർച്ചക്കൊടുവിൽ വിനയ് നോമിനേഷൻ പട്ടികയിൽ വരികയായിരുന്നു. തുടർന്ന് ബിഗ് ബോസ് വീട്ടിൽ നോമിനേഷന് മത്സരാർത്ഥികളെ നിർദേശിച്ചതിനെപ്പറ്റി ചർച്ച ഉണ്ടായി. ഈ അവസരത്തിൽ ധന്യ പറഞ്ഞ കാര്യമാണ് ഇപ്പോൾ പ്രേക്ഷകർ ചർച്ചാവിഷയം ആക്കുന്നത്.

Also Read: റോബിന്റെ പെരുമാറ്റം ദിൽഷക്ക് നോവുന്നോ; ഇനി ഒറ്റക്കുള്ള പോരാട്ടം മതിയെന്ന് ആരാധകർ

താൻ റോബിനെ നോമിനേഷന് നിർത്തണ്ട എന്ന് പറഞ്ഞതിനുള്ള കാരണം കുട്ടി അഖിലുമായി ചർച്ച ചെയ്യുകയായിരുന്നു ധന്യ.

റോബിൻ മുൻപ് പല തവണ നോമിനേഷനിൽ വന്നിട്ടുള്ളതാണെന്നും എന്നിട്ട് പുള്ളി ഇന്നേവരെ ഔട്ട് ആയിട്ടില്ലെന്നും ധന്യ പറയുന്നു. നോമിനേഷനിൽ വരുന്നത് കാരണം റോബിന് പ്രേക്ഷക പിന്തുണ വർധിക്കുന്നുണ്ടെന്നും ധന്യ അഖിലിനോട് പറഞ്ഞു.

താൻ കഴിഞ്ഞ ആഴ്ച നോമിനേഷനിൽ വന്നതാണെന്നും അതുകൊണ്ട് തനിക്ക് അതിന്റെ ടെൻഷനും കാര്യങ്ങളും അറിയാൻ പറ്റിയെന്നും ധന്യ പറഞ്ഞു.

എന്നാൽ വിനയ് ഇപ്പോൾ വന്നതേ ഉള്ളു വെറും 15 ദിവസം മാത്രമാണ് വിനയ് ബിഗ് ബോസ് വീട്ടിൽ ഉണ്ടായിരുന്നുള്ളു. അതുകൊണ്ട് തന്നെ വിനയ് നോമിനേഷനിൽ വരുമ്പോൾ വിനയുടെ പ്രേക്ഷക പിന്തുണ വർധിക്കുമെന്നും ധന്യ പറയുന്നു.

ഡോക്ടർ റോബിന്റെ ജനപിന്തുണ ധന്യക്ക് ഇപ്പോൾ മനസിലായെന്നാണ് പ്രേക്ഷകർ ധന്യയുടെ ഈ ചർച്ചക്ക് കമ്മന്റ് ഇട്ടിരിക്കുന്നത്.

Also Read:ജീവിതത്തില്‍ കുറ്റബോധം തോന്നിയ വില്ലത്തരത്തെപ്പറ്റി സ്വന്തം സുജാതയിലെ റൂബി

എന്തുതന്നെ ആയാലും പ്രേക്ഷകർ ഏറെ ആഗ്രഹിച്ചിരുന്ന വീക്ക് ആയ കുറച്ച് മത്സരാർത്ഥികൾ ഇത്തവണത്തെ നോമിനേഷൻ പ്രക്രിയയിൽ എത്തിയിട്ടുണ്ട്. ബിഗ് ബോസ് വീട്ടിലെ മൂവർ സംഘമായ അഖിൽ, സൂരജ്, സുചിത്ര എന്നിവർ ഒരുമിച്ച് നോമിനേഷനിൽ എത്തിയത് കാരണം പ്രേക്ഷകരുടെ ഇത്തവണത്തെ വോട്ട് സ്പ്ലിറ്റവനും സാധ്യതയുണ്ട്.