For Quick Alerts
    ALLOW NOTIFICATIONS  
    For Daily Alerts

    പുഷ്പ 2 വിന്റെ ബജറ്റ് കെജിഎഫ് 2 വിന്റെ മൂന്നര ഇരട്ടി; റോക്കി ഭായിയുടെ റെക്കോഡ് പുഷ്പ രാജ് തകർക്കുമോ

    |

    സിനിമാ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് അല്ലു അർജുൻ നായകാവുന്ന പുഷ്പയുടെ രണ്ടാം ഭാ​ഗം. ബോക്സ് ഓഫീസിൽ റെക്കോഡ് വിജയം നേടിയ ഒന്നാം ഭാ​ഗത്തിന് ശേഷം രാജ്യമൊട്ടാകെ ഇന്ന് ഭാഷാ ഭേദമന്യേ പുഷ്പ ആരാധകരുണ്ട്. അല്ലു അർജുൻ തകർത്താടിയ ചിത്രത്തിൽ രശ്മിക മന്ദാനയായിരുന്നു നായിക.

    ചിത്രത്തിൽ നടി സമാന്ത അവതരിപ്പിച്ച ഡാൻസ് നമ്പർ സൂപ്പർ ഹിറ്റായി. നായകനും നായികയും വില്ലനും ഡാൻസറും തുടങ്ങി വന്നു പോയവരെല്ലാം സ്കോർ ചെയ്ത പുഷ്പയ്ക്ക് ശേഷം അല്ലു അർജുന്റെ കരിയർ ​ഗ്രാഫ് കുത്തനെ ഉയർന്നു. ആദ്യ ഭാ​ഗത്ത് 40 കോടിയാണ് അല്ലു പ്രതിഫലമായി വാങ്ങിയതെങ്കിൽ രണ്ടാം ഭാ​ഗത്തിന് 90 കോടിയാണ് നടന്റെ പ്രതിഫലമെന്നാണ് റിപ്പോർട്ടുകൾ.

    സുകുമാർ അണിയിച്ചൊരുക്കിയ പുഷ്പയിൽ പുഷ്പ രാജ് എന്ന ചന്ദനക്കടത്തുകാരന്റെ വേഷത്തിലാണ് അല്ലു അർജുൻ എത്തിയത്. നടൻ ഫഹദ് ഫാസിലായിരുന്നു പുഷ്പയിലെ വില്ലൻ. എസ്പി ഭൻവർ സിം​ഗ് ശിഖാവത് എന്ന കഥാപാത്രത്തെയാണ് ഫഹദ് ഫാസിൽ ചിത്രത്തിൽ അവതരിപ്പിച്ചത്.

    also read:എന്റെ മകളുടെ പ്രായമേയുള്ളൂ, പത്ത് രൂപ വാങ്ങിയാൽ രണ്ട് രൂപയുടെ ആത്മാർഥത വേണ്ടേ; നൂറിനെതിരെ നിർമ്മാതാവ്

    ചിത്രീകരണം തുടങ്ങാനിരിക്കുന്ന പുഷ്പ 2 വിന്റെ വിശേഷങ്ങൾ ഇപ്പോൾ തന്നെ ടോളിവുഡിൽ അലയൊലികൾ സൃഷ്ടിച്ച് തുടങ്ങി. വൻ ബജറ്റിലാണ് ചിത്രം ഒരുങ്ങുന്നതെന്നാണ് വിവരം. റിപ്പോർട്ടുകൾ പ്രകാരം 350 കോടി രൂപ ബ‍ജറ്റിലാണ് പുഷ്പ 2 നിർമ്മിക്കുന്നത്. ആരാധകരുടെ പ്രതീക്ഷയ്ക്കൊത്ത് ചിത്രം ഉയരണമെന്നാണ് നിർമാതാക്കൾ ആ​ഗ്രഹിക്കുന്നത്.

    ഇതിനിടെ പുഷ്പയെക്കൂടാതെ ദേശീയ തലത്തിൽ തരംഗമായ കെജിഎഫ് 2 വുമായി പുഷ്പ 2 വിനെ താരതമ്യം ചെയ്യൽ തുടങ്ങിക്കഴിഞ്ഞു. ഒന്നാം ഭാ​ഗത്തിന്റെ വിജയത്തേക്കാൾ വലിയ വിജയമായിരുന്നു കെജിഎഫിന്റെ രണ്ടാം ഭാ​ഗം. അതിനു മുമ്പിറങ്ങിയ ബാഹുബലി ദ കൺക്ലൂഷനും ഒന്നാം ഭാ​ഗത്തേക്കാൾ വലിയ വിജയമായി. ഇതിനാൽ പുഷ്പ 2 വിനുള്ള ഉത്തരവാദിത്വം കൂടുകയാണ്.

    Also read: ഭർത്താവിൻ്റെ മുൻഭാര്യയുടെ ജീവിതത്തിലുണ്ടായത് ശ്രീദേവിയ്ക്കും സംഭവിച്ചു; ആ സാമ്യത്തെ കുറിച്ചുള്ള റിപ്പോർട്ട്

    100 കോടി ബജറ്റിലാണ് കെജിഎഫ് ചാപ്റ്റർ 2 ഇറങ്ങിയത്. ചിത്രം നേടിയ മൊത്തം കലക്ഷനാവട്ടെ 1200 കോടി. ഇതിന് മുമ്പ് ബാഹുബലിക്ക് മാത്രമായിരുന്നു ഈ നേട്ടം കൈവരിക്കാനായത്. ബജറ്റുകൾ തമ്മിൽ താരമത്യം ചെയ്യുമ്പോൾ കെജിഎഫ് 2 വിന്റെ നിർമാണ ചെലവിനേക്കാൾ മൂന്നര ഇരട്ടി അധികമാണ് പുഷ്പ 2 വിന്റെ ബജറ്റ്. തിയറ്ററിലെത്തുമ്പോൾ റോക്കി ഭായുടെ നേട്ടം പുഷ്പരാജന് ആവർത്തിക്കാനാവുമോ എന്നാണ് ആരാധകർ ഇപ്പോൾ ആകാംക്ഷയോടെ കാത്തിരിക്കുന്നത്.

    കണക്കുകൾ നോക്കിയാൽ കെജിഎഫിന്റെ ആകെ ചെലവിനടുത്ത് അല്ലുവിന്റെ പ്രതിഫലം മാത്രമുണ്ട്. 90 കോടിയുടെ അടുത്താണ് അല്ലുവിന് പുഷ്പ 2 വിലെ പ്രതിഫലം. കെജിഎഫിന്റെ ആകെ മുടക്കു മുതലാവട്ടെ 100 കോടിയാണ്. പക്ഷെ 1000 കോടിയിലേറെ കൊയ്താണ് റോക്കി ഭായി തിയ്യറ്ററുകൾ വിട്ട് പോയത്. പുഷ്പരാജിന് ഈ വിജയം ആവർക്കിക്കാനാവുമോ എന്ന് കാത്തിരുന്ന് കാണാം. പുഷ്പയുടെ ആദ്യ ഭാ​ഗം റിലീസ് ചെയ്ത് 50 ദിവസത്തിനുള്ളിൽ നേടിയത് 365 കോടിയാണ്.

    also read:ഐശ്വര്യ റായിയെ തൊടാന്‍ പേടിയായി; ഇന്റിമേറ്റ് സീന്‍ എടുക്കുമ്പോള്‍ കുട്ടിക്കളി വേണ്ടെന്ന് പറഞ്ഞതായി രണ്‍ബീര്‍

    Recommended Video

    Pushpaയും rockeyയും ഏറ്റുമുട്ടിയാൽ ? | Filmibeat Malayalam

    ആ​ഗസ്റ്റ് മാസത്തിലോ സെപ്റ്റംബർ മാസത്തിലോ ആയിരിക്കും പുഷ്പ 2 വിന്റെ ചിത്രീകരണം ആരംഭിക്കുക. ഷൂട്ടിം​ഗ് തിരക്കുകളിലേക്ക് പോവുന്നതിന് മുമ്പ് ടാൻസാനിയയിൽ കുടുംബത്തോടൊപ്പം വെക്കേഷനിലാണ് അല്ലു അർജുൻ. ഭാര്യയോടും മക്കളോടൊപ്പമുള്ള ചിത്രവും നടൻ പങ്കു വെച്ചിട്ടുണ്ട്. ഇതിനകം സമൂഹ മാധ്യമങ്ങളിൽ വൈറലാണ് അല്ലുവിന്റെ വെക്കേഷൻ ചിത്രങ്ങൾ.

    Read more about: allu arjun kgf
    English summary
    Pushpa 2 budget is 3.5 times of kgf chapter 2 can it beat kgf's box office record?
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X