പ്രേക്ഷകര്‍ കാത്തിരിക്കുന്നു ഈ സിനിമകള്‍ക്കായി

കൊവിഡിനെ തുടര്‍ന്നുണ്ടായ ലോക്ക് ഡൗണില്‍ അടച്ചുപൂട്ടിയ തിയേറ്ററുകള്‍ വിജയ് നായകനായി എത്തിയ മാസ്റ്ററിനു വേണ്ടി ജനുവരി 13നായിരുന്നു വീണ്ടും തുറന്നത്. കൊവിഡിനെ മറന്ന് സിനിമ കാണാനായി തിയേറ്ററുകളിലെത്തിയ ജനങ്ങള്‍ ഏറെ കാലങ്ങള്‍ക്കു ശേഷം തിയേറ്ററുകള്‍ തുറന്നത് ആഘോഷമാക്കുകയും ചെയ്തിരുന്നു. മാസ്റ്ററിനു പിന്നാലെ മലയാള സിനിമകളും റിലീസ് കാത്ത് കിടക്കുകയാണ്. ജയസൂര്യ നായകനായി എത്തുന്ന വെള്ളമാണ് ലോക്ക്ഡൗണിന് ശേഷം ആദ്യമായി തിയേറ്ററില്‍ റിലീസ് ചെയ്യുന്ന മലയാള ചിത്രം. വെള്ളത്തിനു പിന്നാലെ കഴിഞ്ഞ കൊല്ലം റിലീസ് മാറ്റിവെച്ച നിരവധി ചിത്രങ്ങളുടെ റിലീസ് തീയതി ഇതിനോടകം തന്നെ അണിയറപ്രവര്‍ത്തകര്‍ പ്രഖ്യാപിച്ചു കഴിഞ്ഞിട്ടുണ്ട്. 2021ല്‍ പ്രേക്ഷകര്‍ പ്രതീക്ഷയോടെ കാത്തിരിക്കുന്ന ചിത്രങ്ങള്‍ ഇവയാണ്.