പണത്തിന് വേണ്ടി പടമെടുക്കില്ല ഷാരൂഖ്

By Ajith Babu

| Published: Thursday, June 3, 2010, 12:32 [IST]

സ്വന്തം പ്രൊഡക്ഷന്‍ കന്പനിയായ റെഡ് ചില്ലീസ് നിര്‍മ്മിയ്ക്കുന്ന രാ വണിന്റെ തിരക്കുകളുമായി നടക്കുന്ന ഷാരൂഖ് പറയുന്നത് കേട്ടില്ലേ, പണമുണ്ടാക്കാനായി മാത്രം ഭാവിയില്‍ താന്‍ സിനിമയെടുക്കില്ലെന്നാണ് സൂപ്പര്‍ താരം പറയുന്നത്. ഇക്കാര്യത്തിലുള്ള തന്റെ നിലപാട് അഞ്ച് ആറ് വര്‍ഷം മുമ്പെ മാറിയിരുന്നുവെന്നാണ് താരം കരുതുന്നത്.

ഞാനിപ്പോള്‍ പണമുണ്ടാക്കാനായി സിനിമയെടുക്കാറില്ല, ഞാന്‍ പണമുണ്ടാക്കുന്നത് സിനിമയെടുക്കാനാണ്തന്റെ പുതിയ ട്വീറ്റിലൂടെയാണ് ഷാരൂഖ് ഇക്കാര്യം വെളിപ്പെടുത്തിയത്.

ഫിര്‍ ഭി ദില്‍ ഹെ ഹിന്ദുസ്ഥാനി, . ഛല്‍ത്തെ ഛല്‍ത്തെ, മെയിന്‍ ഹൂന്‍ നാ, ഓം ശാന്തി ഓം എന്നിവയാണ് ഷാരൂഖ് നിര്‍മ്മിച്ച ചിത്രങ്ങള്‍. ഇനി നിങ്ങള്‍ പറയൂ, ഷാരൂഖ് പടമെടുക്കുന്നത് പണമുണ്ടാക്കാനാണോ?