റാണയില്‍ ആക്ഷന്‍ റാണിയായി ദീപിക

രജനിയുടെ ത്രിബിള്‍ റോള്‍ ചിത്രമായ റാണയില്‍ ബോളിവുഡ് താരം ദീപിക പദുകോണ്‍ ആക്ഷന്‍ റാണിയായി എത്തുന്നുവെന്ന് റിപ്പോര്‍ട്ടുകള്‍. നായകനൊപ്പം നല്ല കിടിലന്‍ സംഘട്ടനരംഗങ്ങളില്‍ ദീപികയെക്കാണാമെന്നാണ് റിപ്പോര്‍ട്ടുകളില്‍ നിന്നും വ്യക്തമാകുന്നത്.

ആക്ഷന്‍ രംഗങ്ങള്‍ മികവുറ്റതാക്കാന്‍ വേണ്ടി താരം പരിശീലനവും തുടങ്ങിയിട്ടുണ്ടത്രേ. ഒരു മാസം നൂണ്ടുനില്‍ക്കുന്ന കഠിനപരിശീലനമാണ് ദീപിക നടത്തിക്കൊണ്ടിരിക്കുന്നത്. ഒരു വെല്ലുവിളിയെന്ന രീതിയിലാണ് റാണയിലെ ഈ ആക്ഷന്‍ റോളിനെ താന്‍ സമീപിക്കുന്നതെന്നാണ് ദീപിക പറയുന്നത്.

ചാന്ദ്‌നി ചൗക്ക് ടു ചൈന എന്ന ചിത്രത്തില്‍ മുമ്പ് ദീപിക ആക്ഷന്‍ സീനുകളില്‍ അഭിനയിച്ചിട്ടുണ്ട്. ഈ അനുഭവം റാണയിലെ അഭിനയിത്തില്‍ ദീപികയ്ക്ക് മുതല്‍ക്കൂട്ടാവും.

ഹിന്ദിയില്‍ ധം മാരോ ധം എന്ന ചിത്രത്തില്‍ ഐറ്റം നമ്പര്‍ ചെയ്ത ദീപിക പുതിയ ചിത്രങ്ങളില്‍ തീര്‍ത്തും വ്യത്യസ്തമായ റോളുകളാണ് തേടിക്കൊണ്ടിരിക്കുന്നത്.