കരീന-സെയ്ഫ് വിവാഹനിശ്ചയം പത്തിന്?

ഒടുവില്‍ കരീനയ്ക്കും സെയ്ഫിനും പ്രണയിച്ച് മടുത്തു. ഇനി കല്യാണം കഴിച്ചേക്കാമെന്നാണ് ഇരുവരുടേയും തീരുമാനം. ഇതിന് മുന്നോടിയായി ഫെബ്രുവരി പത്തിന് വിവാഹനിശ്ചയം നടത്താന്‍ തീരുമാനിച്ചിരിക്കുകയാണത്രേ ഇരുവരും.

സെയ്ഫും ഞാനും ഏജന്റ് വിനോദ് റിലീസാവാന്‍ കാത്തിരിക്കുകയാണ്.ചിത്രം തീയേറ്ററുകളിലെത്തിയാലുടന്‍ വിവാഹതീയ്യതി പ്രഖ്യാപിക്കും-കരീന പറയുന്നു. മാര്‍ച്ച് 23നാണ് ഏജന്റ് വിനോദ് റിലീസാവുക.

വിവാഹ ജീവിതത്തിനൊപ്പം തന്നെ ജോലിയും മുന്നോട്ടു കൊണ്ടുപോകണമെന്നാണ് 41കാരനായ സെയ്ഫിന്റേയും 31കാരിയായ കരീനയുടേയും ആഗ്രഹം. എന്തായാലും ബോളിവുഡ് കാത്തിരുന്ന താരവിവാഹം ഇനി അധികം വൈകില്ലെന്നു കരുതാം.