സെയ്ഫ് ധീരനാണെന്ന് കരീന

അടുത്തിടെ തന്റെ കാമുകന്‍ സെയ്ഫ് അലി ഖാന്റെ പിതാവ് മരിച്ചതിനെ തുടര്‍ന്ന് കരീന തന്റെ സിനിമാ രംഗത്തെ തിരക്കുകളെല്ലാം മാറ്റി വച്ച് സെയ്ഫിന്റെ കുടുംബത്തോടൊപ്പം ദുഖം പങ്കുവച്ചു.

എന്നാല്‍ പിതാവിന്റെ മരണവാര്‍ത്ത കേട്ട സെയ്ഫ് തളര്‍ന്നു വീണുവെന്ന വാര്‍ത്ത തെറ്റാണെന്ന് കരീന പറയുന്നു. സെയ്ഫ് വളരെ ധീരനാണ്. എങ്ങനെ പ്രശ്‌നങ്ങളെ നേരിടണമെന്ന് അദ്ദേഹത്തിനറിയാം-കരീന പറഞ്ഞു.

ഇരുവരുടേയും വിവാഹം മാറ്റി വച്ചുവെന്ന തരത്തില്‍ വരുന്ന ഗോസിപ്പുകളില്‍ യാതൊരു അടിസ്ഥാനവുമില്ലെന്ന് കരീന വ്യക്തമാക്കി. ഞങ്ങളുടെ ബന്ധം ഒരിക്കലും രഹസ്യമായിരുന്നില്ല. വിവാഹവും അതുപോലെ തന്നെ രഹസ്യമായിരിക്കില്ല. പിന്നെയെന്തിന് വെറുതേ ഗോസിപ്പുകള്‍ അടിച്ചിറക്കണം-കരീന ചോദിക്കുന്നു. തന്റെ സഹോദരി കരിഷ്മ വീണ്ടും അഭിനയരംഗത്തേയ്ക്കു വന്നതില്‍ താന്‍ അതീവ സന്തുഷ്ടയാണെന്നും കരീന പറഞ്ഞു