Click it and Unblock the Notifications
സംവിധായകനെ ഭീഷണിപ്പെടുത്തിയ നടി പായലിനെതിരെ കേസ്
സുധീറിന്റെ പരാതിയില് മുംബൈയിലെ വെര്സോവ പൊലീസ് അന്വേഷണം ആരംഭിച്ചു കഴിഞ്ഞു. ധാരാവി, ഛമേലി തുടങ്ങിയ ചിത്രങ്ങളുടെ സംവിധായകനാണ് സുധീര്. കഴിഞ്ഞ ഏതാനും ദിവസങ്ങളായി പായലിന്റെ മൊബൈലില് നിന്നും ഭീഷണി സന്ദേശങ്ങള് വന്നിരുന്നതായാണ് സംവിധായകന്റെ പരാതിയിലുള്ളത്.
നിര്മാതാവ് ദിവാകര് ബാനര്ജി തന്നോട് അപമര്യാദയായി പെരുമാറിയെന്ന് ഏതാനും ദിവസം മുമ്പ് പായല് ആരോപിച്ചിരുന്നു. എന്നാല് സുധീര് മിശ്ര ആരോപണം നിഷേധിയ്ക്കുകയും ദിവാകറിന് പിന്തുണച്ച് രംഗത്തെത്തുകയും ചെയ്തു.
ഇതില് ക്ഷുഭിതയായാണ് നടി ഭീഷണി സന്ദേശങ്ങള് അയച്ചതെന്നാണ് സംവിധായകന് പറയുന്നത്. അതേ സമയം നടി അയച്ച എസ്എംഎസുകളുടെ ഉള്ളടക്കം വെളിപ്പെടുത്താന് പൊലീസ് തയാറായിട്ടില്ല. എന്നാല് ഭീഷണി സന്ദേശങ്ങള് ഒന്നും അയച്ചിട്ടില്ലെന്ന നിലപാടിലാണ് നടിയോട് അടുത്തവൃത്തങ്ങള്. അങ്ങനെ ഭീഷണി സന്ദേശങ്ങള് ലഭിച്ചുവെങ്കില് 10-12 ദിവസം വൈകി എന്തിന് പരാതി നല്കിയെന്നും അവര് ചോദിയ്ക്കുന്നു.
Continue with Google