രജനീകാന്തിന്റെ ജീവിതം വെള്ളിത്തിരയിലെത്തുന്നു

സിനിമയുടെ വെള്ളിവെളിച്ചത്തില്‍ തിളങ്ങി നില്‍ക്കുന്ന താരങ്ങളില്‍ പലര്‍ക്കും കഷ്ടപ്പാടും വേദനയും നിറഞ്ഞ ഒരു പൂര്‍വ്വകാലം ഉണ്ടാകും. പ്രശസ്തിയുടെ ചിറകിലേറി സഞ്ചരിയ്ക്കുമ്പോള്‍ അവരില്‍ ചിലര്‍ വന്ന വഴി മറക്കാന്‍ മനപൂര്‍വ്വം ശ്രമിയ്ക്കും. എന്നാല്‍ എക്കാലത്തും താന്‍ പിന്നിട്ട വഴികളെ കുറിച്ച് ബോധവാനാവുകയും ഒരിക്കലും വിനയം കൈവിടാതിരിയ്ക്കുകയും ചെയ്തതാണ് രജനീകാന്തിനെ മറ്റുള്ളവരില്‍ നിന്ന് വ്യത്യസ്തനാക്കിയത്.

രജനിയുടെ ജീവിതത്തില്‍ ഒരു സിനിമയ്ക്കു വേണ്ട എല്ലാ ചേരുവകളുമുണ്ടെന്ന് തിരിച്ചറിഞ്ഞിരിക്കുകയാണ് നടനും നിര്‍മ്മാതാവുമായ അതുല്‍ അഗ്നിഹോത്രി. രജനിയുടെ ജീവിതം സിനിമയാക്കുക എന്നത് വലിയ റിസ്‌കാണെന്ന് അതുല്‍ പറയുന്നു. കുറേയധികം കാര്യങ്ങള്‍ അതില്‍ ഉള്‍പ്പെട്ടിരിയ്ക്കുന്നു. സിനിമ തുടങ്ങാനായി രജനിയുടെ അനുമതി വാങ്ങാനുള്ള ഒരുക്കത്തിലാണ് അതുല്‍.

കച്ചവടതാത്പര്യം മാത്രമല്ല തന്നെ ഇത്തരത്തിലൊരു സിനിമ നിര്‍മ്മിക്കാന്‍ പ്രേരിപ്പിക്കുന്നതെന്ന് അതുല്‍ പറയുന്നു. രജനീകാന്തിനെ പോലെ മഹാനായ ഒരു നടന്റെ ജീവിതം വെള്ളിത്തിരയിലെത്തിയ്ക്കാന്‍ കഴിയുന്നത് ഒരു ഭാഗ്യമായാണ് താന്‍ കരുതുന്നതെന്ന് അതുല്‍. ചിത്രത്തിന്റെ തിരക്കഥ ഏതാണ്ട് പൂര്‍ത്തിയായി കഴിഞ്ഞു. ചിത്രം സംവിധാനം ചെയ്യുന്നത് അതുലിന്റെ സുഹൃത്തായ ലോയ്ഡ് ആയിരിക്കും.

അടുത്ത പേജില്‍