Click it and Unblock the Notifications
ബോയിംഗ് ബോയിംഗ് ഹിന്ദിയില്
ബോയിംഗ് ബോയിംഗ് ഹിന്ദിയില്
സൂപ്പര്ഹിറ്റായ കോമഡി ചിത്രം ഹംഗാമക്ക് ശേഷം ഹിന്ദിയില് പ്രിയദര്ശന്റെ പുതിയ സംരംഭം. പ്രിയദര്ശന്റെ മുന്ചിത്രങ്ങള് പോലെ പുതിയ ചിത്രവും മലയാളചിത്രത്തിന്റെ റീമേക്കാണ്.
മോഹന്ലാലും മുകേഷും പ്രധാന കഥാപാത്രങ്ങളെ അവതരിപ്പിച്ച സൂപ്പര്ഹിറ്റ് ചിത്രം ബോയിംഗ് ബോയിംഗാണ് പ്രിയദര്ശന് ഹിന്ദിയില് റീമേക്ക് ചെയ്യുന്നത്. പ്രശസ്ത ഹോളിവുഡ് ചിത്രം ബോയിംഗ് ബോയിംഗ് ആണ് പ്രിയന് അതേ പേരില് മലയാളത്തിലാക്കിയത്. ടോണി കര്ട്ടിസായിരുന്നു ഹോളിവുഡ് ചിത്രത്തിലെ നായകന്.
ഗരംമസാല എന്ന പേരില് ഒരുക്കുന്ന ഹിന്ദി ചിത്രത്തില് അക്ഷയ്കുമാറാണ് നായകനാവുന്നത്. എയര്ഹോസ്റസുമാരായ മൂന്ന് പെണ്കുട്ടികളുമായി പ്രണയം നടിക്കുന്ന നായകന്റെ കേളികളാണ് ബോയിംഗ് ബോയിംഗിന്റെ പ്രമേയം. ഗരംമസാലയില് നായകന് മൂന്നിന് പകരം നാല് കാമുകിമാരാണുള്ളത്.
നീരജ് വോറയാണ് ഗരം മസാലയുടെ തിരക്കഥ രചിക്കുന്നത്. വീനസാണ് ചിത്രം നിര്മിക്കുന്നത്.
ഹിന്ദിയില് ഒരു പിടി ചിത്രങ്ങള് പ്രിയന് ഒരുക്കിയിട്ടുണ്ടെങ്കിലും അവയില് വിരാസത്ത്, ഹംഗാമ എന്നിവ മാത്രമേ ഹിറ്റായിട്ടുള്ളൂ. ഹിന്ദിയില് കോമഡിട്രാക്കിലേക്കുള്ള പ്രിയന്റെ ചുവടുമാറ്റമായിരുന്നു ഹംഗാമ. അത് ഹിന്ദി പ്രേക്ഷകര്ക്ക് രസിച്ചു. ഇതിന്റെ ചുവടുപിടിച്ചാണ് വീണ്ടും പ്രിയന് ഗരം മസാല കോമഡി ഒരുക്കുന്നത്. പ്രിയന്റെ എല്ലാ ഹിന്ദി ചിത്രങ്ങളും റീമേക്കുകളായിരുന്നു.
Continue with Google