ചുംബിക്കാനില്ല: കത്രീന, സല്‍മാന്‍

അഭിനയിക്കാം പക്ഷെ ചുംബന രംഗങ്ങള്‍ ഒഴിവാക്കണം-ബോളിവുഡില്‍ ഇതു വരെ ഇങ്ങനെ പറഞ്ഞിരുന്നത് രണ്ടു പേരായിരുന്നു. സല്‍മാന്‍ ഖാനും ഷാരൂഖ് ഖാനും. ഇവര്‍ക്കു പിന്നാലെയാണ് കത്രീനയും ചുംബന രംഗങ്ങള്‍ ചെയ്യാന്‍ തനിയ്ക്കു പറ്റില്ലെന്ന് പറഞ്ഞു കൊണ്ട് രംഗത്തു വന്നിരിയ്ക്കുന്നത്.

എന്നാല്‍ 'സിന്ദഗി നാ മിലേംഗി ദൊബാര'യില്‍ ഋത്വിക്കിനെ ചുംബിക്കുന്ന സീന്‍ കത്രീന നല്ല കൂളായങ്ങ് ചെയ്തിരുന്നു. ആ രംഗം സിനിമ ആവശ്യപ്പെട്ടതു കൊണ്ടാണ് താന്‍ അങ്ങനെ ചെയ്തതെന്നാണ് കത്രീന പറയുന്നത്. ഇനി ചുംബന രംഗത്തിലഭിനയിക്കില്ലെന്നും താരം ആണയിടുന്നു.

കബീര്‍ ഖാന്റെ ചിത്രമായ 'ഏക് ദ ടൈഗര്‍' എന്ന ചിത്ത്രതില്‍ തന്റെ മുന്‍ കാമുകനായ സല്‍മാന്‍ ഖാനുമൊത്തുള്ള ഒരു ചുംബന രംഗം ചെയ്യാന്‍ ക്യാറ്റ്സ് വിസമ്മതിച്ചത്രേ. എന്നാല്‍ കത്രീനയെ കൊണ്ട് എങ്ങനെയെങ്കിലും സമ്മതിപ്പിക്കാമെന്നു വച്ചാലും കാര്യമില്ല. സല്‍മാനും ചുംബന രംഗത്തിനു തയ്യാറല്ല. അതുകൊണ്ട് തന്നെ ഈ രംഗം ഉപേക്ഷിയ്ക്കുകയല്ലാതെ വേറെ മാര്‍ഗ്ഗമുണ്ടായിരുന്നില്ല. താരങ്ങളിങ്ങനെ വാശി കാണിച്ചാല്‍ തങ്ങളെന്തു ചെയ്യുമെന്നാണ് സംവിധായകരുടെ ചോദ്യം.