സില്‍ക്കാകാന്‍ വിദ്യ മടിച്ചു

തെന്നിന്ത്യന്‍ മാദകതാരം സില്‍ക്ക് സ്മിതയുടെ കഥ വെള്ളിത്തിരയിലെത്തിച്ച ഡേര്‍ട്ടി പിക്ചറിന്റെ ഹൈലൈറ്റ് മലയാളി താരം വിദ്യ ബാലന്റെ ഗ്ലാമര്‍ പ്രകടനമായിരുന്നു. എന്നാല്‍ തന്റെ കോസ്റ്റിയൂമുകളില്‍ വിദ്യ കംഫര്‍ട്ടബിള്‍ ആയിരുന്നില്ലെന്നാണ് റിപ്പോര്‍ട്ടുകള്‍. സില്‍ക്കായി മാറാന്‍ ഗ്ലാമറിന്റെ എല്ലാ അതിര്‍വരമ്പുകളും ലംഘിച്ച വിദ്യയ്്ക്ക് അത്തരം കോസ്റ്റിയൂമുകളില്‍ ക്യാമറയുടെ മുന്നില്‍ വരാന്‍ ആദ്യമൊക്കെ പ്രയാസമായിരുന്നത്രേ.

ഓരോ ഷോട്ടിനും ആവശ്യമായ കോസ്റ്റിയൂം ധരിച്ച ശേഷം വിദ്യ പലതവണ കണ്ണാടിയുടെ മുന്‍പിലെത്തുമായിരുന്നു. കംഫര്‍ട്ടബിള്‍ അല്ലെന്ന് പറഞ്ഞ് പലതവണ ഡ്രസ് ചേഞ്ച് ചെയ്യുകയും ചെയ്യും. ഷൂട്ടിങ്ങിന്റെ ആദ്യ ദിനങ്ങളില്‍ വിദ്യ നെര്‍വസായിരുന്നത്രേ. ദിവസങ്ങള്‍ക്ക് ശേഷമാണ് വിദ്യയ്ക്ക് സില്‍ക്കായി മാറാന്‍ കഴിഞ്ഞതെന്നാണ് ചിത്രവുമായി ബന്ധപ്പെട്ടവര്‍ പറയുന്നത്.

എന്തായാലും ഡേര്‍ട്ടി പിക്ചറിലൂടെ വിദ്യ തന്റെ ഇമേജ് പൊളിച്ചെഴുതുകയായിരുന്നു. അതേസമയം ചിത്രത്തിനെതിരെ കേസ് കൊടുക്കാനുള്ള ഒരുക്കത്തിലാണ് സില്‍ക്കിന്റെ ബന്ധുക്കള്‍. ചിത്രത്തിലെ വിദ്യയുടെ പ്രകടനം സില്‍ക്കിന്റെ പ്രതിച്ഛായ മോശമാക്കിയെന്നാണ് ഇവരുടെ ആരോപണം.