Click it and Unblock the Notifications
ഗോവിന്ദിന്റെ ഡബിള് അട്രാക്ഷന്
ഗോവിന്ദിന്റെ ഡബിള് അട്രാക്ഷന്
ഖവാഹിഷിലൂടെ ബോളിവുഡില് ഗ്ലാമര് തരംഗത്തിന് തുടക്കമിട്ട ഗോവിന്ദ് മേനോന് ഡബിള് അട്രാക്ഷനുമായി എത്തുമ്പോള് പ്രേക്ഷകര് പ്രതീക്ഷിക്കുന്നത് കൂടുതല് ചൂടുപിടിപ്പിക്കുന്ന രംഗങ്ങള് തന്നെ.
14 ഡബിള് റോളുകളാണ് ഈ ചിത്രത്തില്. ഖവാഹിഷിലൂടെ ബോളിവുഡിലെ സെക്സ് ബോംബെന്ന് പേരെടുത്ത മല്ലിക ശരാവത്താണ് ഡബിള് അട്രാക്ഷനിലെയും നായിക. ഖവാഹിഷിലൂടെ 17 ചുംബനരംഗങ്ങളില് അഭിനയിച്ച് വാര്ത്ത സൃഷ്ടിച്ച മല്ലിക ഈ ചിത്രത്തിലും മാദകമായ വേഷത്തില് പ്രത്യക്ഷപ്പെടുന്നുണ്ട്.
മല്ലികയും ഡബിള് അട്രാക്ഷനില് ഡബിള് റോളിലാണ് എത്തുന്നത്. യാഥാസ്ഥിതിക ചിന്താഗതിക്കാരിയായ ഒരു പെണ്കുട്ടിയായും ആധുനികശൈലിയില് ജീവിക്കുന്ന പെണ്കുട്ടിയായുമാണ് മല്ലികയുടെ ഈ ചിത്രത്തിലെ വേഷങ്ങള്. ചിത്രത്തില് മല്ലികക്ക് മൂന്ന് നായകന്മാരാണ്.
പ്രണയവും രതിയും ബോളിവുഡില് ഇതുവരെ കാണാത്ത രീതിയില് അവതരിപ്പിച്ചു എന്നതായിരുന്നു ഖവാഹിഷിന്റെ പ്രത്യേകത. പ്രകോപിപ്പിക്കുകയും പ്രലോഭിപ്പിക്കുകയും ചെയ്യുന്ന പലതും ഡബിള് അട്രാക്ഷനിലും ഗോവിന്ദ് മേനോന് ഒരുക്കിയിട്ടുണ്ടത്രെ. ആദ്യചിത്രത്തിലൂടെ തന്നെ വാര്ത്ത സൃഷ്ടിച്ച ഈ മലയാളി സംവിധായകന് രണ്ടാമത്തെ ചിത്രത്തിലൂടെയും വാര്ത്തയുണ്ടാക്കുന്നു.
Continue with Google