Click it and Unblock the Notifications
മൊഹബത്തേമിന് 20 റീലുകള്...!
മൊഹബത്തേമിന് 20 റീലുകള്...!
യാഷ് ചോപ്രയുടെ മൊഹബത്തേം ഇന്ത്യയില് ഇതുവരെ ഇറങ്ങിയ ഏറ്റവും സമയദൈര്ഘ്യമുള്ള സിനിമയായിരിക്കും. മൂന്നു മണിക്കൂറും 40 മിനിറ്റും നീളുന്ന ഈ ചിത്രത്തില് 20 റീലുകളാണ് ഉള്ളത്. ഫിലിമിന്റെ ആകെ നീളം 5,968.92 മീറ്ററും..!
ഇത്രയും വലിയ ചിത്രമായതിനാല് മൊഹബത്തേം എല്ലാ തിയേറ്ററുകളിലും ദിവസം മൂന്നു ഷോകളായിട്ടായിരിക്കും പ്രദര്ശിപ്പിക്കുക. ചിത്രത്തിന് രണ്ടു ഇടവേളകളുണ്ടായിരിക്കും എന്നും കേള്ക്കുന്നു.
അതേസമയം ചിത്രത്തിന്റെ നീളം കൂടിയതില് വിതരണക്കാര് അതൃപ്തരാണ് എന്നാണ് വാര്ത്ത. ഒരു ദിവസം തിയേറ്ററുകളില് മൂന്നു പ്രദര്ശനമേ നടക്കൂ എന്നതു തന്നെ കാരണം. ദീപാവലി ചിത്രമായ മൊഹബത്തേം ഒക്ടോബര് 27-ന് ഇന്ത്യയിലെ എല്ലായിടത്തും പ്രദര്ശനത്തിനെത്തും.
അമിതാഭ് ബച്ചന്, ഷാരൂഖ് ഖാന്, ഐശ്വര്യാറായ് എന്നിവരാണ് മൊഹബത്തേമിലെ പ്രധാന അഭിനേതാക്കള്.
Continue with Google