പൂനത്തിന്റെ ബിക്കിനി വീഡിയോ സേവാഗിന്

ഒളിപ്പിയ്‌ക്കേണ്ടതെല്ലാം തുറന്നുകാണിച്ച് വാര്‍ത്തകളില്‍ നിറയുന്ന മുംബൈ മോഡല്‍ പൂനം പാണ്ഡെയുടെ പുതിയ ബിക്കിനി വീഡിയോ പുറത്ത്. പൂനത്തിന്റെ ചൂടന്‍ വീഡിയോകള്‍ പുതിയ കാര്യമൊന്നുമല്ലെങ്കിലും പുതിയ സംഭവം ഇന്ത്യന്‍ ക്രിക്കറ്റ് താരം സേവാംഗിന് സമര്‍പ്പിച്ചുകൊണ്ടാണ് പൂനം വാര്‍ത്തകളിലേക്ക് നുഴഞ്ഞുകയറുന്നത്.

ഇന്ത്യ ലോകകപ്പ് ജയിച്ചാല്‍ തുണിയുരിയുമെന്ന പൂനത്തിന്റെ പ്രഖ്യാപനമൊക്കെ എല്ലാവരും മറന്നുതുടങ്ങുമ്പോഴാണ് സേവാഗിന്റെ ഡബിള്‍ സെഞ്ച്വറി ആഘോഷിയ്ക്കാനെന്ന പേരില്‍ പൂനം പുതിയ വീഡിയോയുമായി രംഗത്തെത്തിയിരിക്കുന്നത്. വിന്‍ഡീസിനെതിരെയുള്ള മത്സരത്തില്‍ സേവാഗ് സ്‌കോര്‍ ചെയ്ത 219 എന്ന സ്‌കോറിനെ ഓര്‍മ്മിപ്പിയ്ക്കാനെന്ന വണ്ണം 2.19 മിനിറ്റ് ദൈര്‍ഘ്യമുള്ള വീഡിയോയാണ് പൂനം അവതരിപ്പിച്ചിരിയ്ക്കുന്നത്.

ഏതോ ഒരു ബീച്ച് ഹോട്ടലിന് സമീപത്തുള്ള പൂന്തോട്ടത്തില്‍ ടൂ പീസ് ബിക്കിനി ധരിച്ചുള്ള പൂനത്തിന്റെ ദൃശ്യങ്ങളാണ് വീഡിയോയിലുള്ളത്. മേനിയിളക്കിയും പ്രേക്ഷകര്‍ക്ക് ഫ്‌ളൈയിങ് കിസ്സുകള്‍ നല്‍കിയും വീഡിയോ കൊഴുപ്പിയ്ക്കാന്‍ സുന്ദരി ഏറെ കഷ്ടപ്പെടുന്നുണ്ട്.

നാട്ടില്‍ ആരെങ്കിലും എന്തെങ്കിലും കാര്യമായി ചെയ്താല്‍ അതിന്റെ പേരിലും പണവും പ്രശസ്തിയും നേടാനുള്ള പൂനത്തിന്റെ ഐഡിയ സമ്മതിച്ചുകൊടുക്കുക തന്നെ വേണം.