പുകവലിക്കണമെന്ന് രോഹന്‍; പറ്റില്ലെന്ന് ദീപിക

സിനിമകളില്‍ താരങ്ങള്‍ പുകവലിക്കരുതെന്ന് ഇത് ആരാധകര്‍ക്ക് തെറ്റായ സന്ദേശം പരത്തുമെന്നുമെല്ലാം ആരോഗ്യവിദഗ്ധരും അധികൃതരുമെല്ലാം പറയാറുണ്ട്.

പക്ഷേ പല താരങ്ങളും ഈ നിര്‍ദ്ദേശങ്ങള്‍ വേണ്ടത്ര കണക്കിലെടുക്കാറില്ല. എന്നാല്‍ ദീപിക പദുകോണിന്റെ കാര്യം വ്യത്യസ്തമാണ്. സിനിമയ്ക്കുവേണ്ടി ഒരിക്കലും പുകവലിക്കില്ലെന്നാണ് താരം പറയുന്നത്.

വെറുതെയല്ല ധം മാരോ ധം എന്ന പുതിയ ചിത്രത്തിലെ ഗാനരംഗത്തിന് വേണ്ടി പുകവലിക്കാന്‍ സംവിധായകന്‍ ദീപികയോട് ആവശ്യപ്പെട്ടു. ഒട്ടും ആലോചിക്കാതെ തന്നെ ദീപിക ഈ നിര്‍്‌ദ്ദേശം തള്ളുകയും ചെയ്തു. മോശമായതും അനാരോഗ്യകരവുമായ ഒരു പ്രവണതയാണ് പുകവലിയെന്നാണ് ദീപിക പറയുന്നത്. .

ഗാന രംഗത്തിന്റെ ചിത്രീകരണത്തിന് മുമ്പ് ദീപികയോട് പുകവലിയ്ക്കാന്‍ താന്‍ തന്നെയാണ് നിര്‍ദ്ദേശിച്ചതെന്ന് സംവിധായകന്‍ രോഹന്‍ സിപ്പി പറഞ്ഞു. എന്നാല്‍ ദീപിക അത് നിരസിച്ചു. ദീപികയുടെ നിലപാട് മനസിലാക്കിയ താന്‍ പിന്നെ നിര്‍ബന്ധിച്ചില്ലെന്നും രോഹന്‍ പറയുന്നു.