ഷാരൂഖ് ഖാന്റെ ഡബ്‌സ്മാഷ് ഇങ്ങനെ

ബോളിവുഡ് താരമായ ഷാരൂഖ് ഖാന്റെ ഡബ്‌സ്മാഷ് ശ്രദ്ധേയമാകുന്നു. 13 വര്‍ഷം മുമ്പ് പുറത്തിറങ്ങിയ ദേവദാസ് ഡയലോഗാണ് ഡബ്‌സ്മാഷിനായി ഉപയോഗിച്ചിരിക്കുന്നത്.

ദേവദാസ് എന്ന ചിത്രത്തോടുള്ള ആദര സൂചകമായാണ് ചിത്രത്തിന്റെ ഡയലോഗ് ഡബ്‌സ്മാഷ് ഒരുക്കിയത്. ഷാരൂഖ് തന്റെ ഇന്‍സ്റ്റഗ്രാം പേജിലാണ് വീഡിയോസ് ഷെയര്‍ ചെയ്തിട്ടുളളത്.

ഫേസ്ബുക്കിലും ട്വിറ്ററിലും സജീവമായിട്ടുള്ള താരത്തിന്റെ ഡബ്‌സ്മാഷ് വീഡിയോയും ശ്രദ്ധേയമാകുകായാണ്. ബോളിവുഡിലെ പ്രമുഖ സംവിധായകന്‍ സഞ്ജയ് ലീല ബന്‍സാലി ഒരുക്കിയ ദേവദാസില്‍ മാധുരിയും ഐശ്വര്യ റായിയുമാണ് പ്രധാന വേഷങ്ങളില്‍ എത്തിയിരിക്കുന്നത്.

ഷാരൂഖാന്റെ പുതിയ ചിത്രമായ ഫാന്‍ എന്ന ചിത്രത്തിന്റെ ടീസറിനും നല്ല പ്രതികരണമാണ് ലഭിക്കുന്നത്. ടീസര്‍ ഇറങ്ങി 48 മണിക്കൂറിനുള്ളില്‍ 1.9 മില്ല്യണ്‍ ഹിറ്റാണ് നേടിയിരിക്കുന്നത്.