തടികൂടി; വിദ്യയ്ക്ക് 150 ടേക്ക്

തെന്നിന്ത്യന്‍ മാദകതാരം സില്‍ക്ക് സ്മിതയുടെ ജീവിതകഥ വെള്ളിത്തിരയിലെത്തിച്ച ഡേര്‍ട്ടിപിക്ചര്‍ എന്ന ചിത്രം ഇതിനോടകം ബോളിവുഡില്‍ ചര്‍ച്ചാവിഷയമായിക്കഴിഞ്ഞു. ചിത്രത്തിലെ അതിരുവിട്ട ഗ്ലാമര്‍ പ്രകടനത്തിന്റെ പേരില്‍ നടി വിദ്യ ബാലനെതിരെ വിമര്‍ശനവും ഉയര്‍ന്നു കഴിഞ്ഞു. സില്‍ക്കാവാന്‍ വേണ്ടി വണ്ണം വയ്ക്കണമെന്ന് സംവിധായകന്‍ നിര്‍ദേശിച്ചതോടെ ഇതിനും തയ്യാറായി നടി. എന്നാല്‍ വിദ്യ വണ്ണം വച്ചതിനാല്‍ വലഞ്ഞത് തുഷാര്‍ കപൂര്‍ ആണ്.

ചിത്രത്തിന്റെ ഫോട്ടോഷൂട്ടിനിടെ തുഷാര്‍ വിദ്യയെ എടുത്തു പൊക്കുന്ന ഒരു രംഗമുണ്ടായിരുന്നു. ഇത് ചിത്രീകരിക്കാന്‍ ഏതാണ്ട് മൂന്ന് മണിക്കൂര്‍ സമയമെടുത്തത്രേ. ഷൂട്ടിങ് വൈകാന്‍ കാരണം മറ്റൊന്നുമല്ല, വിദ്യയ്ക്ക് തടി കൂടിയതിനാല്‍ തുഷാറിന് അവരെ എടുത്തു പൊക്കാനാവുന്നില്ല. ഒടുവില്‍ 150 ടേക്ക് എടുത്തതിന് ശേഷമാണ് ഈ രംഗം ചിത്രീകരിക്കാനായത്.

സില്‍ക്ക് സ്മിതയുടെ ജീവിതത്തെ ആധാരമാക്കി നിര്‍മ്മിച്ച ചിത്രത്തില്‍ അഭിനയിക്കാനായി വിദ്യ തനിയ്ക്കു ലഭിച്ച മറ്റു പല ചിത്രങ്ങളും വേണ്ടെന്നു വച്ചു. ഡേര്‍ട്ടിപിക്ചറിലെ തന്റെ ഗ്ലാമര്‍ പ്രകടനത്തിന്റെ പേരില്‍ വിമര്‍ശനമേറ്റു വാങ്ങുമ്പോഴും സില്‍ക്കിന്റെ ജീവിതം തന്നിലൂടെ വെള്ളിത്തിരയിലെത്തിയതില്‍ ആഹ്ലാദിക്കുകയാണ് വിദ്യ