'അമ്മയാകുന്നതിൽ കുഴപ്പമില്ല, മുത്തശ്ശിയാക്കാനും അവർക്ക് പ്ലാനുണ്ടായിരുന്നു'; നടി പറയുന്നു

ധർമ്മ യോദ്ധ ഗരുഡ് എന്ന് പേരിട്ടിരിക്കുന്ന പുതിയ ഷോയിൽ കദ്രു എന്ന കഥാപാത്രത്തെ അവതരിപ്പിച്ച് വീണ്ടും സീരിയലിൽ സജീവമാകാൻ ഒരുങ്ങുകയാണ് പരുൾ ഇപ്പോൾ. അടുത്തിടെ ഈ ടൈംസിന് നൽകിയ അഭിമുഖത്തിലാണ് സീരിയൽ അഭിനയം നിർത്താനുണ്ടായ കാരണം പരുൾ തുറന്ന് പറഞ്ഞത്. 'നടൻ മൊഹ്‌സിൻ ഖാന്റെ അമ്മ വേഷത്തിൽ ഞാൻ അഭിനയിക്കാൻ‍ ഇഷ്ടപ്പെട്ടിരുന്നു. എന്നാൽ യേ റിഷ്താ ക്യാ കെഹ്‌ലതാ ഹേ എന്ന സീരിയലിന്റെ അണിയറപ്രവർത്തകർ എന്റെ കഥാപാത്രത്തെ മുത്തശ്ശിയാക്കാൻ ശ്രമിച്ചു. അമ്മ എന്ന വേഷം ചെയ്യാൻ എനിക്ക് ബുദ്ധിമുട്ടുണ്ടായിരുന്നില്ല. പക്ഷെ മുത്തശ്ശിയാക്കുന്നുവെന്ന് അറിഞ്ഞപ്പോൾ താൽപര്യമുണ്ടായിരുന്നില്ല. ആ വേഷത്തോട് അത്ര താൽപര്യം തോന്നിയില്ല.'

'മെഹ്സിൻ ഖാനും ഞാനും തമ്മിൽ വലിയ പ്രായ വ്യത്യാസമില്ല. അതിനാൽ അവന്റെ അമ്മയാകുന്നത് ഞാനാണെന്നറിഞ്ഞപ്പോൾ അവൻ ചോദിച്ചത് ഞാൻ എങ്ങനെ നിങ്ങളെ അമ്മേയെന്ന് വിളിക്കും എന്നായിരുന്നു. അമ്മ വേഷം ചെയ്യുമ്പോൾ തന്നെ അവന് ബുദ്ധിമുട്ടുണ്ടായിരുന്നു. സീരിയലിൽ പുതിയ ട്വിസ്റ്റെന്നോണം മൊഹ്സിന്റെ കഥാപാത്രത്തിന് കുഞ്ഞുണ്ടാകാൻ പോവുകയാണ്. അപ്പോൾ എന്റെ കഥാപാത്രം മുത്തശ്ശിയായും അഭിനയിക്കേണ്ടി വരും. മാത്രമല്ല ട്വിസ്റ്റ് സംഭവിക്കാൻ പോകുന്ന സമയത്താണ് എന്റെ യഥാർഥ ജീവിതത്തിൽ വിവാഹം നടന്നത്. അതിനാൽ ഞാൻ ആ വേഷം വേണ്ടെന്ന് വെച്ച് പിന്മാറി. ആ വേഷം ഉപേക്ഷിച്ചതിന്റെ പേരിൽ ഒരിക്കലും കുറ്റബോധം തോന്നിയിട്ടില്ല. ചുരുങ്ങിയ സമയം കൊണ്ട് തന്നെ എന്റെ കഥാപാത്രം ശ്രദ്ധിക്കപ്പെട്ടിരുന്നു.'

'കരിയറിന്റെ തുടക്കത്തിൽ തന്നെ മുത്തശ്ശി വേഷം ചെയ്താൽ കരിയറിനെ ബാധിക്കുമെന്നും എനിക്ക് തോന്നിയിരുന്നു' പരുൾ ചൗഹാൻ‍ പറയുന്നു. മോഡലിങിൽ നിന്നാണ് പരുൾ സീരിയലിലേക്ക് എത്തിയത്. 2009ൽ ജലക് ദിക്ലാ ജാ എന്ന റിയാലിറ്റി ഷോയിലും പരുൾ പങ്കെടുത്തിരുന്നു. കസൗട്ടി സിന്ദഗി കേ ആയിരുന്നു പരുളിന്റെ ആദ്യ സീരിയൽ. ഉത്തർപ്രദേശിലാണ് പരുൾ ജനിച്ചത്. 2018ൽ ആണ് പരുൾ വിവാഹിതയായത്. ചിരങ്ങ് താക്കർ‍ ആണ് പരുളിനെ വിവാഹം ചെയ്തത്. യേ റിഷ്താ ക്യാ കെഹ്‌ലതാ ഹേ 2009ൽ ആണ് സംപ്രേഷണം ചെയ്ത് തുടങ്ങിയത്. മൂവായിരം എപ്പിസോഡുകൾ ഈ സീരിയലിന്റേതായി സംപ്രേഷണം ചെയ്തിരുന്നു. ഡിസ്നി പ്ലസ് ഹോട്ട്സ്റ്റാറിൽ ഇപ്പോഴും ഈ സീരിയൽ സ്ട്രീം ചെയ്യുന്നുണ്ട്.