അഭിഷേകിനെ ഇപ്പോൾ എത്രമാത്രം മിസ് ചെയ്യുന്നുണ്ട്, പ്രതീക്ഷിക്കാത്ത ഉത്തരം നൽകി ഐശ്വര്യ റായ്

മികച്ച അഭിനേത്രിയായ ഐശ്വര്യ വിവാഹത്തിന് ശേഷം മികച്ച ഭാര്യയാണെന്ന് തെളിക്കുകയായിരുന്നു. ഇപ്പോൾ ബോളിവുഡിലെ സൂപ്പർ മദർ എന്നാണ് താരത്തെ അറിയപ്പെടുന്നത്. ഐശ്വര്യയുടെ പേരന്റിങ്ങിനെ കുറിച്ച് ഭത്യമാതാവ് ജയ ബച്ചനും ഒരിക്കൽ വെളിപ്പെടുത്തിയിരുന്നു. മകളെ ഭ്രാന്തമായി സ്നേഹിക്കുന്ന അമ്മയാണെ് ഐശ്വര്യയെന്ന് ദേശീയ മാധ്യമത്തിന് നൽകിയ അഭിമുഖത്തിൽ നടി പറഞ്ഞത്. മകൾ ജനിച്ചതിന് ശേഷം ആരാധ്യയെ ചുറ്റിപ്പറ്റിയാണ് ഐശ്വര്യയുടെ ജീവിതം. ഇത് ആദ്യ കാലത്ത് വലിയ വിമർശനങ്ങൾ സൃഷ്ടിച്ചിരുന്നു,

ഐശ്വര്യ റായി ബച്ചന്റെ വിവാഹമോചന കഥകൾ ബോളിവുഡ് ഗോസിപ്പ് കോളങ്ങളിൽ വലിയ വാർത്തയാകാറുണ്ട്. മകൾ ആരാധ്യ ജനിച്ചതിന് ശേഷവും നടിയും അഭിഷേക് ബച്ചനുമായുള്ള വിവാഹമോചന കഥകൾ ബോളിവുഡ് ഗോസിപ്പ് കോളങ്ങളിൽ പ്രചരിച്ചിരുന്നു. എന്നാൽ തുടക്കത്തിൽ താരങ്ങൾ ഇതിനോടൊന്നും പ്രതികരിച്ചിരുന്നില്ല. എന്നാൽ പിന്നീട് വിമർശകർക്ക് ഉഗ്രൻ മറുപടിയുമായി അഭിഷേക് ബച്ചൻ രംഗത്ത് എത്തുകയായിരുന്നു. ഇപ്പോഴിത സോഷ്യൽ മീഡിയയിലും ബോളിവുഡ് കോളങ്ങളിലും വൈറലാകുന്നത് അഭിഷേക് ബച്ചനെ കുറിച്ചുള്ള മാധ്യമ പ്രവർത്തകന്റെ ചോദ്യത്തിന് ഐശ്വര്യ റായി നൽകിയ മറുപടിയാണ്. ഒരു പ്രസ് മീറ്റിനിടെയായിരുന്നു ഐശ്വര്യയോട് മാധ്യമപ്രവർത്തകൻ ഭർത്താവിനെ കുറിച്ച് ചോദിച്ചത്.

''അഭിഷേക് ബച്ചനെ ഇവിടെ എത്രത്തോളം മിസ് ചെയ്യുന്നു'' എന്നായിരുന്നു താരറാണിയോട് മാധ്യമപ്രവർത്തകൻ ചോദിച്ചത്. ആഷ് ചിരിച്ചു കൊണ്ടാണ് ഇതിന് മറുപടി നൽകിയത്. '' താങ്കൾ എന്നോട് ചോദിച്ച ഈ ചോദ്യത്തിന് എന്ത് ഉത്തരമാണ് നൽകേണ്ടത്. അടുത്ത അരമണിക്കൂറിനുള്ളിൽ ഞാൻ വീട്ടിലേയ്ക്ക് പോകും. അപ്പോൾ അദ്ദേഹത്തെ കാണുമെന്നും'' ഐശ്വര്യ മറപടി പറഞ്ഞു. നടിയുടെ ഉത്തരം അന്ന് എല്ലാവരേയും ചിരിപ്പിച്ചിരുന്നു.

Recommended Video

ആരാധ്യയുടെ കാര്യത്തില്‍ അഭിഷേക് പൊസ്സസീവ് | filmibeat Malayalam

2007 ആണ് ഐശ്വര്യ റായിയും അഭിഷേക് ബച്ചനും തമ്മിലുള്ള വിവാഹം നടക്കുന്നത്. നടി കരീഷ്മ കപൂറുമായുള്ള ബ്രേക്കപ്പിന് ശേഷമാണ് ജൂനിയർ ബച്ചൻ ഐശ്വര്യയെ വിവാഹം കഴിക്കുന്നത്. വിവാഹം നിശ്ചത്തിന് ശേഷമാണ് കരീഷ്മയുമായുള്ള ബന്ധം അവസാനിപ്പിക്കുന്നത്. അഭിഷേക് ബച്ചൻ സിനിമയിൽ സജീവമായി കൊണ്ടിരിക്കുമ്പോഴായിരുന്നു ഐശ്വര്യ റായിയെ വിവാഹം കഴിക്കുന്നത്. എന്നാൽ അഭിഷേകിന് സിനിമയിൽ അധികം ശോഭിക്കാൻ കഴിഞ്ഞിരുന്നില്ല. ഇതിന്റെ പേരിൽ നടനെതിരെ നിരവധി വിമർശനങ്ങൾ ഉയർന്നിരുന്നു. ബോളിവുഡ് സിനിമാ ലോകം അധികം ഉപയോഗപ്പെടുത്തിയിട്ടില്ലാത്ത നടനാണ് അഭിഷേക് ബച്ചൻ. ഇപ്പോൾ വെബ് സീരീസുകളിൽ സജീവമാണ് നടൻ.