പ്രണയം വെളിപ്പെടുത്തി താരപുത്രി, അച്ഛന്റെ ഫിറ്റ്നസ് ട്രെയ്നറുമായി പ്രണയത്തിൽ....

കാമുകൻ നൂപുർ ശിഖാരെയ്ക്കൊപ്പമുള്ള ചിത്രങ്ങൾ പങ്കുവെച്ച് കൊണ്ടാണ് താരപുത്രി പ്രണയത്തെ കുറിച്ചുള്ള സൂചന നൽകിയിരിക്കുന്നത്. ഇറയുടെ പോസ്റ്റിന് ഐ ലവ് യു എന്ന് നൂപുർ മറുപടി നൽകുകയും ചെയ്തിട്ടുണ്ട്. തിരിച്ചും കമന്റ് ചെയ്തിട്ടുണ്ട്. ഇറയുടെ പോസ്റ്റും കമന്റും ബോളിവുഡ് കോളങ്ങളിൽ വൈറലായിട്ടുണ്ട്.

ഇറയുടെ മാത്രമല്ല നടൻ ആമീർഖാന്റേയും ഫിറ്റ്നസ് ട്രെയിനറാണ് നൂപുർ. മുംബൈ സ്വദേശിയായ നൂപൂർ ലോക്ക് ഡൗൺ സമയത്ത് ഇറയേയും പരിശീലിപ്പിച്ചിരുന്നു.ഈ സൗഹൃദമാണ് പ്രണയത്തിലെത്തിയത്. ഇരുവരുടേയും ബന്ധം രണ്ട് വീട്ടുകാർക്കും അറിയാം.സംഗീത സംവിധായകനായ മിഷാൽ കിർപലാനിയുമായുള്ള ബ്രേക്കപ്പിന് ശേഷമാണ് നൂപുറുമായി അടുക്കുന്നത്. രണ്ട് വർഷത്തെ പ്രണയത്തിന് ശേഷമാണ് ഇരുവരും പിരിയുന്നത്. ഇറ, മിഷാൽ ബന്ധം വാർത്തകളിൽ ഇടം പിടിച്ചിരുന്നു. അതുകൊണ്ട് തന്നെ വേർപിരിയലും വാർത്തയായിരുന്നു.

വിഷാദത്തെ കുറിച്ച് വെളിപ്പെടുത്തി കൊണ്ട് ഇറ അടുത്തിടെ രംഗത്തെത്തിയിരുന്നു. 'ജോലിക്കു പോകുക, കരയുക, ഉറങ്ങുക.' ഇതായിരുന്നു ഒരു സമയത്തെ തന്റെ ദിനചര്യയെന്നാണ് ഇറ പറയുന്നത്. തന്റെ കസിനായ സയിന്‍ ഖാന്റെ വിവാഹം ഈ കാലത്തായിരുന്നുവെന്നും ആഘോഷങ്ങളിലെല്ലാം പങ്കെടുക്കാന്‍ വലിയ ആഗ്രഹമുണ്ടായിരുന്നെങ്കിലും ഒരു ഫോട്ടോയ്ക്കു വേണ്ടി മുഖത്ത് ചിരിവരുത്താന്‍ താന്‍ വളരെ പാടുപെട്ടിരുന്നുവെന്നും ഇറ പറയുന്നു.

Recommended Video

Shine Tom Chacko Exclusive Interview | Operation Java | Jerrys Talk Tube | FilmiBeat Malayala

ആമീർ ഖാന്റെ ആദ്യ ഭാര്യയായ റീന ദത്തയുടേയും മകളാണ് ഇറ. റീത്ത- ആമീർ ദമ്പതികൾക്ക് ജുനൈദ് എന്നൊരു മകൻ കൂടിയുണ്ട്.
വിവാഹമോചിതരായ ശേഷം ഇറയും സഹോദരന്‍ ജുനൈദ് ഖാനും അമ്മയ്ക്കൊപ്പമാണ് താമസിക്കുന്നത്. അമ്മയ്ക്കൊപ്പമാണ് താമസിക്കുന്നതെങ്കിലും അച്ഛൻ ആമീറുമായി വളരെ അടുത്ത ബന്ധമാണ് ഇറയ്ക്കും സഹോദരനുമുള്ളത്. മാതാപിതാക്കളുടെ വേർപിരിയലിനെ കുറിച്ച് വെളിപ്പെടുത്തി ഇറ ഒരിക്കൽ രംഗത്തെത്തിയിരുന്നു, ഞങ്ങളുടെ കുടുംബം ഒരു തകർന്ന കുടുംബമല്ലെന്നാണ് ഇറ അന്ന് പറഞ്ഞത്.