മോഹന്‍ലാലിന്‍റെ രണ്ടാമൂഴം സ്വാഹയാവുമ്പോള്‍ ആമിര്‍ഖാന്‍ മഹാഭാരതവുമായെത്തുന്നു! ഒപ്പം അംബാനിയും! കാണൂ!

മഹാഭാരതവുമായി ആമിര്‍ഖാന്‍

മോഹന്‍ലാലിനെ നായകനാക്കി മഹാഭാരതം സിനിമയാവുന്നുവെന്ന് കേട്ടപ്പോള്‍ മുതല്‍ സിനിമാപ്രേമികള്‍ ആവേശത്തിലായിരുന്നു. വ്യവസായ പ്രമുഖനായ ബി ആര്‍ ഷെട്ടിയായിരുന്നു സിനിമ നിര്‍മ്മിക്കാമെന്നേറ്റത്. ഇന്ത്യന്‍ സിനിമ ഇന്നുവരെ കാണാത്ത തരത്തിലായിരിക്കണം സിനിമയൊരുക്കേണ്ടതെന്ന് അദ്ദേഹം നിര്‍ദേശിച്ചിരുന്നു. മലയാളത്തില്‍ രണ്ടാമൂഴമെന്ന് പേരിട്ടിരിക്കുന്ന സിനിമ അന്യഭാഷകളിലും ഒരുക്കാനായിരുന്നു തീരുമാനിച്ചത്. 3 വര്‍ഷം മുന്‍പ് സിനിമയുടെ തിരക്കഥ എംടി വാസുദേവന്‍ നായര്‍ സംവിധായകന് കൈമാറിയിരുന്നു.2 വര്‍ഷമായിരുന്നു ആദ്യം നല്‍കിയ സമയം. പിന്നീടത് നീട്ടുകയായിരുന്നു. മലയാളത്തിലെ മഹാഭാരതം ഇപ്പോഴും അനിശ്ചിത്വത്തിലാണ്. അതിനിടയിലാണ് മഹാഭാരതവുമായി എത്തുന്നതിനെക്കുറിച്ച് ആമിര്‍ഖാന്‍ പ്രഖ്യാപിച്ചത്.

സൂപ്പര്‍ താരങ്ങളുമെത്തും

ആമിര്‍ ഖാനൊപ്പം ഇന്ത്യന്‍ സിനിമയിലെ നിരവധി പേരെത്തുമെന്നുള്ള റിപ്പോര്‍ട്ടുകളും പ്രചരിക്കുന്നുണ്ട്. 1000 കോടി മുതല്‍മുടക്കിലാണ് സിനിമയൊരുക്കുന്നത്. ഇന്ത്യന്‍ സിനിമ ഇന്നുവരെ കാണാത്ത തരത്തില്‍ വിസ്മയിപ്പിക്കുന്ന സിനിമയായിരിക്കും ഇതെന്നാണ് സിനിമാപ്രേമികളുടെ വിലയിരുത്തല്‍. വ്യവസായ പ്രമുഖനായ മുകേഷ് അംബാനിയാണ് ചിത്രം നിര്‍മ്മിക്കുന്നത്. സിനിമയെക്കുറിച്ചുള്ള കൂടുതല്‍ വിവരങ്ങള്‍ പുറത്തുവരുന്നതിനായി അക്ഷമയോടെ കാത്തിരിക്കുകയാണ് ആരാധകര്‍.

കാസ്റ്റിങ് കോളുമായി ഉടനെത്തും

സിനിമയിലേക്ക് അഭിനേതാക്കളെ തിരഞ്ഞെടുക്കുന്നതിന് മുന്നോടിയായി കാസ്റ്റിങ് കോളുമായി ആമിര്‍ ഉടനെത്തുമെന്നും റിപ്പോര്‍ട്ടുകളുണ്ട്. താരവുമായുള്ള ഈഗോ ക്ലാഷ് ഒഴിവാക്കുന്നതിന്റെ ഭാഗമായാണ് കാസ്റ്റിങ് കോളിലൂടെ ്അഭിനേതാക്കളെ തിരഞ്ഞെടുക്കുന്നതെന്നും റിപ്പോര്‍ട്ടുകളുണ്ട്. എന്നാല്‍ താരം ഇതേക്കുറിച്ച് ഇതുവരെ പ്രതികരിച്ചിട്ടില്ല. പതിവില്‍ നിന്നും വ്യത്യസ്തമായി അദ്ദേഹത്തിന്‍രെ പുതിയ സിനിമയ്ക്ക് നേരെ രൂക്ഷവിമര്‍ശനങ്ങളും ഉയര്‍ന്നുവന്നിട്ടുണ്ട്.

വിവിധ ഭാഗങ്ങളായി

7 ഭാഗങ്ങളായി സിനിമയൊരുക്കാനാണ് അണിയറപ്രവര്‍ത്തകര്‍ ആലോചിക്കുന്നത്. ശ്രീകൃഷ്ണനായാണ് ആമിര്‍ എത്തുന്നത്. വ്യത്യസ്തരായ സംവിധായകരെയാണ് ഓരോ ഭാഗം ഒരുക്കുന്നതിനായും സമീപിക്കുകയെന്നും റിപ്പോര്‍ട്ടുകളില്‍ പറയുന്നു. ഏതൊക്കെ സംവിധായകരാണ് സിനിമയുമായി സഹകരിക്കുന്നതെന്ന കാര്യത്തെക്കുറിച്ചുള്ള വിവരങ്ങള്‍ ലഭ്യമായിട്ടില്ല.

സ്വപ്‌ന പദ്ധതിയാണ്

തന്റെ മനസ്സിലെ സ്വപ്‌ന പദ്ധതിയാണ് മഹാഭാരതം. അത് സിനിമയാക്കണമെന്ന ആഗ്രഹത്തെക്കുറിച്ച് നേരത്തെയും ആമിര്‍ പറഞ്ഞിരുന്നു. സിനിമയ്ക്കായി നിരവധി വര്‍ഷങ്ങള്‍ ചെലവഴിക്കേണ്ടി വരുമോ എന്ന് ഭയമുള്ളതിനാലാണ് അതുമായി മുന്നോട്ട് പോവാതിരുന്നതെന്ന് അദ്ദേഹം നേരത്തെ വ്യക്തമാക്കിയിരുന്നു. താരത്തിന്റെ പുതിയ പ്രഖ്യാപനത്തിന്റെ കൂടുതല്‍ വിശദാംശങ്ങളറിയാനായി കാത്തിരിക്കുകയാണ് സിനിമാലോകം.

കൃഷ്ണനായി എത്തും

കര്‍ണ്ണനാണ് തന്നെ ആകര്‍ഷിച്ച കഥാപാത്രമെന്നും തന്റെ ശരീരഘടന അതിന് അനുയോജ്യമാവമോയെന്ന കാര്യത്തില്‍ ആശങ്കയുണ്ടെന്നും താരം പറഞ്ഞിരുന്നു. കര്‍ണ്ണനല്ലെങ്കില്‍ കൃഷ്ണനായി താനെത്തുമെന്നായിരുന്നു അന്നദ്ദേഹം പറഞ്ഞത്. നീണ്ട നാളുകള്‍ക്ക് ശേഷം മഹാഭാരതത്തെക്കുറിച്ചുള്ള സുപ്രധാന വിവരം പുറത്തുവിട്ടപ്പോഴും കൃഷ്ണനായാണ് ആമിറെത്തുന്നതെന്നാണ് റിപ്പോര്‍ട്ട്.

പ്രഭാസും ദീപികയും?

മഹാഭാരതത്തില്‍ അര്‍ജുനനായി പ്രഭാസ് എത്തിയേക്കുമെന്നും നേരത്തെ റിപ്പോര്‍ട്ടുകളുണ്ടായിരുന്നു. ദ്രൗപദിയായി ദീപിക പദുക്കോണായിരിക്കും എത്തുന്നതെന്നായിരുന്നു നേരത്തെയുള്ള റിപ്പോര്‍ട്ടുകള്‍. എന്നാല്‍ സിനിമയെക്കുറിച്ചുള്ള താരനിര്‍ണ്ണയം ഇതുവരെയും തുടങ്ങിയിട്ടില്ല. അതിനാല്‍ത്തന്നെ ഈ താരങ്ങള്‍ ചിത്രത്തിലുണ്ടാവുമോയെന്നറിയാനായി കാത്തിരിക്കുകയാണ് ആരാധകര്‍.

ട്വീറ്റ് കാണാം

സിനിമയെക്കുറിച്ചുള്ള ട്വീറ്റ് കാണൂ.