അമ്മയുടെ നായകനാണ് ആരാധ്യയുടെ പ്രിയപ്പെട്ടവൻ, മകളുടെ ക്രഷിനെ പരിചയപ്പെടുത്തി ഐശ്വര്യ റായ്

സിനിമയിൽ തിളങ്ങി നിൽക്കുന്ന സമയത്തായിരുന്നു ഐശ്വര്യ വിവാഹിതയാകുന്നത്. പിന്നീട് സിനിമയിൽ നിന്ന് വിട്ട് നിൽക്കുകയായിരുന്നു താരം.. മികച്ച നടിയായി തിളങ്ങി നിന്നത് പോലെ കുടുംബ ജീവിതത്തിലും താരം പെർഫക്ട് ആയിരുന്നു. ഓഫ് സ്ക്രീനിലെ മികച്ച അമ്മയായിട്ടാണ് ഐശ്വര്യയെ അറിയപ്പെടുന്നത്. ആരാധ്യ ജനിച്ചതിന് ശേഷമാണ് ഐശ്വര്യ വീണ്ടും ക്യാമറക്ക് മുന്നിൽ എത്തുന്നത്. അതും സജീവമല്ലായിരുന്നു.

ഐശ്വര്യയുടെ മടങ്ങി വരവിൽ ഏറ്റവും ശ്രദ്ധിക്കപ്പെട്ട ചിത്രമായിരുന്നു 2016 ൽ പുറത്തിറങ്ങിയ എ ദിൽ ഹായ് മുഷ്കിൽ. രൺബീർ കപൂർ, അനുഷ്ക ശർമ എന്നിവർക്കൊപ്പം പ്രധാന വേഷത്തിലായിരുന്നു ഐശ്വര്യയും ചിത്രത്തിൽ എത്തിയത്. ചിത്രത്തിൽ രൺബീറിന്റെ ഒരു നായികയായിട്ടായിരുന്നു ആഷ്. ഗംഭീര മേക്കോവറിലായിരുന്നു ഐശ്വര്യ ചിത്രത്തിൽ പ്രത്യക്ഷപ്പെട്ടത്. കൂടാതെ രൺബീറുമായുള്ള ചില സീനുകൾ ശ്രദ്ധിക്കപ്പെടുകയും ചെയ്തിരുന്നു. അന്ന് ഇത് വലിയ ചർച്ച വിഷയമായിരുന്നു.

അമ്മയുടെ നായകൻ തന്നെയാണ് ആരാധ്യയുടെ ക്രഷും. ഫിലിം ഫെയറിന് നൽകിയ അഭിമുഖത്തിലാണ് മകൾക്ക് രൺബീർ കപൂറുമായുള്ള ആത്മബന്ധത്തെ കുറിച്ച് ഐശ്വര്യ പറഞ്ഞത്. ഒരിക്കൽ പിതാവ് അഭിഷേക് ബച്ചനാണെന്ന് തെറ്റിധരിച്ച് ആരാധ്യ രൺബീറിനെ വന്ന് കെട്ടിപ്പിടിച്ച സംഭവവും ആഷ് പങ്കുവെച്ചിരുന്നു. ആള് മാറിയെന്ന് അറിഞ്ഞപ്പോൾ പെട്ടെന്ന് തന്നെ കൈ പിൻവലിച്ചു. പിന്നീട് രൺബീറിന് മുന്നിൽ നാണിച്ച് നിന്ന ആരാധ്യയെയാണ് കണ്ടത്.

പിന്നീട് രൺബീറുമായി വളരെ പെട്ടെന്ന് തന്നെ ആരാധ്യ അടുക്കുകയായിരുന്നെന്നും ഐശ്വര്യ പറഞ്ഞു. അങ്കിൾ എന്ന് പറഞ്ഞാണ് രൺബീറിനെ ആരാധ്യയ്ക്ക് പരിചയപ്പെടുത്തി കൊടുക്കുന്നത്. എന്നാൽ തമാശയ്ക്ക് വേണ്ടിരൺബീർ അത് തിരുത്തി ആർകെ എന്ന് പറഞ്ഞു കൊടുത്തു. എന്നാൽ വീണ്ടും രൺബീറിനെ കണ്ടപ്പോൾ അവൾ അങ്കിൾ എന്ന് തന്നെയായിരുന്നു വിളിച്ചത്. എന്നാൽ പെട്ടെന്ന് ഒരു ദിവസം അങ്കിൾ എന്നതിന് പകരം ആർകെ എന്ന് വിളിച്ചു. ഇത് കേട്ട് ഞങ്ങൾ എല്ലാവരും അന്ന് ചിരിച്ചിരുന്നു.