പൂളിൽ മകൾക്കൊപ്പം ആർത്തുല്ലസിച്ച് ഐശ്വര്യ റായ്!! ഹാപ്പിനസ് മൈ ഗേൾസ്, ചിത്രം പങ്കുവെച്ച് അഭിഷേക്

12ാം വിവാഹ വാർഷികം

2007 ഏപ്രിൽ 20 നായിരുന്നു ഐശ്വര്യയുടേയും അഭിഷേക് ബച്ചന്റേയും വിവാഹം. താരദമ്പതികളുടെ ഒരുമിച്ചുള്ള ജീവിതം തുടങ്ങിയിട്ട് 12 വർഷം പൂർത്തിയാകുകയാണ്. ഇക്കുറി വിവാഹ വാർഷികം മാലി ദ്വീപിലായിരുന്നു താരങ്ങൾ ആഘോഷിച്ചത്. ഇതിന്റെ ചിത്രങ്ങൾ സമൂഹ മാധ്യമങ്ങളിൽ വൈറലാണ്. താരങ്ങൾ തന്നെയാണ് ഈ ചിത്രങ്ങൾ തന്റെ ആരാധകർക്കായി പങ്കുവെച്ചത്.

മകളുടെ ക്ലിക്ക്

അച്ഛന്റേയും അമ്മയുടേയും ജീവിതത്തിലെ മനോഹരമായ മൂഹൂർത്തം ഒരു ക്ലിക്കിലാക്കിയത് മകൾ ആരാധ്യയായിരുന്നു. ഈ ചിത്രം തന്നെയായിരുന്നു ഐശ്വര്യ റായ് വിവാഹ വാർഷിക ദിനത്തിൽ പങ്കുവെച്ചത്. കൂടാതെ മകളോടുള്ള സ്നേഹംവും താരം പങ്കുവെച്ചിരുന്നു. ഈ ചിത്രം സോഷ്യൽ മീഡിയയിലും ബോളിവുഡ് കോളങ്ങളിലും വൈറലായിരുന്നു.

പൂളിൽ ഐശ്വര്യയും മകളും

ഇപ്പോഴിത മാലി ദ്വീപിലെ അവധി ആഘോഷ ചിത്രങ്ങൾ പങ്കുവെച്ചിരിക്കുകയാണ് ജൂനിയർ ബച്ചൻ, ഭാര്യയുടേയും മകളുടേയും ചിത്രങ്ങളാണ് താരം പങ്കുവെച്ചിരിക്കുന്നത്. പൂളിൽ മകളോടൊപ്പം നിൽക്കുന്ന ചിത്രമാണ് പങ്കുവെച്ചിരിക്കുന്നത്. ഹാപ്പിനസ് മൈ ഗേൾസ് എന്ന ക്യാപ്ഷനോടൊയാണ് അഭിഷേക് ചിത്രം പങ്കുവെച്ചിരിക്കുന്നത്. ചിത്രം വൈറലായിരിക്കുകയാണ്. മികച്ച സ്വീകാര്യതയാണ് അമ്മയുടേയും മകളുടേയും ചിത്രത്തിന് ലഭിച്ചിരിക്കുന്നത്.

ഹണി ആന്റ് മൂൺ

വിവാഹ വാർഷിക ദിനത്തിൽ ഐശ്വര്യയുടെ ചിത്രം താരം അഭിഷേക് പങ്കുവെച്ചിരുന്നു. ഹണി ആന്റ് മൂൺ എന്ന ക്യാപ്ഷനോടെയാണ് ചിത്രം ഇൻസ്റ്റഗ്രാമിൽ ചേർത്തത്.ചന്ദ്രന്റേയും കടൽ തീരത്തിന്റേയും പശ്ചാത്തലത്തിൽ നിൽക്കുന്ന ഐശ്വര്യയുടെ ചിത്രമാണ് ജൂനിയർ ബച്ചൻ പങ്കുവെച്ചിരിക്കുന്നത്. കൂടാതെ മാൽ ദിവസിലെ ബീച്ചിന്റെ ചിത്രവും താരം ഇൻസ്റ്റഗ്രാമിൽ പങ്കുവെച്ചിട്ടുണ്ട്. അഭിഷേക് ബച്ചന്റേ പോസ്റ്റിനും വിവാഹ ആശംസകൾ നേർന്ന് ബോളിവുഡും ആരാധകരും രംഗത്തെത്തിയിരുന്നു.

മാൽദിവസിലെ ആഘോഷം

മാൽദിവസിലാണ് താരങ്ങൾ ഇക്കുറി താരങ്ങൾ വിവാഹ വാർഷികം ആഘോഷിക്കുന്നത്. കഴിഞ്ഞ ദിവസം സുഹൃത്തുക്കൾക്കൊപ്പമുള്ള ചിത്രങ്ങൾ പങ്കുവെച്ചിരുന്നു. മാൽദിവസിലെ താരങ്ങളുടെ അവധി ആഘോഷ ചിത്രങ്ങൾ സമൂഹ മാധ്യമങ്ങളിൽ വൈറലായിരുന്നു.