വാണ്ടഡിലെ സല്‍മാന്റെ സഹതാരം ഇന്ദെര്‍ കുമാര്‍ വിടവാങ്ങി!!!!

സല്‍മാന്‍ ഖാന്‍ ചിത്രം വാണ്ടഡില്‍ സഹതാരമായിരുന്ന ബോളിവുഡ് നടന്‍ ഇന്ദെര്‍ കുമാര്‍ അന്തരിച്ചു. ഹൃദയാഘാതത്തേത്തുടര്‍ന്ന് മുംബൈയിലെ അന്ദേരിയിലുള്ള വീട്ടില്‍ വെച്ചായിരുന്നു അന്ത്യം. നാല്പത്തിയഞ്ച് വയസായിരുന്നു പ്രായം. ഖിലാഡിയോം കാ ഖിലാഡി, കഹിന്‍ പ്യാര്‍ നാ ഹോ ജായേ, വാണ്ടഡ് എന്നിവയാണ് പ്രധാന ചിത്രങ്ങള്‍.

1996ല്‍ പുറത്തിറങ്ങിയ മാസൂം എന്ന ചിത്രത്തിലൂടെ ബോളിവുഡില്‍ അരങ്ങേറിയ താരം ഇക്കാലയളവില്‍ 20ല്‍ അധികം സിനിമകളില്‍ അഭിനയിച്ചിട്ടുണ്ട്. ഇന്ദര്‍ കുമാറിന്റെ അവസാന ചിത്രങ്ങളില്‍ ഒന്നായിരുന്നു വാണ്ടഡ്. വിവാദങ്ങളില്‍ നിന്നും ഇന്ദര്‍ കുമാറും ഒഴിവായിരുന്നില്ല. സ്ത്രീ പീഡന കേസില്‍ ഇന്ദര്‍ കുമാര്‍ 2014ല്‍ അറസ്റ്റിലായിരുന്നു. കുറച്ച് മാസങ്ങള്‍ക്ക് മുമ്പായിരുന്നു ഇന്ദര്‍ കുമാറിന് ജാമ്യം ലഭിച്ചത്.