ഓര്‍മകള്‍ മിഠായിപ്പെട്ടികള്‍ പോലെ, മുൻ കാമുകനൊപ്പമുള്ള ചിത്രം പങ്കുവെച്ച് നടി, കമന്റുമായി ഭർത്താവ്

ചിത്രത്തിലെ ഫസ്റ്റ്ലുക്ക് ടെസ്റ്റിന്റെ ചിത്രങ്ങളായിരുന്നു ദീപീക തന്റെ സോഷ്യൽ മീഡിയ പേജിലൂടെ പങ്കുവെച്ചത്. നൈന നൈന തല്‍വാര്‍ എന്ന അടി കുറിപ്പോടെയാണ് ചിത്രം പങ്കുവെച്ചിരിക്കുന്നത്. ഓര്‍മകള്‍ മിഠായിപ്പെട്ടികള്‍ പോലെയാണ്. ഒരുവട്ടം തുറന്നാല്‍ പിന്നെ ഒരു ചെറിയ കഷ്ണം പോലും കഴിക്കാന്‍ കിട്ടില്ല. ഇത് ഞങ്ങളുടെ ഫസ്റ്റ്ലുക്ക് ടെസ്റ്റ്. താരം കുറിച്ചു. ദീപികയുടെ പോസ്റ്റ് വൈറലായിരിക്കുകയാണ്. ആരാധകർ ഉൾപ്പെടെ നിരവധി പേർ കമന്റുമായി എത്തിയിട്ടുണ്ട്.

ദീപികയുടെ പോസ്റ്റിന് ലഭിച്ച കമന്റുകളിൽ ഏറ്റവും ശ്രദ്ധിക്കപ്പെട്ടത് ഭർത്താവും നടനുമായ രൺവീറിന്റെ കമന്റാണ്. ക്യൂട്ട് എന്നാണ് രൺവീർ കമന്റ് ചെയ്തിരിക്കുന്നത്. നടന്റെ കമന്റ് പ്രേക്ഷകരുടെ ഇടയിൽ വൈറലായിട്ടുണ്ട് സംവിധായകനും ചിത്രത്തിന്റെ നിർമ്മാതാവുമായ കരൺ ജോഹറും 7 വർഷത്തെ ഓർമ പങ്കുവെച്ച് ഒരു വീഡിയോ പോസ്റ്റ് ചെയ്തിരുന്നു.ഈ ചങ്ങാതിക്കൂട്ടം ഞങ്ങളുടെ ജീവിതത്തിലേക്ക് കടന്നുവന്ന് 7 വർഷമായി, ഒപ്പം സൗഹൃദത്തെയും സ്നേഹത്തെയും കുറിച്ച് ഞങ്ങളെ പഠിപ്പിച്ചു. ഏതൊരു കലാഘട്ടത്തിലും പ്രസക്തമായ സിനിമ എന്നായിരുന്നു കരൺ ജോഹർ കുറിച്ചത്.

2013 ൽ ഏറ്റവും സാമ്പത്തിക വിജയം നേടിയ ചിത്രമായിരുന്നു ഇത്. നൈന തൽവാർ എന്ന കഥാപാത്രമായി ദീപിക എത്തുമ്പോൾ ബണ്ണിയെ രൺബീർ അവതരിപ്പിക്കുകയായിരുന്നു. ഓരേ സ്കൂളിൽ പഠിച്ച രണ്ട് പേർ ട്രക്കിങ്ങിനിടെ വർഷങ്ങൾക്ക് ശേഷം കണ്ടു മുട്ടുകയും ഇവർക്കിടയിൽ ഉടലെടുക്കുന്ന സൗഹൃദവും പ്രണയവുമായിരുന്നു ചിത്രത്തിന്റെ പ്രമേയം. രൺബീർ, ദീപിക എന്നിവർക്കൊപ്പം ആദിത്യ റോയ് കപൂർ, കൽക്കി, കരുൺ റോയ് എന്നിവരും പ്രധാന വേഷത്തിൽ എത്തിയിരുന്നു.

ചിത്രത്തിലെ ഏറ്റവും ഹൈലൈറ്റ് ദീപിക രൺബീർ ജോഡിയായിരുന്നു. ഒറ്റ ചിത്രം കൊണ്ട് തന്നെ ബോളിഡിലെ മികച്ച താര ജോഡിയാവുകയായിരുന്നു ഇരുവരും. യെ ജവാനി ഹേ ദീവാനിക്ക് ശേഷം 2015ല്‍ പുറത്തിറങ്ങിയ തമാശയിലാണ് ദീപികയും രണ്‍ബീറും വീണ്ടും ഒരുമിച്ചത്. ബ്രേക്കപ്പിന് ശേഷം ഒരുമിച്ച് അഭിനയിച്ച ചിത്രമായിരുന്നു ഇത്,ഫറാ ഖാന്‍റെ സംവിധാനത്തില്‍ 2007ല്‍ പുറത്തിറങ്ങിയ ഓം ശാന്തി ഓമിലൂടെയായിരുന്നു ദീപിക ബോളിവുഡിൽ എത്തിയത്.