''ആദ്യ ചിരിയിലെ പ്രണയം'', ഇങ്ങനെയാണ് ഞങ്ങളുടെ കൊവിഡ് കാലം, ചിത്രം പങ്കുവെച്ച് നടി...

ലോക്ക് ഡൗൺ കാലം മകൾ സാഫോയ്ക്കൊപ്പം ആഘോഷിക്കുകയാണ് കൽക്കി. കഴിഞ്ഞ ദിവസം തന്റെ മനോഹരമായ ലോക്ക് ഡൗൺ ജീവിതം താരം വെളിപ്പെടുത്തിയിരുന്നു. ഇൻസ്റ്റഗാമിൽ‌ ചിത്രം പങ്കുവെച്ചു കൊണ്ടായിരുന്നു താരത്തിന്റെ വെളിപ്പെടുത്തൽ. കൽക്കിയെ നോക്കി പുഞ്ചിരിക്കുന്ന മകൾ സാഫോയുടെ ചിത്രമായിരുന്നു താരം പങ്കുവെച്ചത്. അമ്മയെ നോക്കി അതി മനോഹരമായി പുഞ്ചിരിക്കുന്ന ആ മാലാഖയുടെ ചിത്രം നിമിഷം നേരം കൊണ്ട് സോഷ്യൽ മീഡിയയിൽ വൈറലാവുകയായിരുന്നു.

കൊവിഡ് കാലം എന്ന് കുറിച്ചു കൊണ്ടായിരുന്നു ലോക്ക് ഡൗൺ ദിനങ്ങളെ കുറിച്ച് താരം പങ്കുവെച്ചത്. അടച്ചു പൂട്ടിയ മുറിക്കുള്ളിൽ കുഞ്ഞിനോടൊപ്പം ഇരുന്ന് അവളുടെ കളി ചിരികൾ രസിക്കുകയാണ് താരം. ആദ്യ ചിരിയിലെ പ്രണയം എന്നാണ് മകളുടെ ചിരിയെ കുറിച്ച് താരം പറയുന്നത്. കാമുകന്‍ ഗൈ ഹര്‍ഷ്‌ബേഗാണ് ചിത്രം പകർത്തിയിരിക്കുന്നത്. ചിത്രം സോഷ്യൽ മീഡിയയിൽ വൈറലായിട്ടുണ്ട്. കൽക്കിക്കും മാലാഖ കുഞ്ഞിനും ആശംസ നേർന്ന് കൊണ്ട് ആരാധകരും സിനിമ താരങ്ങളും എത്തുന്നുണ്ട്. മികച്ച കമന്റുകളാണ് ലഭിച്ചിരിക്കുന്നത്. ഗർഭകാലത്ത് വിമർശനം കേൾക്കേണ്ടി വന്നിരുന്നുവെങ്കതിലും അമ്മയായപ്പോൾ ആ സ്ഥിതി മാറിയിരിക്കുകയാണ്.

ഗർഭകാലം പോലെ മാതൃത്വവും ആഘോഷമാക്കുകയാണ് കൽക്കി. മകളോടൊപ്പമനുള്ള ഓരോ നിമിഷവും താരം സമൂഹമാധ്യമങ്ങളിൽ പങ്കുവെയ്ക്കാറുണ്ട്. കൂടുതലും മകളെ കൈകളിൽ പിടിച്ച് ഉറങ്ങുന്ന ചിത്രങ്ങളാണ് താരം പങ്കുവെയ്ക്കാറുളളത്. കഴിഞ്ഞ കുറച്ചു നാളുകളായി ഉറക്കം പോലും ഇല്ലാതായി എന്ന് കുറിച്ചു കൊണ്ടായിരുന്നു പല ചിത്രങ്ങളും പോസ്റ്റ് ചെയ്തിരിക്കുന്നത്.

സംവിധായകൻ അനുരാഗ് കശ്യപുമായുള്ള വിവാഹ ബന്ധം അവസാനിപ്പിച്ചതിന് ശേഷമായിരുന്നു പിയാനോയിസ്റ്റായ ഗൈഹര്‍ഷ്ബഗിനൊപ്പം ഒരുമിച്ച് ജീവിച്ച് തുടങ്ങുന്നത്. വിവാഹത്തിന് മുൻപ് അമ്മയായതിൽ ആരാധകർക്കിടയിൽ മാത്രമല്ല കൽകിയുടെ വീട്ടുകാർക്കിടയിലും എതിർപ്പുണ്ടായിരുന്നു. ഇതിനെ കുറിച്ച് താരം വെളിപ്പെടുത്തുകയും ചെയ്തിരുന്നു. വിവാഹത്തിനോട് തനിയ്ക്ക് എതിർപ്പൊന്നുമില്ലെന്നും എന്നാൽ അമ്മയാകുന്നതിന്റെ പേരിൽ വിവാഹം കഴിക്കുന്നതിനോട് തനിയ്ക്ക് യോജിപ്പില്ലെന്നും താരം പറഞ്ഞിരുന്നു. വിവാഹത്തിന് എതിരല്ല ഞങ്ങള്‍. ഒരിക്കല്‍ അതിന്റെ സമയം വരുമ്പോള്‍ അത് നടക്കും. ഞങ്ങള്‍ രണ്ട് പേരും ഇപ്പോള്‍ സന്തുഷ്ടരാണ്. അമ്മയാകാൻ പോകുന്നു എന്ന് അറിഞ്ഞപ്പോൾ അമ്മ പറഞ്ഞത് ഇത്രമായിരിന്നു. ജീവിക്കാൻ വേണ്ടിയാണ് വിവാഹം കഴിക്കുന്നത്.