Don't Miss!
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
'രൺവീർ സിംഗ് മാത്രം'; വൈറലായി സമാന്തയുടെ വാക്കുകൾ; ആശ്ചര്യത്തോടെ കരണും അക്ഷയ് കുമാറും
രണ്ട് എപ്പിസോഡുകൾ മാത്രമാണ് പുറത്തിറങ്ങിയതെങ്കിലും ബോളിവുഡിൽ വലിയ ചർച്ചാ വിഷയമായിരിക്കുകയാണ് കരൺ ജോഹറിന്റെ ടോക് ഷോയായ കോഫി വിത്ത് കരൺ. ആലിയ ഭട്ടും, രൺവീർ സിംഗും ഒന്നിച്ചെത്തിയ ആദ്യ എപ്പിസോഡ്, സാറ അലി ഖാൻ, ജാൻവി കപൂർ എന്നിവരെത്തിയ രണ്ടാം എപ്പിസോഡ് എന്നിവയാണ് ഇതുവരെ പുറത്തു വന്നത്.
ഇപ്പോഴിതാ ഷോയൂടെ മൂന്നാമത്തെ എപ്പിസോഡ് പുറത്തു വരാനിരിക്കുകയാണ്. നടൻ അക്ഷയ് കുമാർ, നടി സമാന്ത എന്നിവരാണ് മൂന്നാമത്തെ എപ്പിസോഡിൽ എത്തുന്നത്. ഇതിന്റെ പ്രൊമോ ഇതിനകം ഹിറ്റായിക്കഴിഞ്ഞു.
വളരെ എൻർജറ്റിക് ആയ എപ്പിസോഡ് ആയിരിക്കുമെന്നാണ് പ്രൊമോ നൽകുന്ന സൂചന. സമാന്തയെ കൈകളിലേന്തിയാണ് അക്ഷയ് ഷോയിലേക്ക് കടന്നു വന്നത്. കരണിന്റെ റാപിഡ് ഫയറിൽ രസകരമായ മറുപടികളാണ് ഇരു താരങ്ങളും നൽകുന്നത്. നടൻ രൺവീർ സിംഗിനെക്കുറിച്ച് ഷോയിൽ സമാന്ത പറഞ്ഞ വാക്കുകളും ഇതിനിടെ വൈറലാവുന്നുണ്ട്.
റാപിഡ് ഫയറിലെ ചോദ്യത്തിന് മറുപടി നൽകവെയാണ് സമാന്ത രൺവീറിന്റെ പേര് പറഞ്ഞത്. ഒരു ബാച്ച്ലരറ്റ് പാർട്ടി നടത്തിയാൽ ബോളിവുഡിൽ നിന്ന് ഏത് നടനെയാണ് ഡാൻസ് ചെയ്യാൻ വിളിക്കുകയെന്നായിരുന്നു കരണിന്റെ ചോദ്യം. രൺവീർ സിംഗിനെ മാത്രം എന്നാണ് സമാന്ത നൽകിയ മറുപടി. നേരത്തെ സമാന്തയുടെ ഹിറ്റ് ഐറ്റം സോംങായ ഊ അണ്ടാവായെ രൺവീറും പ്രശംസിച്ചിരുന്നു.
ഇതുവരെ സിനിമകളിൽ ഒരുമിച്ചഭിനിയിച്ചിട്ടില്ലെങ്കിലും ഒരു പരസ്യത്തിൽ സമാന്തയും രൺവീറും ഒരുമിച്ചഭിനയിച്ചിട്ടുണ്ട്. ഈ സെറ്റിൽ നിന്ന് ഇരുവരുമെടുത്ത സെൽഫിയും നേരത്തെ വൈറലായിരുന്നു.
കോഫി വിത്ത് കരണിൽ അക്ഷയ് കുമാറും രസകരമായ മറുപടികളാണ് നൽകിയത്. ഭാര്യയെ കളിയാക്കിയതിന് നടൻ വിൽ സ്മിത്ത് ഓസ്കാർ വേദിയിൽ വെച്ച് മുഖത്തടിച്ച അവതാരകൻ അക്ഷയ്യുടെ ഭാര്യയെ ആയിരുന്നു കളിയാക്കിയിരുന്നതെങ്കിൽ എന്തായിരിക്കും പ്രതികരണമെന്നായിരുന്നു കരണിന്റെ ചോദ്യം. അയാളുടെ ശവസംകാരത്തിന്റെ ചെലവ് ഞാൻ വഹിക്കും എന്നാണ് അക്ഷയ് കുമാർ നൽകിയ മറുപടി.
ഷോയിൽ സമാന്ത തമാശയായി കരണിനെ കുറ്റപ്പെടുത്തുന്നുമുണ്ട്. പരാജയപ്പെടുന്ന വിവാഹങ്ങൾക്ക് നിങ്ങളാണ് കാരണക്കാരൻ എന്ന് സമാന്ത കരണിനോട് പറയുന്നു. വിവാഹ ജീവിതം കരണിന്റെ സിനിമയായ കഭി ഖുശീ കഭീ ഗം പോലെയാണെന്ന് ജനത്തെ തെറ്റിദ്ധരിപ്പിക്കുന്നെന്നും യഥാർത്ഥത്തിൽ വിവാഹം ജീവിതം കെജിഎഫ് സിനിമ പോലെയാണെന്നുമാണ് സമാന്ത പറഞ്ഞത്. തന്റെ വിവാഹ മോചനമാണെന്ന് സമാന്ത സൂചിപ്പിച്ചതെന്നാണ് വിവരം.
2021 ലാണ് സമാന്ത ഭർത്താവ് നാഗ ചൈതന്യയുമായി വേർ പിരിഞ്ഞത്. ശേഷം കരിയർ തിരക്കുകളിലാണ് സമാന്ത. യശോദ, ഖുശി, ശാകുന്തളം തുടങ്ങി ഒരുപിടി ചിത്രങ്ങളാണ് സമാന്തയുടേതായി പുറത്തിറങ്ങാനുള്ളത്. ബോളിവുഡ് അരങ്ങേറ്റത്തിനും സമാന്ത ഒരുങ്ങുന്നുണ്ട്. പക്ഷെ ഏത് സിനിമയിലൂടെയാണെന്ന് പ്രഖ്യാപിച്ചിട്ടില്ല.
Recommended Video
ആമസോൺ പ്രെെം സീരീസായ ഫാമിലി മാൻ സീസൺ 2 വിലെ വില്ലൻ വേഷത്തിന് ശേഷമാണ് സമാന്ത ദേശീയ തലത്തിൽ താരമായത്. ശേഷം പുഷ്പ 2 വിൽ ചെയ്ത ഹിറ്റ് ഐറ്റം ഡാൻസും വൻ ജനപ്രീതി നേടി. ഹിന്ദി സിനിമയിൽ നിന്നല്ലാത്ത ഒരു താരം കോഫി വിത്ത് കരണിൽ എത്തിയത് തന്നെ അപൂർവമാണ്. സമാന്തയുടെ കുതിച്ചുയരുന്ന പ്രശസ്തിയാണ് ഇതിനും വഴിവെച്ചതെന്നാണ് സൂചന.
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി
-
നീ സിനിമയില് പോയാല് ഞാന് മരിക്കും എന്ന് അച്ഛന്; പെണ്കുട്ടികള്ക്ക് സുരക്ഷിതമല്ലെന്ന് കരുതി
-
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി