കത്തി നിൽക്കുന്ന വിളക്കിനു മുന്നിൽ ഭക്തിയോടെ നടി! 2020ൽ അൽപം വ്യത്യസ്തയായി താരപുത്രി

ക്ഷേത്രാങ്കണത്തിൽ നിൽക്കുന്ന ചിത്രമാണ് താരം ന്യൂ ഇയർ ആശംസയ്ക്കൊപ്പം പങ്കുവെച്ചിരിക്കുന്നത്. കത്തി നിൽക്കുന്ന വിളക്കിനു മുന്നിൽ നിൽക്കുന്ന ചിത്രമായിരുന്നു താരം പോസ്റ്റ് ചെയ്തത്. സിമ്പിൾ മേക്കപ്പിൽ കുർത്ത ധരിച്ചായിരുന്നു സാറ ക്ഷേത്രത്തിൽ പ്രത്യക്ഷപ്പെട്ടത്. എല്ലാവർക്കും വളരെ മനോഹരമായ ഒരു വർഷം ആകട്ടെ എന്ന് താരം കുറിച്ചു. സാറ അലിഖാന്റെ ഈ ചിത്രം ബോളിവുഡ് കോളങ്ങളിലും സോഷ്യൽ മീഡിയയിലും വൈറലായിട്ടുണ്ട്.

ഇത്തവണ ക്രിസ്മസ് ആഘോഷിക്കാനായി താരം എത്തിയത് കേരളത്തിലായിരുന്നു. കുമരകത്തെ റിസോർട്ടിൽ താരവും സുഹൃത്തു സമയം ചെലവഴിക്കുന്നതിന്റേയും മറ്റും ചിത്രങ്ങൾ സോഷ്യൽ മീഡിയയിൽ വൈറലായിരുന്നു. പൂളിൽ സുഹൃത്തിനോടൊപ്പം നീന്തുന്നതിന്റെ ചിത്രങ്ങളും ഹൗസ് ബോട്ട് യാത്ര കാഴ്ചകളും കേരളത്തിലെ ഭക്ഷണം ആസ്വദിച്ച് കഴിക്കുന്നതിന്റേയും ചിത്രങ്ങൾ താരം പങ്കുവെച്ചുവെച്ചിരുന്നു. ബോളിവുഡ് ചിത്രങ്ങളിൽ ഗ്ലാമർ വേഷത്തിൽ പ്രത്യക്ഷപ്പെടുന്ന സാറ കേരളത്തിൽ എത്തിയപ്പോൾ അടിമുടി മാറിയിരുന്നു, വസ്ത്രധാരണത്തിൽ അത് പ്രകടമായിരുന്നു. ഫുൾ സ്ലീവ് കുർത്തയും ലോങ് ടോപ്പുകളുമാണ് താരം കൂടുതൽ ധരിച്ചിരുന്നത്.

സാറ അലിഖാന്റ വസ്ത്രധാരണം പലപ്പോഴു സോഷ്യൽ മീഡിയയിൽ ചർച്ച വിഷയമാകാറുണ്ട്. പൊതുവേദികളിലും സ്ഥലങ്ങളിലും താരം അധികം ഗ്ലാമറസ് ലുക്കിൽ പ്രത്യക്ഷപ്പെടാറില്ല. കൂടുതലും ലോങ് കുർത്തയും ഫുൾസ്ലീവ് വസ്ത്രങ്ങളുമായിരിക്കും താരം ധരിക്കു. സിനിമകളിലും താരം അതീവ ഹോട്ട് ലുക്കിൽ പ്രത്യക്ഷപ്പെടാറില്ല. സോഷ്യൽ മീഡിയ പേജുകളിലും പങ്കുവെയ്ക്കുന്ന ചിത്രങ്ങളിൽ ഗ്ലാമറസ് ചിത്രങ്ങൾ വളരെ കുറവാണ്.

സോഷ്യൽ മീഡിയയിൽ സജീവമാണ് താരം. സിനിമ വിശേഷങ്ങൾക്കൊപ്പം ഫാമിലി നിമിഷങ്ങളും താരം പങ്കുവെയ്ക്കാറുണ്ട്. അമ്മ അമൃത സിങ്ങിനോടൊപ്പമുള്ള ചിത്രങ്ങളും സഹോദരന്മാരായ ഇബ്രാഹിം, തൈമൂർ അലിഖാൻ എന്നിവർക്കൊപ്പമുളള ചിത്രങ്ങൾ താരം പങ്കുവെയ്ക്കാറുണ്ട് സഹോദരൻ ഇബ്രാഹിമിനോടൊപ്പമുളള പൂൾ ചിത്രം താരം ഇൻസ്റ്റഗ്രാമിൽ പോസ്റ്റ് ചെയ്തിരുന്നു.